هلا اخووي /


اولا مادري شكل عاداتكم شووي غير

لان حنا في البحرين ,, البنت من تملك الرجال هو اللي يصرف عليها
حتى وهي ساكنه في بيت ابووها , ,

والقصد من الصرف .. ملابس عطورات ووشغلات بنات



لكن الاكل والشررب اكييد على الابوو <<

الا ادا فيي بعض الاباء يجبرون بناتهم ويخبرونهم ان خلاص انتيي اسمك مرتبط باسم رجال
يعني هو الا يصرف عليكي من جميع النواحيي


بسسس اللي مو ادشش مخيي سالفه ال500 ريال ( 50 دينار بحرين )

يعني احسها واجد


انت شووف

واحد من الاثنين / يا انك تخصص لها مبلغ 50 دينار كل شهر
وهيي تتصرف فيه من فاتوره ومن اغراض يمكن هي تحتاجها زين ؟

او انك تدفع الفاتوره ,, وتعطيها كل شهر 250 ريال

وبجدييييي بتكون ماقصرت ويااهااا


هذا اادا كنت مقتدر يعني ؟؟!!!


بسسس ادا ماكنت مقتدر حاول تقلل المبلغ !

بسسس ماكان من المفروض انك تحرجها وتقول لها ان المفروض ابوج يصرف عليييج

لان انت اولى من ابوها خلاصصص

هي ساكنه في بيت ابوها مؤقت

وثانيا . يمكن بيتهم ضاغطين عليها من هالناحيه

او يمكن تشوف وحده من صديقتاها خطيبها يسوي لها جديي !!


انت افهم ويشش الاغراض الا تحتاجها كل شهر
وخبرها عن وضعك


ورد علينا

انا برآيي المفروض تحدد مبلغ لها من غير ما تقول ..

يعني مثلا خطيبي انا من بعد الملكة .. عطاني بطاقة بنك وقالي اذا تبين شي اصرفي منها

وقلتله ماله داعي .. قالي ماعليه اذا احتجتي شي او مثلا بطايق شحن اسحبي منها ..

<<= طبعا لان هو في بلد وانا في بلد ..

يعني يا خووي حاول تكسر الشر بينك وبينها وعطها بطاقة بنك وحط لها على قد ماتقدر لين ما تتزوجون ..

وقولها اذا احتجتي اصرفي منها .. علشان ما تحط في بالها انك بخيل وماتبي تصرف عليها :-)

وفالنهاية كل شي راجع لك ..

وخبرنا باللي يصير

^_^

بصراحه زوجتك ماشاءالله جريييئه حتى لو كنت ولد عمها المفروض ماتطلب هالشي منك
انا اختي لما كانت بفتره الملكه ماكانت تطلب شي من زوجها ومهرها كان 50 الف بس هو كل خميس يجيها ومعاه هديه ولامي بعد وهي بعد كانت تاخذله هدايا وتسويله مفاجاه بالبيت يعني حفله وكذا
واحنا ماعندنا مصروف شهري وقت الملكه بس اهل ابوي بحكم انهم ساكنين بالديره عاادي عندهم كل مالواحد يروح لزوجته ياخذ معه مقاضي وكذا يعني فواكه ومن ذا الكلام
بس في وحده من زميلاتي مملكه على ولد عمها ومهرها 60 الف وقلها كل شهر لك مصروف الف ريال بحسابك بدون ماتطلبه هي وهم ماعندهم زيارات ابد الين يوم الزواج
وبالنهايه كل شي حلو بالتفاهم وعلى حسب ظروفك وهي توها صغيره يعني راعيها بس مو بكل شي بجد انا مستغربه لاني بسنها من تفكيرها وجرئتها
والله يوفقكم

الله يجزاك خير
الا قول الله يرزقني بداليا
بصراحة يظهر من من كلامك ان زوجتك مادية
يعني الله يعينك عليها
يبغالعا شوي شدة
خاصة في ظل هذه الظروف
ومثل ماقالوا الاعضاء
ضرورية المصارحة والوضوح من البداية
الله يجمعكم على الطيب

اخوي مع احترامي الشديد للجميع انا بعطيك كلمة وانا لي تجارب
لاترتخي من اول شي وطلباتها هاذي اختبار واذا ارتخيت قعدت لك الايا قدامك ياما تبي تشوف مصاريف يعني مثلا تبي فستان لزواج احد اقاربها الفساتين الزينه ماتقل عن 3000 ريال عندك استعداد لها الشي

