المشاركة الأصلية كتبت بواسطة ندى@

اغلبكم يقول ليه مارحتي للبيت بدل من الفندق
هذا السؤال ماستوعبت عليه الا ثاني يوم عرفت اني كنت غبيه لاكن الحمدلله على كل حال
الي صار ابوي كلمني الليله وقال انه اخذ زوجي وراح لامه الي هي عمتي وابوه
وقاله علم اهلك بالي صار وقال تكلم وعلم اهله
وقاله ابوي ليه تشكك في شرف بنتي وتقولها متاكده اني انا ابوه
قال بنتك اشرف بنت ولو عندي واحد بالميه شك فيه والله ماخليها على ذمتي
بس كنت اظن انها تبي تلوي ذراعي وانا مدري كيف ارسلت الرساله واعتذر لبوي وعتذرت عمتي وعمي من ابوي
وقالو لابوي مايصير خاطرك الا طيب
قال لهم ابوي خاطري يصير طيب اذا ولدكم اعتذر من بنتي
المهم قالي بجيك على الساعه عشره وقولي لاخوانك اني ابيهم
وفهمت ابوي على نقطه انه يقولهم انه كان عنده خبر بالموضوع من اول علشان مايهجمون اخواني علي
وجا وتكلم معهم وفهمهم الوضع وقال ان زوجي بيجي خلال هاليومين ويتفاهم معهم
ردة فعل اخواني سكتو ولا احد علق على الموضوع
ردة فعل امي زعلت علي ودعت علي بدعاوي كثيره تقول ليه تقولين لابوك ماتقولين لي
ولاهي راضيه تسمع مني كلمه
ردة فعلي انا من زوجي كرهته مابيه ماتوقعة منه هالنذاله ابد
وابوي حالف لو اقول كلمه وقالي انثبري واشرطي عليه الي تبين بس بالمعقول وروحي معه بيتك
بس من جد ماني طايقته