حبيبتي ونورعيني حنان

أقسم بالذي رفع السموات بلاعمد ..

أقسم بمن خضعت له رؤوس الجبابره

رغم زواج زوجي وغيرتي وزعلي إلاإني رضيت بالواقع وكنت أقول مافيها شئ ماعمل شئ غلط

والحلال ولاالحرام ..وقلت لوأنا مكانها وقدرالله لي الزواج بالمره الأولى ثم أطلقت وبعد كدا تقدم لي رجل

متزوج وكان طيب حتماً سأرضى به كزوج

وإلى يومك لاأنكرزعلي من زوجي لأنه صدمني بهذه الفعله ...

ولكن زوجته لمن تترك لي حال ولاسبيل إلاوجاءت لي منه

جننتني بتصرفاتها بالغيره

كم مره تطلب مني تركه لها لأني خلاص المفروض إني شبعت منه

وأقول لها المسأله ليست مسألة جنس فقط

إنما المسأله حياه وعشره وسكن وأولاد

ياليت زوجة زوجي مثل واحد منكم الطيبات

كنت أحطها بعيوني وأشيلها بقلبي وأكون لها كأخت وأكثر


بس الغيره دابحه قلبها

ولكن ياحسره علي

لذلك فضلت الإبتعاد عنها أفضل لي ولها

ولكن ماتزال تبحث عن المشاكل معي عن طريق زوجي الذي تغيرعلي في الأونه الأخيره

تحيتي لكم

__________________

__________________
[IM

هلا اخت روعه
بصراحه ماادي وش اقول في ضرتك ,,,الله يعينك عى غيرتها
شكلها مزودتها حبتين ههههههه,,,,,,,,,,
احسن حل ومافية حل غيره سوى الابتعااااااااااااااااااااد عنها
وتكلمين زوجك انه يفهمها بان مالها دخل فيك نهائيا ,,,,,,

والله اني ارحمها لو اشغلت نفسها بشي تستفيد منه
بدل مراقبة الناس كان ارتاحت لان المثل يقول من راقب الناس مات هما,,,
ولو تكلمينها باسلوب طيب صدقيني راح تلين معاك وقوليلها فية حدود الواحد لازم يوقف عندها
وانتي بصراحه تعديتي حدودك معي ,,,,,,,,لان بصراحه لو انا مكانك كان علمتها الصح من البداية ,,,
مثل ضرتي كانت كذا في البداية تبغاني اتكلم معاها عن كل شي حتى زوجي تبي تعرف عنا كل شي ,,
لكن مع الوقت عرفت حدودها وعرفت ان الواحد له حياته الشخصية ومو من حقة ابد انه يراقب غيره لانه بالاخير هي الخسرانه اكيد ,,,,,

هلا بك يالغالية
فعلا هذا الدعاء سبحان الله يريحك كثيييييييييييييير ,,ومثل ماشفتي بنفسك
انتي كذا

مرحبا انا زوجة ثانيه واعيش حياة مستقره والحمد لله ومبسوطه وماعلي من احد رغم اني ايام الخطوبة تعرضت للهجوم الشرس من الاقارب قبل الاغراب ولكن انا كنت ومازلت مقتنعة من قراري صحيح مرت علي ايام بغيت افطس من الغيرة ولكن تعوذت من الشيطان واصبحت لاافكر كثيرا باشياء سخيفة قد تدمر سعادتي وانجبت اولاد وحياتي الحمد لله ناجحة

__________________

هلا بك اختي ,,,,,,,,,,اتمنى لك حياة موفقه وسعيدة باذن الله اكثر واكثر
اللي تسوينه عين الصواب ,,,,,,,,,,,,,,ماعليك من احد وشر الناس من الناس
وتعجبني الوحدة اللي تكون واثقة من نفسها واخر اهتماماتها كلام الناس
هي اللي بتعيش صح ,,,,,,,,,,,,,,,,,,,,وموفقه ياقلبي
وانتي بعد كذا

