ماشاء الله لاقوة الا بالله

الصور روووعه والتقرير اروووع للاسف يوم نروح مارحنا لنكاوي خساره صورها خيااال

بانتظار الباقي

__________________

مشكور على الصور والتقرير

فعلا ماليزيا من اجمل الدول اللتي زرتها

اشكرك على التقرير الرائع ، والله يسعدكم ويهنيكم ،، امين

الصراحه انا لم تعجبني ماليزيا رحلتي كانت في شهر ابريل 2009
المدة عشرة ايام ، الجو حر وخاصة في بيننغ وكنت ساكن في بارك رويال ،

لو لا اختلاف الانظار لبارت السلع !!!!

دول اسيا الاخرى اجمل واحلى جو ( اندنوسيا وتايلند ) وبس

تقبلي مروري ،
تحياتي لكم ،،،،،

__________________
سَلام عَلَى الدّنْيَا إذَا لَم يَكُن بهَا صَدِيقٌ صَدُوقٌ صَادِقُ الْوَعدِ مُنْصِفَا

يا حظك كان أخذتيني معاك الله يهديك لكن مو مشكله المرة الجاية

تصويرك يجنن ما شاء الله عليك .. تسلم يديك يا رائعة

أنا شفت برنامج في المجد عن لنكاوي و أتذكر هذاك اليوم كنت حاطة بيض مقلي على النار و أحترق على العشاء من كثر ما تحمست نسيت النار ما اشم إلا الريحة و جبته تخيلي لزوجي و زعلانة قلت و الله تأكله ما تستاهل شيئ حلو إلا لما توديني ماااااااااااليزيا وعدني قال أوكي بوديك إن شاء الله

و اليوم الظاهر بروح أسوي مشكلة !! الله يستر

ودي أسألك هل السفر لها غالي التذاكر و الفنادق و المواصلات و الأكل ؟؟

فكرنا نروح بس ترددنا كثير

(أم جمانة )

حياك الله يالغالية والف شكر لمرورك ...بالفعل لنكاوي حبيتها وتمنيت اني قضيت كل الايام فيها ..

سابرينا ..

حياك الله ..ومشكرة على الكلام الحلو ..والله تستاهل ماليزيا الزيارة وتسلم ام جمانة على الدعوة والتشجيع ..

جينز ..

الأروع مرورك ..وان شاء الله ربي ييسر لكم السفر مرة ثانية وتروحي لنكاوي لأنها بجد تستاهل الزيارة ..

مظلوم الحب .. الفارس 2007

شكراً لمروركم ..

جداوية و أفتخر

ما دريت انك تبغي تسافري معايه ..
الله يهديك وبس ..تقولي هذا الكلام لزوجك وتبغي يسفرك ..
بإذن الله تسافري أحلى سفره من غير مشاكل وتستمتعي فيها يااارب..
وبالنسبة لأسعار التذاكر والفنادق تعتمد على المواسم ..يعني احنا سافرنا في وقت مو موسم ..وكانت الأسعار منخفضة تقريباً ..
بالنسبة للمواصلات الداخلية والتكاسي هي أكثر شئ كلفتنا ..
والأكل كمان كنا ناكل وجبتين في اليوم ..نفطر في الفندق ونتغدى بعد المغرب ..غداء وعشى في نفس الوقت .
اي سؤال او استفسار نحن بالخدمة ..

عدناااا..

الجزء الأخير ..واعتذر عن التأخير ..

كوالالمبور هي المحطة الأخيرة في رحلتنا ..
قضينا فيها 6 أيام رائعة ..
وصلنا كوالا الساعة 4 مساء ركبنا الباص وانطلقنا للفندق ..

هذه صور من الطريق .





صورة من الباص للتوين تاورز ..



وصلنا لفندقنا (تريدرز)



صورة مقربة ..



استلمنا غرفتنا الرائعة



مسبح الفندق ..



الجاكوزي .



هذه إطلالة الغرفة ..





