ممكن بس زوجي شياطينه قويه
لسى راجع من نص ساعه
دخل حتى بدون مايسلم وراح يلعب مع بنته
تركته ودخلت غرفتي
حسيت بكتمه في صدري اول مادخل البيت

اي والله مشاكلكم كثيره
وتبي لها علاج جذري
المفروض اخذتي الفلوس
واستمتعي مع بنتك
ريحي عمرك
والله يكتب لك الخيره

بالعكس كويس رجعتها عشان مايكسر عيني فيها
اساسا ما اقدر اتهنى فيها وهي جايه من واحد لسانه زفر
ولا اقدر استمتع وانا عارفه ان صاحبها جرحني واهاني

وفعلا المشاكل كثرت خصوصا بعد حملي
وانا صايره مكسوره وضعيفه ومافيني شده عليها
وهو مستقوي علي هالفتره لابعد درجه
واللي حاز بخاطري اني كنت متعشمه تتحسن علاقتنا
بما اني بنتي تنام بغرفه لحالها
وانا جالسه طول الليل لحالي بغرفتي وهو هاجرني
وبكرا بيجي بيبي جديد اقل شي يجلس سنه بغرفتنا
هذا غير فتره النفاس اللي حتزيد الجفاء والبعد بينا
تمنيت نستغل هالايام بتجديد علاقتنا
لكن للاسف هو مصر يخذلني

الله يفرج همك كنافة ويسخر لك زوجك ويقومك بالسلامه

الله يهديه ويصلحه لطريق الحق والصواب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

كنافة واذا هو ضعيف طيب ليه ماينام بالغرفه يعني الهدف من نوم الزوج بغرفته العلاقة؟؟؟؟

ايش الي يخليه يهجر غرفة نومه غريب أمره طيب الازواج الطبيعين معناته بس يكبروا ويعجزوا ويضعفوا بيهجروا غرفهم!!!!

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

هو ينام معي بنفس الغرفه
بس مايدخل الا اذا تأكد اني نايمه.. على 12 او 1
زمان كنت انتظره وكان يتضايق
فصرت انام مع نفسي
هو ياخذ اقصى يمين السرير وانا اخذ اقصى اليسار
وطبعا دايما يعطيني ظهره
له على هالحال شهور وانا ساكته عشان ما ازعله
واحيانا كنت اقرب منه ويتأفف ويقول تعباااان الخ

