من تزوجتها مااذكر خنتها ولامره مع اني اسافر ولكن اقسم بالله ماخنتها
ولكن هي فاقده الثقه فيني لاني اسافر كثير ولكن الله العالم وبالنسبه للضرب مستحيل اسوي هالشي واعتبره انتقاص لي ولكن كثر الشحن والاراء من امها واختها غيروها علي وخربوها حسبي الله ونعم الوكيل فيهم بس |
ويمكن الشروط شكليه عاديه وانت مكبر الموضوع
يااخوي نصيحتي لك الايام تركض والعمر يمضي والحياة اقصر من اننا نضيعها في جفاء وعناد ،، انت شوف وش شروطهم واقبل اللي يعجبك واللي يضر مصلحتكم لا تقبل فيه ، والدنيا اخذ وعطاء لا تصير شديد الله يرضى عليك ،، وزوجتك تراها تعاني مثلك ويمكن اشد ،، بس اذا ع كلامك امها قويه ف زوجتك اتوقع مغلوب على امرها بينهم اسمع شروطهم ،، ومش الامور اذا ماتتعارض مع مصلحتكم بس بدون كتابه ومحكمه لا عاد هذي قويه شوي ،، كلمة الرجال ماتحتاج توثيق ،، وماراح تسرح وتمرح بإذن الله هذي زوجتك ام عيالك وانت سببت الفجوة بينكم في بدايه زواجكم رجع الثقه بينكم وان شاء الله اذا رجعت ثقتها فيك وامانها ماراح تلجأ لأمها بس خلك حنون عليها واترك العناد لأن شكلها حتى هي عنيده والعنيد يحتاج شخص طيب لطيف معه ويبطل عناد ،، الزوج والزوجة لباس لبعض وسكن وموده ورحمة وليس عناد الله يرضى عليكم حرام اولادكم يتشتتون مع زوج ام او. زوجة اب عشان عناد اسمع شروطهم وتفاوض معهم ،، وقبل هذا ارسل لزوجتك كم مره وتلطف معها ،، وان شاء الله تبشرنا عنك الاخبار الطيبه ،، |
اتوقع انك غامض ومابينكم شفافيه
عشان كذا كانت تشك ولو كانت الشفافيه بينكم لما لجأت لاهلها في التشكي خلها تشكي لك وانت اشكي لها عشان تتعود تشكي لك انت مو اهلها ومدام بيتكم له ابواب مالها داعي اسراركم تطلع خارج الابواب المغلقه فهمها هالشي بأسلوب حلو وحنون واذا سافرت خذها معك عشان ماتشك فيك |
الله يخليك ابعد اهلك عن الموضوع أنا ماني شايفة منهم غير تحريض الله يهديهم لو طلقت وتشتتو عيالك ماراح ينفعك أحد منهم باستثناء ابوك الله يحفظه شكله إنسان حكيم ويسعى لتهدئة النفوس والصلح الله يوفقه في مسعاه .
|
انت لاتبحث عن استشارة ياصاحبي .. تنت فقط تخفف عن نفسك
اسال الله ان يكتب لك الخير ويوفقك ويعينك والله اني عشت تجربتك بحذافيرها .. |
والله ماعتقد انها كثر مااعاني وحسب الاخبار اللي تجي عنها انها تسولف وتضحك
وعايشه حياتها ولاطقت لي خبر .. وبالنسبه لشروطهم لو كانت شفوي قبلت فيها ولكن كتابيه ومصدقه من المحكمه قارصني قلبي من هالحركه احس وراها بلاااء ان شالله تتسهل الامور المشكله اني اسعى بالصلح بيني وبين الوالد وخواتي جالسين يدورون لي على زوجه ان شالله مايلقون وكلهن يرفضن |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|