لا يوقف الموضوع بالله ادعموه بالاراء خلونا نفوق من غيبوبتنا
معا ضد هذا الكائن البشري الغريب

روح..
انت اعرف بزوجك..وبعدين ماهي اي مساعد هذا ايجار يعني راتبك يروح كلو فيه ..
شوفي.. الراجل يعررررف يتصررررف
ولو شنوو يعمل يدبرها يمين ولا يسااار
عنده اخو؟ ابو؟ صاحب؟ كيفه !!
بس من مرة... لا لا لا هدي ما صارت.

__________________

بصي ياعسل

ذكوريتك هذي بتشجع انوثته هو

هو جنوبي وانتي شماليه

اقري كثير عن النمط الجنوبي

وكيف تقومي هالسلوك السي اللي فيه (اللامبالاه)

للاسف



سيتأثر ابناءك مستقبلاً بهذا الاب السلبي



كوني حازمة

ولو مرة


زوجك تعود على اسلوبك




ستجنين الثمار مستقبلاً

بكل اسف صدقت اخ احمد

اانا ادفع الثمن حاليا وارجو ان لا تكوني مثلي

ولا تمر عليكي ظروفي

كوني حازمه ولا تهتمي

ومن ثم مخالفات ساهر
وانا مثل زوجك ان لقيت مين يدفع عني
اجمل شي السرعه وخصوصا من يدفع عني المخالفه

خليه يسدد لنفسه من نفسه ياخذ درس ولو حبسوه ورح يسحبو منه شهادة القياده
وانتي عند السواق سهل انو ما تعتازي زوجك

من اولها يتربو ويمشو دغري

هو تزوجك وقال بريطانيا المدام تدرس وانا اغير جو وسياحه واكل وشرب على حساب الزوجه

انو شو بدو اكثر من هيك سياحه ببريطانيا وزوجه حلال
الزوجه مشغوله بالدرس وهو يلعب بليارد ويشرب كبتشينو

يقرأون ويعلمون ان الرجل قوام على المرـأه ولكن لم يكملو قرآءة الآيه الكريمه بما انفقو

__________________
http://live.gph.gov.sa/
اللهم اني استودعك اولادي

تأخرت معليه .. انشغلت شوي
بارجع ارد مجرد ما القى نت ..

دحين اخدت اغراضي و رايحة لشقتي، زوجي يقول انه الشقة ( مغبببببرة ) .. : (
و ما بأسأله أبدا عن الإيجار ايش صار فيه .. ماعندي نت في البيت ..
بس وعدني بالشقة الجديدة بيجيب نت و تلفون ..

بس سالته مالقيت شقة جديدة ؟
قال لي و الله بأدور بس مو محصل و لسى بأدور .. و امس راح شاف شقة و طلعت مرة معدومة

*

امي اليوم بترجع البيت و الحمدلله ..
بانظف بيتي و ارتب وضعي، بعدين اترك ولدي الكبير عند اختي .. عشان أجي اشوف امي اذا تحتاج لوجودي و لا لَا ؟

نصايحكم باخليها قدام عيوني و أجمد قلبي ^^
اشوف ايش بيصير لحد نهاية الشهر ؟

*

بالتوفيق الحمد لله رب العالمين على صحة الوالده

الله يشفيها يا رب

انا اعرف نهاية ما سيحصل بالنسيه للاجار انما احتفظ فيه للآخر

تشوف زوجك كيف يتصرف

يا رب يكون عكس توقعاتي

__________________
http://live.gph.gov.sa/
اللهم اني استودعك اولادي

وش باقي يبغى ؟؟

رجعي الامور لوضعها الطبيعي لأنك قلبتيها بتدليلك له وتنازلك عن حقوقك (( النفقة والاستقرا والبيت ويمكن غيرها ))

اذا ما استرجعتي هالحقوق راح يطالبك بالمزيد من التنازلات وياليل ما اطولك

كريستالة ياحبي

كلامك مافيه شي يزعل، بارجع ارد بس عشاني جيت عند امي و مشغولة بينها و بين ولدي ..
باستغل الوقت القصير هذا و ارد ..

قبل امس خرجت من بيت اهلي رايحة لشقتي و بالطريق عدينا أنا و زوجي على كم شقة و عمارة
و دقدقنا على مكاتب العقار بالمنطقة القريبة من منطقة اهلي و اهله بوسط البلد، من العصر لحد العشاء ..
نسالهم عن الإيجار و عن التمليك ..

الإيجارات يا 3 غرف ب 30 الف بالسنة .. او 26 الف ..
او عمارة مافيها غير 5 غرف .. و زي كذا .. و شفنا وحدة مقربعة و حالتها حالة و ب20 الف ..