السلام عليكم ورحمة الله وبركاته
أنا بعد زوجه ثانيه واليوم مسجله بهالمنتدى يعني ضيفه عليكم لاكن عجبني مره موضوعكم وحبيت اكتب لكم تجربتي عسى اذا سمعتوها ممكن القى عندكم حل يفيدني ويريحني انا تقريبا لي سنتين متزوجه وعندي بنت ومعظم هالسنتين قضيتها في بيت اهلي لاني ما قدرت اتحمل هالحياه
اروح لبيت اهلي على اني ما ارجع ابد واحن له لان مشكلتي الكبيره حبيته وبعدها ارجع وما اتحمل واروح مره ثانيه لأهلي ويجي يترضاني ويوعدني يتغير ويبوس ايدي وبعدين ارجع لاكن ؟؟؟؟؟؟؟؟؟؟؟؟بدون فايده
المشكله ان زواجي من البدايه غلط بغلط
لانه من اول ماخطبني بدأ مشواره بالكذب وقال انه مطلق زوجته وماعنده الا طفلين واقسم انه مطلق ولما سألنا قالو فعلا هي عند اهلها لاكن ماندري مطلقه وجاب جدي معه على شان يأكد لنا انه مطلق بالرغم بأننا مانعرفه الا عن طريق جدي الله يسامحه وصدقنا وماسألنا بالموضوع وتم الزواج في اسبوع بس هذا بطلبه واصر بكذا بحجة انه جاهز من كل شي
ولما تزوجت بعد زواجي بيوم واحد بس اكتشفت انه ماطلق وان زوجته رجعت لبيتها وانه كان متزوج بعد وحده قبلي ب6شهور وطلقها وان عنده اربع اطفال مو اثنين واعترف انه كذب بالموضوع لانه مالقى غير هالطريقه عشان اقبل فيه وسكني في شقه جنب فلة زوجته الاولى يعني مابينا إلا جدار وهد هالجدار من 5 ايام الزواج وكل اللي وعدني فيه مالقيت منه شي
انا استقبلت زوجته باحترام من 3 ايام الزواج ولاني عارفه ان مالها اي ذنب لاكن المشكله هي قربي منهم لاني لو كنت بعيده يمكن اهون صار يرفض الطلعه بحجة لاتزعل يقول لانتي ولاهي وصارو عياله عندي 24 ساعه واذا طلعتهم زعل وحتى بالليل ما اعرف انام منهم واذا تبي منه زوجته شي هدت عياله عليه وماسكته بحبه لهم والله صرت اتأذى منهم اللي يغلط علي بالكلام واللي يقلل احترامه لي واذا قلت له ماصدقني يفكر اني ابي ابعد عنهم وبالعكس تحملتهم وهي غلطت علي اكثر من مره تقول تطردين عيالي من ابوهم وبالعكس مارديت عليها ابدا احترام له لاكن هو ماقدر هالشي
ادري طولت عليكم وربي لو تسمعون حكايتي كامله ان تبكون دم هذا شي بسيط واللي زاد الطين بله ان الناس لايميني اني تزوجته يقولون ليه تتزوجينه وانتي حلوه وصغيره والكل يتمناك حتى اولالاد عمي زعلانين النصيب لا ووحيدة اهلي وماتوفقت جبتلهم معي طفله يربونها
تدرون وش المشكله انا عارفه ومتأكده انه يحبني ومتمسك فيني ومعجب بكل شي فيني لانه اعترف بانه لقي كل اللي كان يتمناه وتزوج عشانه لاكن موراضي يزين عندي ويعطيني حقوقي ويسعدني وحارمني من كل شي مع اني مو طالبه غير حقوقي زي بنات خلق الله ليه عذره الدايم ؟؟؟؟؟؟؟؟؟؟مقدر ازعل ام العيال تروح وتخلي عيالها اذا عرفت اني اعطيتك شي او طلعتك او حتى ابتسمت لك؟؟؟؟؟؟؟؟؟ وهي قبل هالمره راحت لأهلها وتركت العيال معه شهر ومقدر عليهم لمشاغله الكثير لانه رجل اعمال فاضطر يراضيها ويرجعها ويراعي شعورها حتى لو فيه هضم لحقوقي مسكته من اليد اللي توجعه واعترفت قدامي بكذا وتوعدت عندي اني مستحيل اخليك تتهني انتي وياه ومع كذا ما قلت له عن كلامها عشان المشاكل لاني ادري انه يحب اطفاله مووووت مقدرت اعيش على هالحاله اكثر من مره رحت لأهلي قلت بيتعدل لاكن مافيه فايده وانا الحين اكتب لكم من بيت اهلي وطالبه الطلاق لاني مستحيل اعيش تحت تصرف زوجته هي اللي حاكمتنا كلنا وللحين جاء مية مره ورافضه ارجع تكفووون وش الحيله معه اطلق واخسر بنتي والا ارجع في تعاسه والله مايرضاها الواحد لنفسه مع ان والله العظيم والله العظيم لو يلف الدنيا ما يلقى وحده زيي تحبه وتحترم زوجته وتحب عياله وشايلتهم بعيوني والله صرت حتى الاكل اللي يحبونه ازينه لهم واعطيهم وهي عمري ماجبت طاريه عندها لابزين ولابشين ودايم معها حتى اذا جاها ضيوف معها بالمطبخ زي اختها وربي واشتغل اكثر منها واغلب الناس اللي يجونهايشوفون بعيونهم وحاسدينها علي واذا راحت مكان اقعد مع عيالها لحد ماترجع قلت اذا زنت عندها بتزين عندي دون فايده لاقدرت ولاهو قدر واذا جربت غيري راح تندم وتتمنى ريحتي
اسفه على الطاله لاكن حبيت اطلع اللي بقلبي وارتاح
شكرا لصاحبة الموضوع

