أتطلق منه وأنا بأول حمل لي؟!!! - الصفحة 9 - منتدى عالم الأسرة والمجتمع

15-04-2006, 11:48 PM

#81

بسمة رضا *

من كبار شخصيات المنتدى

تاريخ التسجيل: Feb 2006

المشاركات: 1,880

الله ..
وربي الذي خلقني وخلقكن أخواتي الحبيبات ..
أني أشعر أننا في نعمة جليلة منه ..

بيت .. ربما كان على وشك الانهيار ..
فإذا بالكلمات الطيبه .. والنصائح الصادقه .. تنساب من كل حدب وصوب
وإذا بأختنا التي ..قد كرهت حياتها .. وطرقت بابنا .. طالبه النجده

إذا بها ..
تقف لتقول ..
صبرا فقد أخطأت وهاأنا ذا ..إلى زوجي .. بل إلى الحق أعود

أي لحظات أروع من هذه اللحظات التي نحياها ..
والله إنها لروضة من الجنان
فإن كان الذكر روضة ..
فماذا .. يكون .. الاصلاح بين الزوجين .. وأي روضة وروضة من الجنان هو ؟؟؟

قبل قليل ..كنت أدعو الله
رباه ..
إن كنت قد قلت حرفا واحدا .. وكان سببا للاصلاح... ففرج همي .. وأخلفني خيرا
استشعرت حينها ..
عظم هذا العمل ..
ماااااااااااااا أروعه وما أعذبه ..
تقبل الله منا ومنكم كل حرف وكل كلمه ..

ثم طار بي فكري إلى ..
من له منا أعظم الامتنان .. وكل التقدير
مديرنا الفاضل ..
..
كم له من الاجر .. وكم هو ذاك الثواب !!!
كم من البيوت تصلح هنا ..
وكم من النفوس .. يبرأ جرحها ..
وكم من السبل التي قد تقطعت بأصحابها .. عادت .. وعادت .. خيرا من غيرها .

رسالة شكر أرسلها إليك .. أخي الفاضل ..وليت اخوانا المشرفين أن يوصلوها فتقرأها ..
وتدعو لنا كما ندعو لك ..

ثبتنا الله وإياكم على طاعته .. ورزقنا الاخلاص في القول والعمل
اللهم آمين

__________________
أبا مريم ..

هنيئا لك ..خيرا قد ساقه إليك الكريم ..

هنيئا لك ..
قلوبا تنبض بالوفاء ..
وألسنة قد عانقت الدعاء ..
في صمتها ونطقها..في صبحها والمساء..
(أن رباه يا رب البرايا ..ارحم الكريم واجعله في أعلى عليين..
فوالله ..إن القلوب لتتفطر ألما على فراقه..)

رحمك الله أخي ..رحمك الله يا أبا مريم ..وطيب ثراك

التعديل الأخير تم بواسطة بسمة رضا * ; 15-04-2006 الساعة 11:56 PM

16-04-2006, 08:38 AM

#82

شجون_بوظبي

عضو دائم

تاريخ التسجيل: Apr 2006

المشاركات: 66

الله يوفقج ويثبت حملج

اختي حنااااااااااااااااا من دار وحده من بوظبي دار بو خليفه الله يرحمه

واناااااااااااااااا صراحه اعدج شرات اختيه ودي انصحج

اللي تسوينه بيخلي ريلج يهرب منج ويبعد عنج اكثر

الرياااااااااااااال ما يحب العصبيه والنرفزه

والكلماااااااااااااااات اللي يوم تعصبين تقولينهاااااااااااااااااا صدقيني انه ما بينسهاااااااااااااا ابد طول عمره

وبيتم في داخله حقد لاتقولين لا كلنااااااااااااااااااااااا يوم احد يغلط علينااااااااااااا يتم بداخلناااااااااااا غيظ وحقد حتى لو اعتذر هذا الشخص.

فنصيحه مني لج احتوي زوجج بالحب والعاطفه لان اذااااااااا ما حتويتيه بيلاقي برع اللي يحتويه بكلمه حلوه

واللي فااااااااقد الحب والكلمه الحلوووووووووووه يدورهااااااااااااااااااا من اي مكان بدنيا.

16-04-2006, 09:16 AM

#83

أم كريم

عضو نشيط جدا

تاريخ التسجيل: Jun 2004

المشاركات: 458

على فكرة زوجك هو الضحية هني مو انتي ..

سامحيني على صراحتي بس انتي الغلطانة ..

كلش ما عندك اسلوب وما تحترمين زوجك ..

تحياتي للجميع ..