المهم، بالأخير شفنا شقة واسعة و نظيفة و منطقة حلوة .. و نفس المواصفات اللي ابغاها و ب20 الف ..
طبعا 20 الف كثيرة مرة على زوجي، و شقتنا الحالية ب 12 الف نظيفة و جديدة بس انها بعيدة عن بيت اهلي ..
و زوجي بيدور عن شقة قريبة من اهلي، عشان اقدر أتطمن على امي كل شوي و أخدمها ..
( هذه نقطة تنحسب له ، بجد مرررة شايل هم امي )

قلتله عجبتني الشقة و نأخذها، قام سكتت و بيسوق السيارة .. و فهمت انه جالس يفكر من فين يدبر الإيجار
بس يستحي يقول ( ما عندي فلوس الإيجار ) ..
.
.
*
قلتله : لاتشيل هم الايجار ( الزيادة ممكن اساعدك فيها ) ..
قصدت فرق السعر يعني 8000 و هو يوفر 12 الف ..
و على اساس ندفع نص الإيجار دحين، يعني لو باساعده فراح اعطيه 4000 و بسس

قالي طيب ادفعي انت دحين 10 الاف و بعد 6 شهور أنا ادفع عشرة الاف الدفعة التانية ..
( انحرجت و كنت راح أضعف بلحظة، لأني انحرج من اي شخص يكلمني بذوق .. بس افتكرت النصايح تبعكم
و افتكرت حركاته اذا بعدين قلتله يدفع و جمدت قلبي )

قلتله و أنا منحرجة منه، طيب فرضا سافرنا بعد 6 اشهر ؟
قالي اعطيك كل شهر بيدك، و الله صدقيني .. لانه أنا علي مصاريف نقل العفش، تأثيث البيت ووالاشياء الناقصة بالبيت ..
قلتله و أنا جدا منحرجة .. بس انت عارف انه هذه مو اول مرة .. و نفس الشي وعدتني بموضوع السيارة و غيره،
بس ما شفت شي .. قالي المرة هذه غير ( ما رديت عليه و بديت أجمد قلبي اكثر و افتكر كلامي معاكم و وعدي لكم )

طبعا أنا كمان علي مصاريف اكثر،.

.

المشكلة انه يحزنني شكله، و يتكلم معايا بكل ذوق .. و أنا الذوق و الاحترام هما نقطة ضعفي ..

بس بعدين سرررررحت و صرت افتكر المواقف الكثيرة اللي وقفت فيها معاه و وعدني بكل مرة انه المرة هذه غير و يطنش
و لا يردها لي، و اذا جاته فلوس بيده .. يصرفها على حاله ..

و اذا فكرته و ذكرته بوعوده انه يرد المال .. يعصب و يتنكد و يتهرررررب و الذوق هذاك كله ( يختفي ) و يبدأ يغلط علي بالكلام
و يبكيني ..

و مثلا يقول لي ( بس لا ترجيني .. او مالك دخل فيا، اصرف فلوسي مكان ما ابغي .. او فكينا بسكاتك ) ..
و وقتها اعصب من اسلوبه و تعليقاته و اقوله لا تكلمني بالأسلوب هذا .. لا تضيع الاحترام و المودة ..
و بعد ما يشوفني بكيت من القهر من طريقته بالكلام معاي، يجلس يعتذر و يبرر و يشرح ظروفه و اسبابه و انه ما يقصد و اني حساسة وووو الخ

و مع العلم انه هذه هي مشكلتنا الوحيدة و الحمدلله، بس بباقي الامور متفاهمين جداً و الحمدلله و مافيش احسن منه ..

عشان كذا قررت اصارحه و أتكلم معاه عن موضوع الايجارات ..

.
.

تاني يوم و اللي هو الخميس، الثلاجة فاضية عشان ما قضينا .. و من الصبح اكلت ولدي اللي موجود .. كيكة و اندومي ..
و قبل لا يروح العمل بعد العشاء، سألني تتعشوا شي ؟ قلتله لا شكراً ..
( لأني حسيت انه ما معاه شي، لو معاه فراح يجيب و بإسراف )

فكرت اني اقضي اغراض للبيت، بس قلت أجمد قلبي و هذه مسؤوليته، عشان لا يعتمد علي ..
بنفس الوقت احترت؟ نجلس كذا طيب بدون اغراض ؟؟
.
.

سالته، ما راح نقضي للبيت اغراض ؟
قالي على حسب قرارك، اذا تبغينا ننقل فنشتري على قد يومنا عشان لا يزيد و يترمي ..
يعني بدل من ربع كيلو ، فحبتين او 3 من اي شي ..