جبراوية ,,,,هلا بك ياقلبي معنا
وهونيها وتهون ,,,,,,,,,,,,,,,,,,,
الغلط من زوجك المحترم !!!لان الرجل اللي يتبع هذي الطريقة للاسف يعتبر سلبي وبدرجه كبيرة ؟؟؟
شوفي ياقلبي,,,,,,,لاتستعجلين ولاتعطين الشيطان مدخل بينكم ابد
وارجعي لبيتك ولاتفكرين الا بنفسك انتي وقوليلة انا لي حقوق كزوجه وانت كذا ظالمني
وهذا مايرضاة رب العالمين ,,,وانا من حقي اني اطلع واستانس وامارس ابسط حقوقي الزوجيه معاك,,
لكن للاسف زوجك سلبي ,,,ويخاف على مشاعر زوجته الاولى ,,على حساب مشاعرك وهذا قمه الظلم
ياقلبي لاتزعلين نفسك وربك بيحلها اكثري من الاستغفار وبتشوفين كيف امورك بتتيسر باذن الله ,,وعن تجربه اقولك هالكلام ,,صدقيني الاستغفار فرج هموم كثيرة وييسر لنا امور بدون مانحس فيها ابد
طيب ابوك واخوانك ماتدخلو في موضوعك؟؟؟؟؟

أخواتي العزيزات
بالرغم من غيرتي من زوجة زوجي وهي نفس الشي طبعا بس والحمد لله أكن لها كل الاحترام وهي ماتعرضتني بشي أبدا
والزوج هو الي له دور كبير في هالشي وكل وحدة فينا عايشة حياتها وماتدري شي عن الثانية بس زوجي أحيان ينقلي أخبارها هي وعيالها وتصير الغيرة أو يحاول يتصل عليهم ويتطمن وهو عندي وأنا انتظر منه هل يسوي نفس الشي معايا ولا لا هههههههههههههه الغيرة عاملة عمايلها معايا


بس أنا ما امدح نفسي وقلت لزوجي لو شفته يوم مقصر معي إني أحسب حساب العشرة الي بينهم وطول مدة حياتهم مع بعض وأكيد هي فاهمته يمكن أكثر مني بس الحب هو سلاحي الوحيد على الاقل الان والله لا يغير عليه الا بخير

ونداء لكل زوجة ثانية أنها لاتحاااول تستميل زوجها لنفسها فهذه انانية منها وتحاول تفهم أنه مهما كان فله عشرة طويلة مع زوجته وعياله وإذا هو تنكر لها وترك عياله معناه مايطمر فيه العشرة والي سواه مع زوجته ممكن يكرره معاها

أسأل الله الهناء والسعادة لكل زوجة

__________________

أختي جبراوية

أسفة
بس أبي أقولك خطأ كبير أنك تحاولين ترضين زوجك بطريقتك هاذي نصيحتي لك إذا رجعتي لزوجك ولبيتك حطي في بالك أن سعادتك أهم شي بحياتك
يعني

ركزي في زوجك وفي الي يحبه لا تحاولي ترضينها لان مالك ذنب في زواج زوجها علشان تتحملي إنتي أخطائها معاه على حسابك أو أخطاءه عليها على حسابك
ولا تنفذي طلباتها لانه منتي مجبره على هالشي وكان كرم منك والمشكله احنا أحيان نسوي أشياء ماهي مطلوبه منا نسويها وفي النهاية نقابل بالاساءه
فأنتي أذا اخذتي موقف محدد منك صدقيني هي راح تفهم وماراح تحاول تضايقك لانها تحاول تضايق زوجك فيك أنتي وتنفس عن غضبها من زوجها فيك أنتي وتضغط عليه بالاولاد

واذا ما فهمت اليوم بتفهم بكرة


وطمنينا عليك عزيزتي

__________________