هل ممكن طلب رقمك او طريقة تواصل اسرع من الادراة ؟
في حال حدث شي طارئ
لااستبعد قيامه بطردي من البيت ولااستبعد شي منه

اجلسي مع زوجك اليوم إن أمكن , ووضحي له ما حصل بالتفصيل عندما سقطت بنتك من طرف الكنبه
وماذا دعت عليك أمه , ووضحي له تدخلاتها بتربيتها وتعليمها العادات السيئه
التي ذكرتيها بموضوعك السابق , وأفهمي زوجك بوضوح أنك غير مهملة لبنتك
وأن لا أحد غيرك سيكون أكثر حرصا منك على مصلحتها .

إذا طردك لا قدر الله , عودي لبيت والدك بكل هدوء وبدون تصعيد للموقف
ولا تستفزيه بطلب الطلاق .

و شو الفايدة من هالكلام ؟
بيقولي شو تبين . تكلمنا امس


و بخصوص التراااااكمات بيننا
لاني امس ذكرتها وحده وحده
لكن طبعا هو يرد الغلط علي . .. يعني تنتي الكاملة و انتي اصلا نكدية
قلتله .. علاقتنا الزوجية فاشلة
و حلفت الا يطلقني
و انه مالي نفس له

لو طردني بطلع .. لكن بنتي اعرف انه بياخذها
هل اتركها ؟
والا ارفض الخروج . ووقت ما يطلع من البيت بشلها و اروح

طلبي منك اخباره بالتفاصيل كان ردا على كلامك ..

لا تطلبي الطلاق , وبما أنه لا يرى أخطائه إذن استمري بالتعامل معه كالسابق .

لا تخرجي بدونها , ولو تطلب الأمر حضور والدك فلا تترددي بطلب مساعدته
أو اطلبي تدخل والده إن كان موجودا في البيت .

ولا اهجره بالفراش ؟

أمس انصدمت من كلامه .. يقولي مالي نفس للطلعه معاج
اقوله عن تقصيره بالفراش . يقول ما تخلين للواحد نفس .
وارد وانتي نايمة :::: وهالشي بعد التطنيش بس

حسيت اني مخدوووعة فيه .
يقولي . االمحترم بحترمه

لماذا يراك غير محترمه .. هل يقصد شجارك مع والدته أم شيء آخر بينكما ؟

لاني اصريت عليه انه يودينا السوق
وهذا الموقف اللي قال لي الكلمة امام اهله

هو يريد أذا قال شي .. لا أحد يناقشه

طيب هو ما يتفاهم ما يتكلم بالاساس .. اقوله ليش ما قلت لنا انا مشغول اليوم
مب تقول خلاص بكرة بوديكم وماسك تلفونك .. هيئتك تقول انك متفرغ بس مالك مزاج وهذي عادته

قلتله .. دايما اقولك هل بتوديني لأهلي اليوم .. ما ترد
او وانت عند باب البيت تقول يوم 2
تكلم قول عندي شغله . مواعد حد .
كيف تباني افهم

هيئة زوجي و صورته في بالي . انسان لا مبالي
وانا في آخر قائمة مسؤولياته و اهتماماته .

من شهر اطلب عربة للبنت . وهو ولا على بالهقالي بنطلب من النت واخترت وارسلت له خياراتي
يقول هذي ثثقيلة .هذي سعرها مب مناسب
خلاص اشتر على ذوقك
اهم شي توفرلي حاجتي
تكسرت اايدي من شل البنت والشنطة

و يقول لي .. كيف عرفتي اني مب مهتم
انا ادور الشي المناسب و للحين مالقيته

اقوله ما في شي يدل انك مهتم .
وكل شوي انا مالي نفس اكلمج والكلام وياج لا يطاق

أسمعه يكلم والدته عن زعلها علي