احسنت
حطيت الكوره بملعبهم
يشوفون بنفسهم وضعها ويختارون هم وبنتهم
وانت وكل امرك لله واستخر ربك هذي المده لحد ما يجيك جوابهم

وتاكد انها الخيره لك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

انا ماقريت كل الردود لكن متاكدة انه الجماعه كفو و وفو


يا اخوي انا شخصيتي مو بعيده عن زوجتك لكن فيني حلم ورحمه وحنان كثير واعترف باخطائي ولا اقلب على زوجي او غيره بالعكس ادور ويهمني رضاه

بس بدايه الزواج بين أي زوجين تكون الحياه صعبه وانا بالضبط كنت زي زوجتك ماابي الزواج خير شر يعني كنت أتمنى اتزوج واحد احبه وعارفته ماادري ليه كنت افكر كذا

ولما تزوجت زوجي كان بالضبط مافيه شي ينعاب وظليت في صراع والله واعصب على اقل شي وهو ذكي جدا وفهم اني في صراع داخلي بين ارضي اهلي ورغبتي بالامومه وبين زواجي وعنادي وعدم تقبلي لفكره الزواج

بس الفرق زوجي شخصيته جدا قويه على الرغم من قوه شخصيتي لكنه اقوى واحن مني فالحمد لله تطلب الوضع سنتين علشان نفهم بعض اكثر وللان مرات نختلف على أشياء تافه

نصيحتي اجلس معاها جلسه مصارحه وخلها قريبه منك اطلبو نقل أي شي البعد يصعب الأمور ولا تشك وتوسوس على شي ماعندك عليه دليل واضع واستودع زوجتك وثق فيها واذا لها أي حركات ترى رب العالمين يحاسبها واذا الوضع مره وانت منت ماخذ حقوقك ولا في أي تفاهم الطلاق ما انصحك تلجأ ابدا احس لو تقول لها بتطلق ماراح تقبل بالعكس اعرفها نوعيته لاني مثلها .

__________________
سبحان الله وبحمده..سبحان الله العظيم

ابعد الشيطان عنك ولا تدخل الوساوس لراسك حتى ماتظلم أحد

الرجل هو محكمة نفسه قرار انت مقتنع منه 100% لاتندم عليه ولا تلوم نفسك

كل اللي أنت ذكرته ملاحظات وتخمينات

عموما اغلب الامهات فعلا يضغطون ع بناتهم في سالفة الزواج وبنات هالجيل ماهم مثل الجيل القديم
بنات هذا الجيل أثرت عليهم التكنولوجيا مو مثل قبل محجوبه عن كل شيء

-----------
نرجع هل أنت على خطأ أم على صواب

صعب احدد لك بناء ع كلام طرف واحد لكن لو كان فعلا ماذكرته انت عداااااااااك العيب وأنت لست مجبر على انسان لايريدك لكن أكرر لك بأن فترة 5 شهةر غير كافيه لفهم بعضكم مع انها اعطتك بصريح العباره
.............................

.............................
اذا مافيه اسباب واضحه للنفور وهي تريد العوده لازم تغير طريقة تعاملك معها لين تفهمون وتأخذو على بعض

اللي في قلبك يقرقع اعرفه ولو اللي في بالي وبالك صحيح هي رايح تصارح أهلها انها لاتريدك وتكون أنت أبريت ذمتك

شكرا لمشاركاتكم الرائعه وارائكم النيرة


،، ليتك معي) ،،هي صارحت اهلها لكن ماادري هي قالت ماابيه نهائي او قالت انها مريضه
وأتوقع انها قالت ماابيه ومافيني مرض
بس ابوها يجبرها علي ويجبرها ع العلاج


كلمته وقلت لاتجبرها خليها تتعالج براحتها

بصراحه اشوف انها تبي فرقاي بأي وسيله

بالنسبه لي اعيش ازمه نفسيه بسبب هذا الموضوع وألم لايطاق لاحول ولاقوة الا بالله
فقدت ثقتي بنفسي اصبحت اشوف اني ناقص وانتقد نفسي على كل شي
تحطمت فعلا
كرهت الحياه كرهت الاجتماعات وكل شي

لاحول ولاقوة الا بالله

السلام عليكم
لاتحكم انها تبي فرقاك بهالسرعه
واذا كنت مومقصر معها مايحتاج تلوم نفسك
خاصه ان فترة زواجكم قصيره
وبداية الزواج فالغالب تكثر الخلافات
يمكن فتره جلوسها عند اهلها تخليها تراجع تصرفاتها
او على الاقل اهلها يشوفون لها حل بدون اجبار طبعا
فرج الله همك

اللي يحصل معك حصل مع غيرك
وليش عايش ازمه نفسيه قول الحمد لله لو تشوف مصايب غيرك هانت مصيبتك انت في بر الامان ومافيه اطفال واللي خلقها خلق غيرها
فيه بنات يتفلسفون ومحددين في روسهم مواصفات معينه ويروح عمرها وهي عايشه احلامها وتسنتر في اهلها لاجايها لا فارس احلام حتى على **** اعرج
صدقني اذا زوجتك أصرت ع الفرقى هي اللي رايح تندم لانها تحمل لقب مطلقه وانت عادي مجرد ما انت تتزوج بتنسى

لاتشغل نفسك فيها اتركهم ولاتستعجل في قراراتك خل كل شيء يجي منهم اذا بيردون بنتهم خير وبركه واذا ماهم جايبنها خلهم هم يبادرو

ولا تاخذ ع كلامي لانه اجتهاد شخصي قد اصيب وقد اخطيء ممكن بعض الاعضاء افضل مني رؤية للموضوع

أسأل الله أ، يفرج همك عاجلا غير آجل وأن يجعل السعاده مسكنها في قلبك

-هل صرحت لوالدها فعلاً بأنها لا تريدك أو لا تريد الإستمرارية معك؟
-ماذا قال لك والدها بالضبط؟

آمييين
جزاك الله خير

ليتك معي ))
متضايق لأني كان عندي أماني وطموحات ذهبت مع الريح وتعرف في بداية الزواج على الاقل المفروض مايكون الوضع كذا
صعب تقبل الفشل
لكن الحمد لله على كل حال

الله يسعدك ياغالي