السلام عليكم ..
من زمان مادخلت بس سجلت دخول عشانك
راح يكون ردي مختلف عنهم كلهم واتمنى
من كل قلبي ماتزعلي وتتقبليه بسعة صدر
انا عارفه مشاكلك ومتابعه لك دائما ..
مشاكلكم كثيرره جدا وهذا شي لايتقبله
العقل البشري هل كل هذه السنين ماحصل تفاهم ؟؟
اجل هناك فجوه وخلل ولازم تتصلح قبل لاتنهار
حياتكم الزوجيه بكل سهوله ..
بتقولي اش الخلل بيكون ردي مختلف عنهم كلهم ..!!
بقولك الخلل فيك انتي ولاتزعلي من كلامي
نصيحة اخت محبة
انتي دائما متسرعه بغضبك بردة فعلك
متسرعه بقراراتك كثيرة العتاب واللوم
وهذا اللي اشوفه بكل مشاكلك
تصدقي مشاكلك جدا تافهه
وحلها شي واحد انتي ..
اتوقع تذكري مشاكلي السنه الماضيه مع زوجي
وكان راجع لعدم فهمي للحياة الزوجيه بسبب
صغر سني ..
جلست مع نفسي وقلت زوجي اوقات وقت تكون مافي مشكله بيننا
كريم وحنون ومايرضى فيني هنا مربط الفرس
فتحت الثقافه في الحياة الزوجيه
اشتريت كتب سعيت بكل مااقدر لآبعاد المشاكل عن حياتي
والحمدلله اللهم لك الحمد والشكر بعد مشاكل دامت ثلاث سنوات
وصلت للسبب واصلحته
طلع الخلل فيني انا نعم فيني انا والاعتراف بالحق فضيله
انا كنت حساسه لآبعد درجه مااعرف مفاتيح زوجي
بس بـ إجتهادي عرفتها انا مالمت نفسي لآني صغيره
بس افتخرت بنفسي وقت وصلت لهدفي يارب لك الحمد والشكر
وعرفت نقاط ضعف الرجل والاشياء اللي يعشق زوجته بسببها
اتمنى تسمعيني للآخر بحطها لكي بنقاط
1-الرجل يحب المدح والكلام الحلو اشترى شي امدحيه واشكريه
بـ الفاظ.. انت سيد الرجال - الله يخليك لنا - لو فيه زيك اثنين في الدنيا الدنيا بخير
الخ ....
2- الإبتسامه وماادراك ما الإبتسامة تأسر قلوب اول مايدخل البيت رحبي فيه
بإبتسامه عريضه كلها انوثه اول مايصحى من النوم اعطيه احلى ابتسامه
خليك مبتسمه بوجهه ع طول
3- ابتعدي عن الفاظ استفزاز الرجل واللي يعتبرها تحقيق
ليش اتأخرت اليوم .. ليش ماتحب تجلس معايه .. ليش دائما مع اصحابك اكثر مننا
والخ ... الآلفاظ اللي فيها اسئله تنرفز الرجل بشكل مو طبيعي
4- اذا حسيتي زوجك متضايق جيبي له كوب عصير وابعدي عنه لين تحسيه فكها شويه
لاتجي جنبه وتزني عليه اش فيك اش مضايقك اسأليه مره وحده واذا قال مافيني شي
اعطيه بوسه ع جبينه وابعدي عنه اذا روق هو بيجي يقولك اش فيه ..
5- حسسيه برجولته ولاتنقصي منها ترى بيدور البنت اللي تحسسه برجولته
تدري كيف اي كلمة يقولها ابدي بإعجابك فيها حتى لو تقهر حسسيه انه احسن رجال
في الدنيا لا لا لا لا لا لا لا تنتقدي كلامة ابدا وتعلقي عليه بينكسر مره ويبتعد عنك ويصير بس لحاله ومايسولف معاك
امدحي شكله وافعاله ورجولته
6- اذا عصب من شي وغلط وبدأ يتكلم اسكتي لاتردي ابدا ابدا ابدا وطالعيه فيه بكل هدوء
بدون علامات الغضب بوجهك لين ينتهي راح يجلس مع نفسه ويحس بغلطه وبيرجع يعتذر
اما اذا راددتيه بيعصب وبتكبر المشكله وبيرجع كل شي ع راسك
7- اذا يقهرك بخروجه مع اصحابه واذا يجلس ع جواله كثير واذا تبغي منه شي
تعالي قولي بكل رقه وانوثه وهدوء حبيبي اشتقت للكلام معاك ولا احلى شي في الدنيا جلستك معانا ولا اكون اسعد انسانه في الدنيا وقت تكون معانا
صدقيني بتجيبي راسه
8- ابعدي عن الزعل المتكرر من توافه الامور لاتزعلي من اي كلمه
قال كلمه تزعل طنشي واسكتي بعدين عاتبيه بكل حب وقوليه انا حبيبتك
يهون عليك تقول كذا والله بيعتذر اهم شي نبرة الصوت تكون هادئه جدا وفيه انوثه
9- في الفراش ودي مشكلتك ولو بآحلف زوجك مافيه ضعف المشاكل بعدتكم عن بعض
بعدت القلوب بتنفر الاجساد طبقي الاشياء اللي فوق كل شي بيتغير
ابدأي تعالي نامي بحضنه في الليل وحكي شعره لين ينام قربيه منك
قولي محتاجه انام بحضنك اليوم لآنه يحسسني بـ الآمان صدقيني ماراح يصدك
وبينبسط

واخيرا اقول ابدأي بتغيير نفسك تتغير حياتك زوجك يحبك ولا يرضى فيك
بس انتي مافهمتيه خليتي القلوب تتنافر
واتمنى لكي حياة سعيده وموفقه

دعواتك بالتوفيق بإختباراتي***

__________________

حبيبتي لارا
انتي متوقعه مافعلت شي من اللي قلتيه
كله تقريبا طبقته
حتى ماعدت اناقشه بشي واحاول امتص غضبه
حتى بالموقف اللي كتبته بهذا الموضوع
لاحظي اني كتبت اكثر من مره اني كنت سااااكته

قريت كثيييير عن الجنوبي الغربي وانه يحب الدلع والرقه
وصرت ادلله واتدلع عنده.. فرح بالبدايه وقرب
بعدين بعد عني لاخر الدنيا بدون سبب
كأنه ندم انه تفاعل معي
وصار يتهمني اني امثل عليه الحب بكل مشكله!!
طفشني والله العظيم

والمشكله دايمااااا يأكد اني تغيرت 180درجه للافضل
واذا سألته طيب ليه انت متغير معي؟
يقول لاني حقود! مو قادره انسى مشاكل اول سنه!
بالله هذا كلام ناس عاقله
مع ذلك تركته على راحته

مشكوره لارا على ردك وكلامك العسل
بس الوضع حاليا لايحتمل ابدا هالتصرفات
يكفي انه جالس يشوف التلفزيون الان
ولا فكر يمر يكلمني او يطيب خاطري بكلمه
وهو غلطان امس بالفاظه من ساسه لراسه

ايش سويتي اول سنة لدرجة يحقد عليكي

ماسوت شي لكل هالحقد بس هذا طبعه سواء مع كنافه او غيرها...

ملاذ ليه تنجلطي كثير رجال لسانهم متبري منهم...

بعدين زوجها كبير بتجي تعيد تربيته من جديد وتعلمه الأدب والأحترام..؟!

__________________
(سيدة الموقف)
لم ننساك ونسأل الله ان تكوني أنتي وأولادك بخير