16-04-2006, 11:10 AM

#84

المثابرة

عضو نشيط جدا

تاريخ التسجيل: Apr 2006

المشاركات: 469

حبيبتي
انا كنت مثلك لكن اموري تحسنت والحمد لله وكان الحل بسيط جدا
كما يقول المثل الكلمة الحلوه بطلع الحية من جحرها
عليك بالكلام الحلو والمعسول تريدي ان تكسبي ام زوجك امدحي ابنها امامها وهنئها عليه وعلى تربيته واحضري لها الهدايا ومع الوقت سوف تحبك وتصبحي لديها افضل زوجة ابن
وايضا زوجك انت قلت لما تكوني مدلعيته يكون معك تمام

16-04-2006, 02:43 PM

#85

الدنياحظوظ

عضو جديد

تاريخ التسجيل: Mar 2004

المشاركات: 18

اقتباس:

المشاركة الأصلية كتبت بواسطة أم كريم

عين الصواب

16-04-2006, 03:44 PM

#86

حيرانة بوظبي

عضو دائم

تاريخ التسجيل: Mar 2006

المشاركات: 57

الحمدلله الحمدلله الحمدلله

تصدقون اليوم متضاربه معاه بس بعقل ===> بيردون البنات يسحبون ردودهم

او بالأحرى تناقشنا نقاش حاد...

بنات انا صح قلت اني ما راح أكره شيء يمكن يكون لي خير ...
بس صدقا ما اقدر اكتم مشاعري .... وغضبي...
بدل ما انفجر عليه ... انفجرت على أهلي..
وقلت انا ما بروح معاه لو شو ما يسوي...
لاني احسه يبى يسحبني أشوي اشوي لعندهم...

أولا قرار دبي المفاجئ واللي تابعته وياكم خطوه بخطوه...
اليوم جاء الرد القاطع.... النقل بيكون نهائي...
حسيت فيوزي ضربت... ركضت امسك الموبايل أكلمه بس .....
شفته متصل فيني .. وكان مع واحد من ربعه راد من الدوام ...
فقلت لما توصل كلمني واذا ما كلمتني اعتبره آخر مره تكلمني..

كلمته وقلت له رايي .. واني ما راح اروح معاه...
وبصراحه بصراحه وبدون زعل ... قلت له شي من الماضي
بس والله والله باسلوب مقبول وما يرفع الضغط..

قلت له ان آخر الاسابيع اللي كنا نروح فيها بيت اهلك ... انت ما كنت تحترمني
فأنا مو خايفه من دبي ولا من أهلك ولا من شغلك.. انا خايفه منك..

سكت .... ما علق... بس قال عندج شهرين فكري فيهم على راحتج
وان شاء الله بتقررين الصح..

وليش شهرين؟
لاني حاليا بآخر سنه لي بالكليه وقاعده اشتغل كمتدربه وباقي لي شهر ونص...
وخلال هالفتره مجبوره اقعد مع اهلي ويقعد مع اهله ...

فقال فكري... بس انا قلت له أبى اعرف وضعي الحين
ما ابى اقعد شهرين وانا ضايعه ومو مستقره...

وفهمته اني ما بروح معاه.. وهو مو قاطع الأمل فيني..

حسيت بضيق وكلمت صديقتي واستشرتها.. بس ما فادتني اعرف انتوا خير من استشير..
وان شاء الله من استشار ما خاب..

انا بصراحه اعرف زوجي ... وتعرفونه... بخيل نوعا ما .. او حريص عشان ما تزعلون..
وانتقاله اهناك بيرفع معاشه بسرعه وبيزيد 3 آلالاف على أقل تقدير...
فبصراحه أبى ضمان ان حياتي بتكون اهناك احسن..
وقلت اتشرط هالمره .. ولا تقولون لي لالالالالالالالا
الله يخليكم حسوا فيني وافهموني وافهموا وضعي...
فكروا قبل ما تكتبون .. فكروا قبل ما تردون
لاني والله قاعده امشي على كلامكم..

بتقولون ردينا......
بقول عالاقل بعتبره تعويض .. ويوم بحس بالاستقرار وصدق نيته... بالبحث عن الاحسن..
هنا راح اتنازل عن مطالبي اللي ممكن تكون عبء عليه..

انا فكرت دام ان ما عنده شي يسوى عشان اخليه يسجل لي باسمي
فليش ما يمشي لي مصروف شهري طبعا اكثر من السابق... عشان ارضى
مش هو منتقل عشان الاحسن لي ولولدي فاذا من حقي ولا انا غلطانه؟..

هذا شي والشيء الثاني عندي شهر ونص اقدر آخذ فيهم ليسن بأبوظبي ..
ويوم يجي وقت الانتقال بقوله تاخذ لي سياره بأقساط تكون باسمي..

وبس... ما بطلب أكثر

انا اعرف ان الانتقال بيقربني من زوجي.. عشان جذي حاسه بأمل كبير انه اتغير
واصير للاحسن... يعني باختصار وبدون هواش ... يعني استاهل صح ولا لاء؟

16-04-2006, 06:48 PM

#87

مــريم

موقوف

تاريخ التسجيل: Feb 2006

المشاركات: 14,194

لي عودة......