لذلك ابقفل لك الموضوع اذا انت عطيتها كل الاشياء المفروضة عليك خلاص طنش لطلباتها الجديدة وخلها تعرف منك ان الريال مايطلع الا لسنع مو لهبال ودلع وخفف مكالماتك وخلك ثقل انا ملاحظ عليك وانا اخوك ولاتزعل مني انك حبيب بزيادة يعني عند بعض الناس يسمونة خفيف شوي


فكر بكلامي وانتبة تغلط عليها او تقلل من اهميتها وخذها مني هالعبارة

قلها ابشري وانت خلك على اللي انت علية وبعدين الدنيا تصير لك

__________________

When you're out of my dreams
I will be in the best case

عادي هو فعلا لازم يكون لها مصروف لانكم متملكين يعني هي في مسؤولة منك بس حاول تكلمها على ظروفك وتقولها اني مقدرتي اعطيك بس كذا وان شاء الله ربنا هيوسعها علي عشان تشاركك مسؤولياتك واحنا عندنا في بلدنا في ناس في فترة الخطوبة بتعطي مصروف وفي ناس بتعطي المصروف بعد كتب الكتاب مصروف كل شهر وهذا متنشر لان الواحدة بكتب الكتاب تكون في حكم الزوجة واعطيها اللي تقدر عليه كل شهر

__________________

هلا ومرحبا اخوي افيدوني
صراحه انا مستغرب من بعض الردود مع احترامي لكم ومستغرب منك ومن خطيبتك
اولا من ردود بعض الاعضاء : لانه ممكن الواحد يكتب رد يسبب بكراهيه للشخص المستفسر لخطيبته اوتذكر بعض العضوات حالها مع خطيبها وتمدح نفسها ويمكن يكون حقيقه اولا
ثانيا مستغرب منك اخوي : يا اخي تراها وقت ملكه الان ووقت الفرحه والعشق والهيام مو وقت الزعل وتحديد مسئوليات ونصيحه ترا هالفتره ماتنعاد وما احلاها فترها وفلها وربك يحلها --وبعقب على بعض كلامك اللي تقول فيه وشاري لها جوال من احلا الجوالات قيمته 800 ريال
انا اتوقع خطيبتك انصدمت يوم شافته ارجوك لاتزعل بس وربي اتكلم لمصلحتك ومصلحتهاوممكن ردي ينبهك
اللي اعرفه ارخص الجوالات 800 ريال
الجوالات المقبوله تتراوح سعرها مابين 1800 الى 2600 والجوالات الحلوه واللي المفروض الخطيب يهديها لخطيبته مابين 2500 الى 5500 ريال
فلهذا اخي فكر زين
وبالنسبه لخطيبتك مستغرب جرأتها بس ترا ينقص بعض البنات الجهل ويمكن انصدمت يوم شافت الجوال وقالت هذا بخيل وقامت تجس النبض بس مادام طلبت يرخص لها الغالي والمفروض انت تستحي وتقول ابشري ماطلبتي شيء وعطها بدال 500 -- عطها 1500 واكثر
واللي يقول عطها 200 ريال الله يصلحكم ترا الفلسفه مهي زينه اجل 200 ريال وش تسوي فيها تشتري فيها وجبه ولا 200 ريال ماتجيب علبة عطر
لهذا اخوانيواخواتي اتقو الله في ردودكم
لكم مني كل الشكر ولصاحب الموضوع واقبلوني أخ صريح بينكم

__________________

سبحان الله وبحمده

سبحان الله العظيم

ا

لله يوفقك ويحفظك
يا أخي صاحب الموضوع كتب ان أوضاعه المادية غير جيدة فمن وين يجيب 1500 يروح يتسلف ام يشحد على باب المسجد من اجل يوفر هذ المبلغ

اما الجوال 800 ريال مبلغ متوسط وكل رجل وامكانيته

يلي يشتري جوال لخطيبته ب5500 بيكون راتبه 50000 فعنده ال 5500 متل ال800 عند الشخص الراتبه 5000


وشكرا لك

__________________

يا for noon
تقولـــــــــــ اللي اعرفه ارخص الجوالات 800 ريال
الجوالات المقبوله تتراوح سعرها مابين 1800 الى 2600 والجوالات الحلوه واللي المفروض الخطيب يهديها لخطيبته مابين 2500 الى 5500 ريال
حشفاً وسوء كيله
اتق الله فما الفائده من تضييع هذا المبلغ في جوال وقد لتستفيد من ثلاث ارباع الخدمات اللي فيه ثم بعد فتره تريد تغييره مراعاة للموضه ,
تذكر ان هناك أُناس يبيتون جوعى ويتعففون من طلب الناس.