قلتله طيب نحن دائماً نقضي بالشكل هذا .. و قام سكت ..
( أقصد اذا جاب شي بفلوسه، و وقت أنا اقضي باشتري و ما ابخل على البيت و الاولاد و عليه ..
و محتارة دحين بالمقاضي؟ احرم حالي و الاولاد لمتى ؟ و اذا أنا اشتريت هو بيتعود.. طيب و الحل ؟
أموت الولدين من الجوع ؟ و عشان كذا كنت اروح لاهلي و من هناك أنا اصرف عالاولاد و نفسي .. )

.
.

قلتله طيب لو بننقل ترى من دحين بأقول أنا ، أنا ما راح ادفع شي للإيجار ..
عصب و قال ( شكراً ) ووبنبرة حادة ووعصبية و مكشر وقالب وجهه ..

لانه اتخيلني زي كل مرة راح الين و أساعده و هو بعد ما أساعده و اذا جات فلوس بيده يصرفها هنا و هنا ..

قالي بس انت وعدتي انك راح تدفعي نص الإيجار ..
قلتله أنا ما وعدتك و لا قلت اني بادفع الإيجار ..
انت اللي قلت و أنا سكتت و ما رديت و لا علقت ..
أنا قلت اني ممكن بسسس أساعد بالزيادة و فرق السعر ..

و بعدين انت اللي وعدت انك راح ( تدبرها ) و لا نسيت رسالتك ؟ و صارت كلمتي أنا ( كلمة رجال ) ؟
و كلمتك انت ( ما يمحوه النهار ) ..

ما عجبه الكلام و بدا يطالع بالتلفزيون زي تصرفاته المعتادة اذا كلمته عن مسؤولياته ..
قلبت بجوالي و طلعت له رسالته ( لانه شكله ناسي .. و بيشوف حاله مظلوم و أنا الظالمة و قليلة الاصل )

الرسالة ارسلها لي كاتب فيها ( أنا بادفع إيجار الشقة القديمة و راح ادبر إيجار الجديدة و لا يهمك و باعمل المستحيل عشانك )
^
عشان كذا قلت لكم انه كلمة ( ادبرها أنا ) تدخل من هنا و تطلع من هنا ..

.
.

المشكلة بيشوف حاله مظلوم دحين و مسكين .. و أنا الظالمة و القاسية ..

بعد كم ساعة ارسلتله رسالة و قلتله خلاص نجلس بالشقة القديمة و الفلوس اللي بتصرفها للنقل و بقية الأثاث، ادفع بها الإيجار ..

.
.

الجمعة جيت اشوف امي و خرجت بالمغرب مع زوجي للسنتربوينت.. اشتريت ببطاقتي ..
قميصين لولدي الكبير و واحد للنونو و كم شي بقارورة الرضاعة .. و العربية تبع النونو و ممكن تعيش لحد ما يصير
عمره 4 سنوات و كلفتني كلها تقريبا 700 ريال ..

( مادري ؟ تصرفي صحيح و لا غلط ؟ لو استنيت زوجي يجيبها لي .. بيجيب لي من محلات ابو عشرة و ما تعيش و مبهدلة
لأني طلبت منه مرة شنطة حضانة لولدي و جاب له شنطة بعشرة ريال و صغيرة مرة الشنطة و ضيقة مايدخل شي فيها ..

المشكلة، انه على نفسه كريييييييييييم )

بالليل قهرني وقت كلمته عن موضوع بطاقتي الصراف تبع بريطانيا ، و من القهر قلتله ( قدر عالاقل اني رايحة اليوم و تاركة امي
عشان اغراض الاولاد )

يقولي العربية ماني مجبر اشتريها .. انت جبتيها عشان راحة نفسك اذا خرجتي للسوق، تحطي النونو فيه ..
قلتله مع السلامة و قفلت ..

------------

الرد اللي فوق ترى باكتبه من امس الجمعة و دحين اللي خلصت منه الساعة 11 و نص الصبح ..
كل ما فضيت جيت كتبت جزء.. امي تعبانة مرة و ولدي الصغير بيدي، كل ماخلصت منه قمت اشوف امي و طلباتها
و أنا و أخواتي و اخواني نتساعد و نتناوب عشان امي

قلتلها امس
( يا بختك يا عم .. خدمة 5 نجوم، و لا الملك عبد الله ؛) )
ابغاها تفرح

الله يهون على والدتك ما تعانيه ويشفيها
والله رأيي يا روح انسي المشاكل والدنيا كلها..

وجهي كل طاقتك لوالدتك ...
ابقي في شقتكم القديمه لين الله يفرجها
وزوجك راح يقدر يدبر امور الإيجار بهالطريقة