16-04-2006, 07:04 PM

#88

مــريم

موقوف

تاريخ التسجيل: Feb 2006

المشاركات: 14,194

حبيبتي حيرانة...
حرام عليك نحاول نهدي فيك... وترجعين تتضاربين... أقصد تتهاوشين وياه...

من يوم زواجكم... سمع منك كلام حلو وحب وغزل....؟؟... لا....
وشو الكلام اللي سمعه منك؟؟؟ عصبية... إنفعال... صراخ... نقاشات حادة....

بالنسبة للنقل...
هذا زوجك... جنتك ونارك... لو راح أقصى العالم...لازم تروحين معاه بنفس راضية...
مش حل أبدا إنك تكوني عند أهلك وزوجك بإمارة ثانية... أصلا العقل مايتقبل هالشي..

وبالنسبة للشروط...
معك حق تقولين له يزيد مصروفك لأن راتبه زاد... بس لا تطلبين أكثر بكثير...
خليه هو يحدد الزيادة...ولا تتوقعين إنه يعطيك ال3000 كلها......
وإذا ماوافق لا تعاندين قولي له براحتك ومن غير ماتحسسينه إنك مخنوقة..
وصدقيني بعد فترة راح يندم ويزيدك خصوصا إذا شاف معاملتك حلوة...

بالنسبة للسيارة...
إذا ماكنتي تشتغلين ومش محتاجة للتنقلات,, فلا داعي لها ولا تتشرطي وايد....
ترى بعدها إنتي اللي بتندمين...

حبيبتي... إنتي محتاجة كورسات في معاملة الزوج للزوجة...
وأولها الاحترام وعدم رفع الصوت... (لا تزعلين)

خلك مرنة شوي في التعامل....
أتصلي به ألحين وقولي له أنا أول ما أكمل التدريب راح أكون معك طول العمر... وين ماتكون...
وقولي له حياتي.... لا تتوقع أقدر أتخلى عنك أو أعيش من دونك بهالسهولة...
(أدري بتقولين جريئة....وماتقدرين.... بس هذا زوجك... إذا ماسمع منك الكلام الحلو... يسمعه من منو؟؟)

من اليوم ورايح خلي الكلام الحلو صفة من صفاتك... ولا تستحين فترة وتتعودين...
أرجوك جربيها... ترى واللهزوجك كاسر خاطري مايسمع كلام حلو....

16-04-2006, 11:51 PM

#89

دنيا الفرح

قلم وفي

تاريخ التسجيل: Aug 2005

المشاركات: 56

اختي سامحيني بس رفعتيلي ضغطي وانا من يومين متابعتنج.

اختي ..............انا مريت بظروف تشبه ظروفج بس اصعب بعد, اتزوجت وانا عمري عشرين وانتقلت من دبي لبوظبي بعيد عن أهلي وهناك ابصراحه واااايد مليت لانه مشغول بشغله وايد بس الحين بعد سنين ارجع اتذكر هذيج الأيام أحس انها كانت حلوه لأنه طول الوقت متلوم فيه لأنه بعدني عن ناسي فحاول يعوضني ودايما يطلعني,بس من نرد دبي خلاص ينساني لأنه ينشغل بمجتمعه فصدقيني مجرد احساس زوجك انج وسط اهلج بيعطيه شعور انج متغانيه عنه,وما بيهتم فيج.

ثاني شي اختي العزيزه في الحياه الزوجيه في مد وجزر في كل شي حتى في الماده فإذا الزوج عنده صدقيني وعن تجربه بيكرمج واذا ماعنده وضغطي عليه بيكرهج لنج ما تراعين ظروفه الريال يحب البنت اللي عينها متروسه وصدقيني اللي عنده ألف بيعيش بالألف واللي عنده 10 الاف بيعيش بالعشره .

اخيرا عاملي زوجك مثل ما تحبين يعاملج وصدقيني وانا اختج الريال اذا حس انج متغانيه عنه مره بيتغانى عنج الف مره اتمسكي فيه وراعيه كفايه عليه المغريات اللي برع.

الله يحفظكم.

__________________
لا تحرص على إكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد .
لو اطْلَعَ الناس على مآ في قلوب البعض لمآ تصآفحوا إلا بالسيوف "

17-04-2006, 12:09 AM

#90

عبـدالعـزيز

عضو المنتدى الفخري

تاريخ التسجيل: Jan 2004

المشاركات: 6,603

الله يسامحك أللي يسمعك يقول المسافة بين أبو ظبي ودبي 1500 كيلو ...!!! كلها 150 كيلو يعني مسافة ماتسوى

والطريق بينهم ماشاء الله تبارك الله

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه