المشاركة الأصلية كتبت بواسطة E V A

المشاركة الأصلية كتبت بواسطة كناري البحرين

كل عام انتِ بمليون خير
اختي الطيبة الحساسة ههههه متعمد قلت لكِ حساسة حتى تنتبهي لنفسكِ
مشاكلك بسيطة جداً ولا توجد مقارنة مع مشاكل غيركِ
اختي الكريمة قبل ايام كتبتي واذكر الكلمة
كتبتي عن مشكلة وتساءلتي (هل لان بيننا عشق)
كيف قبل ايام تقولين عشق (عشق معناه ماذا؟)
العشق ارفع من الحب
العشق تضحيات
العشق تغاضي
العشق تحمل
العشق بذل في المال والصحة والنفسية وتعب الجسم
وسهر لأجل المعشوق وقلة نوم
فمن أجل عين ألف عين تُكرمُ
فأين كل هذا من العشق الذي تتكلمين عنه قبل ايام؟
انقلب لشيء مضاد له (انفصال)
يعني تقلب في المزاج بين ليلة وضحاها 180 درجة
ولا اقصد اجرحكِ بقولي متقلبة .
لا ابداً واعذريني أختي
انا اريدكِ تنتبهي لنفسكِ
اعرف ان الرجال اسلوبهم دفش وفيه خشونة واحيانا
يتعاملون مع زوجاتهم بحدية كأنهم يتعاملون من صبيان
والنفروض يفرقون بين تعامل الرجل مع رجل وبين
تعاملهم مع الزوجة (،امراة) مرهفة الإحساس تتأثر
بكل كلمة ، تنكسر لأي خدش، وتحتاج لرعاية وحاسبة شديدة.
انا معكِ وليس ضدك بأسلوب زوجكِ العفوي يجب ينتبه له.
ولكن نحن لا نستطيع الوصول لزوجكِ لنرشده باسلوب التعامل
الجيد معكِ .
وبما اننا نستطيع الكلام معكِ فواجبنا الاخلاقي والانساني والديني
نلم شملكِ مع زوجكِ ونبين لكِ الأخطاء .
انتِ عندكِ مشكلة يجب تتخلصي منها واتفق الجميع عليها
وهي (الحساسية الزائدة والتدقيق) وهذه الصفة قد يبتلى
بها حتى بعض الذكور وليست مختصة بالإناث، ولدي صديق حساس
جداً خسر كثير من الناس بسبب حساسيته .
الرجل اذا وجدكِ تركضي خلفه لهذه الدرجة من الدقة ينفر
ولا تنسين انكِ معه في بيت واحد 24 ساعة فلماذا يتكلم معكِ؟
ربما يكون طبعه هكذا وليس خاص بكِ
وربما حتى مع ربعه اذا جلس يوجه خطابه للذين لا يراهم كثيراً، ويطنش ربعه الذين يراهم بستمرار لانه يعرف افكارهم
وشبعان منهم .
قلت لكِ اعتقد هو طبع معكِ او مع غيركِ لا فرق.
ستتعبي كثيراً من الحساسية وستتعبين من حولكِ
وهذه صفة جداً مرهقة قد تكون وراثة من الام او الاب
لأنها زادت عن معدلها الطبيعي.
يقولون أول العلاج معرفة الداء واذا عرفتي ان هناك مشكلة
عندكِ (الحساسية) اسعي لعلاجها وابحثي عند فضيلة الشيخ
قوقل لتصلي لحلول لهذه المشكلة.
والله يسعدكِ أختي.

المشاركة الأصلية كتبت بواسطة أحبه حبيبي

لما زوجك يقولك انتي ماتحترميني ولاتحترمين اهلي،، راح تطنشين ولا يأثر فيك أبد!!!!!

بعدين قال شيء ينرفز ، قال في رجال يمشون زوجاتهم غصب ومافكرو يرضون ولا مايرضون،، وتصرفاته هذي كأنه يقول بمشيك غصب.،، مدري ليش قال هالشيء وأنا والله ماأخالفه بشيء كل اللي يبيه يصير،،

المشاركة الأصلية كتبت بواسطة أحبه حبيبي

كل عام وانتم بخير

حاليا انا وزوجي عند اهله عيدنا عندهم .. وتخطيطنا ان اليوم الثالث من ايام العيد نسافر منطقة سياحية يومين نغير جو..

طبعا الامور الى البارح المغرب كانت ممتازة .. ليلة العيد ويومين العيد كنا نعاني من النوم ماننام الا 3او4ساعات .. المهم امس الصباح طلعنا عيدنا خالات زوجي وواحدة من اخواته ورجعنا الظهر على اساس ننام ونصحى قبل المغرب .. المهم انا ماقدرت انام ابد الا بعد العصر .. وارسلت لزوجي رسالة على الواتس اقوله خليني انام ماقدرت انام .. اقصد لبعد المغرب .. المهم صحي وصحاني .. بس من شدة النوم ماقدرت اصحى .. المهم ماحسيت فيه الا يقول قومي قفلي الباب.. بعدها ارسل لي رسالة على الواتس انه جهزي الاغراض بعد ماأجي بنرجع يقول انتي ماتقدرين أحد .. قلت له ليش وش فيه وش سويت الحين وش اقدر مااقدر.. قال اهلي منتظرينا من العصر وانتي لاقدرتيني ولا قدرتيهم .. قلت والله مو كذا بس والله تعبانة وماني قادرة افتح عيوني .. قال كملي نومك بس احنا جايين هنا ننام .. قمت قلت تعال بس الله يهديك ومالك الا اللي يرضيك .. قال ماابي منك رضا ولا ابي شي.. وقال مافي شيء بالغصب وماتعودت اغصبك بشيء.. قلت ادري ان مافي شيء بالغصب .. قال لا في رجال يمشون زوجاتهم بالغصب ومافكرو فيهم رضو ولا مارضو .. قلت وانت ان شاء الله تمشيني بالرضا مو بالغصب .. قلت له انت وينك تعال ومالك الا اللي يرضيك .. قال قومي وكلي والبسي.. طبعا كان جايب ساندوتشات .. وقلت له وانت لو انك يوم صحيتمي قلت اهلي ينتظرونا كنت قمت علطول لكن انت ظلمتني اني مااقدر احد والله يسامحك..المهم قمت ولبست .. قلت يلا انا جاهزة .. قال كلي الساندوتش .. قلت مابي .. قال ماراح نطلع الا لما تاكلين .. قلت والله مالي نفس .. اذا رجعنا ان شاءالله .. المهم طلعنا .. وساكتين طول الطريق .. وصلنا عند اهله .. وبعد ماراحو اخواته .. قالي ها تبين نمشي قلت براحتك .. بعد ربع ساعة كذا ارسلي بالواتس انه بنظل للساعة 2 عشان ننام بعد الفجر للظهر ونعدل نومتنا .. قلت ابشر .. قال تبشرين بالجنة والله يرضى عليك .. قلت له امين واياك .. رجعنا الشقة وسكوت .. كان طول الليل جالس وانا على السرير .. فسألته وش فيك ليش ماتنام .. قال مافي شيء نامي انتي بس.. المهم اليوم طلع الساعة11الصباح على بالي بيجيب فطور .. المهم صحيت علطول وسويت الشاي وانتظرته ساعة الا لكن ماجاء .. فأرسلت له صباح الخير سويت شاي بتجيب فطور ولا كيف؟ .. قام ارسل وشلون ولا كيف.. قلت ولا افطر .. قال شوي وبجي .. المهم فطرنا .. وقالي ماراح نطلع اليوم من الشقة راح نجدد (طبعا المفروض على اتفاقنا اننا نطلع اليوم ونسافر منطقة سياحية نغير جو) .. قلت اوك .. قال بروح اتغدا عند اهلي بتروحين معي ولا بتظلين هنا .. قلت لا بروح معك.. وطلعنا ومر على سوبرماركت اهله موصينه بكرتون دجاج (تذكرت يوم يمنعني اعطي اهلي من راتبي) .. طبعا سكت ماقلت شيء .. وسألني تبين شيء قلت لا سلامتك ..

الحين الشيء اللي قاهرني يزعل ليش ؟!!!

واللي صار امامكم من الغلطان باللي صار؟!! وكيف اتصرف برأيكم؟!!