المشاركة الأصلية كتبت بواسطة الولد الرزين

بالله عليكم يا جماعة إنتوا إيش قاعدين تقولوا..

يعني بالله الجماع يجي بذي الطريقة يعني تطلب حقها وهو يقول لها طيب خلاص بجيك يوم ولا يومين في الإسبوع ويعملوا إتفاق إيش اللي تطلب حقها هو ذا شئ ينطلب.. لازم النفوس تكون صافية لازم ما يكون فيه فجوة بين الزوجين يا جماعة الجنس ما هو مجرد حركات لازم يكون فيه عاطفة ومشاعر ولازم هذه المشاعر والأحاسيس تثور وتهيج قبل الجماع وكيف راح يحصل كذا إذا التواصل العاطفي إنقطع بين الزوجين نهائياً يا جماعة إنتوا عارفين إن الفترة اللي قضتها عند أهلها من يوم زواجهم أكثر من الفترة اللي جلست معاه سواء بعذر ولا بدون عذر الزوج قليل خبرة في الزواج وهي ما شاء الله شهرين وحملت وراحت بيت أهلها يعني علاقتهم ببعض لسى ما إتوطدت يا دوب تعرفوا على بعض كيف تبغوه يقدّر غيابها ويتحمل بعدها ويلتمس لها العذر..

أنا ما أنكر إن فيه مشكلة كبيرة لازم حلها لكن مو نحل المشكلة من نصها ونقول لازم تصارحيه وتواجهيه وتطالبي بحقك هذا الكلام خطأ خطأ خطأ..

طبعاً يا أختي إنت ما تنكري إنك قمتي بخطأ كبير ببعدك عن زوجك كل هذه الفترة الطويلة بالذات في بداية زواجكم لذلك إنت سبب كل هذه المشاكل وإذا تبغي تصلحي إمورك لازم تحلي هذه المشكلة من بدايتها وكل شئ ترتب عليها وبعدين في الأخير تجيبي طارئ حقك الشرعي..

في رأي تسوي جلسة رومنسية وتزبطي نفسك وتفاجئ زوجك بيها يعني لا تقولي له أبغى أتكلم معك علشان لا يتهرب منك المهم لازم يكون محور حديثك هو (الإعتذاااااااار) عما بدر منك يعني تقولي له أنا عرفت إني أخطأت معك بروحتي عند أهلي لكن سامحني وأنا أبغى رضاك أنا حاسة بفجوة بيني وبينك وأنا سببها المهم أعطيه من دا الكلام وكبريه وإنك ما راح تكرريها مرة ثانية وتقعدي تطلبي رضاه وما تتركية إلين يقول لك خلاص رضيت وأنتبهي تفتحي أي موضوع ولا كلام بخصوص حقك أو تعاتبيه وتوعديه إنك راح تتغيري معاه وتحاولوا تصلحي إللي أنكسر بينكم وتهتمي فيه أكثر يعني غداء ولازم معاه حلى ولازم لسانك حبيبي وحياتي وعمري ومن ذا الكلام يعني تزودي الإهتمام بشكل ملحوظ وإياك إيك إيك تعاتبيه في شئ ولا تلمحي له إنك تبغي منه شئ طبعاً هذه الخطوة الأولى أنا عارف إنها صعبة شوي لكن هذا بداية الحل ويمكن يستمر الوضع هذا فترة علشان تقربوا من بعض أكثر وتزول الفجوة هذه اللي بينكم ولا تنسي أختي إنك إنت سبب هذا كله فرجاء تحملي وسوي كل هذا بطيب خاطر ولازم تعترفي وتقتنعي داخل نفسك إنك كنت غلطانة والحاصل هذا بسببك وهذه حياتك ومستقبلك ومستقبل بنتك الصغيرة يعني لازم تسيطري على هذا الوضع من بدري..

وحاجة مهمة كمان روحة بيت أهلك مرة مافيه حتى الزيارات الإسبوعية لمدة شهرين أو ثلاثة على الأقل وإذا رحتي خليها زيارة كم ساعة بس وأنتبهي تنامي عند أهلك مرة ثانية على الأقل في بداية حياتكم..

أعتذر على الإطالة ولي عودة إن شاء الله لذكر الخطوة الثانية إن أردتي..