ريحنا شوي بغرفتنا بعدها خرجنا لسوق سوريا الموجود اسفل البرجين وتعشينا فيه ورجعنا لغرفتنا ونمنا أحلى نومه

اليوم الثاني صحينا وافطرنا وهذه صور بسيطة للبوفيه ..
فواكة طازجة











بعد الفطور خرجنا لحديقة البرجين تمشينا فيها شوي وبعدها رحنا لعالم تحت الماء ..و هو افضل بكثير من اللي في لنكاوي ..
استقبلتنا اسماك البيرانا الشرسة









بعدجولتنا المتعة خرجنا ولقينا مطعم كيني روجرز دخلنا وتغدينا أحلى غداء ..
هذه صورة وجبتي .



رجعنا للفندق نرتاح وبعد العصر خرجنا للتسوق في التايمز اسكوير ..



اليو الثالث لنا في كوالا لمبور ..

خرجنا بعد الفطور للبرجين واخذنا تذاكر الصعود للبرجين .. بعدها تجولنا في سوق سوريا .





وخرجنا لحديقة البرجين ..





بعدها رجعنا وطلعنا للبرجين ..هذه صور من البرجين .















رجعنا للفندق وريحنا فيه ..وروقنا على صحن فواكة ..



يتبع ..

في عصر اليوم الثالث لنا في كوالا .. خرجنا للتسوق في شارع العرب ..
وكملنا فيه بقية اليوم ..وتعشينا فيه ورجعنا للفندق .

اليوم الرابع ..افطرنا بعدها خرجنا لحديقة الفراشات ..الحديقة حلوة لكن ملينا من مطاردة الفراشات .. يالله قدرنا نصور هالفراشتين ..
هذا مدخل الحديقة ..

























خرجنا منها لحديقة الاوركيد..حلوة لكن الجو كان حار ..

















رجعنا بعد التعب للفندق ..وطلعنا للمطعم أخذنا هالترويقة ..



وهذه صورة ما الفندق للبرجين ..



الجو كان ممطر فجلسنا في الفندق حتى خف المطر وخرجنا كالعادة لشارع العرب للتسوق والعشاء ..

اليوم الاخير لنا في كوالا ..بعد ما افطرنا ..طلعنا بالقطار لمحطة الباصات المتجهة لجنتنج ..



لقينا زحمة على الباصات ..فأخذنا تاكسي وطلعنا لجنتج الباردة ..
الطريق رااائع ومريح كن للأسف مالقيت إلا صورتين اما الباقي كلها فيديو ..





وصلنا لجنتج ..واشترينا التذاكر الدخول من هالمكتب ..



هذا المدخل ..اعجبتني الاناناسات ..



هذه الالعاب الخارجية ..














الالعاب الداخلية كثيرة لكن اغلب الصور الموجودة عندي غير صالحة للعرض





استمتعنا يوم كامل بالالعاب ..ولو ان بنتي الله يسامحها خربت علينا شوي ..لكن نعوضها بإذن الله في المرا الجاية ..يعني نصيحتي للي عندهم اطفال ويبغون يفلونها ..يجلسون في جنتنج يومين على الاقل ..

بعد المغرب .برد الجو فحجزنا عودنتا مع الباصات ..هذه محطة الباصات ..



جنتج كانت المحطة الاخير في الرحلة ..رجعنا بعدها للفندق وجهزنا أغراضنا ..ونمنا لأن موعد رحلنا اليوم

الثاني في الظهر ..طبعاً حطيت كاميرتي في الشنطة وقفلتها ..ولا صورت بعدها اي صورة حداد على

ماليزيا ..

رحلة العودة كانت سهلة لكنها مملة للأخر ..وطووووويلة بعكس رحلة الذهاب ..

وداعاً ماليزيا على أمل اللقاء بك في السنوات المقبلة بإذن الله ..

اشكر كل من تابع تقريري ..واعتذر عن تأخري في طرح الحلقة الأخيرة ..

وارحب بأي سؤال واستفسار ..

هذا وصلى الله وسلم على سيدنا محمد وعلى آله وصحبه وسلم ..

__________________

يعطيك الف عاافية ،امتعتينا الله يمتعك بالصحة والعافية ،،
ورحلة راائعة ماشاء الله ،وتصويرك اروع من الرائع..

راااااائعه ماشاء الله
ماليزيا
وصورك
وتقريرك..

حطيتيها في بالي وبقـــــوه..

بس ماقلتي لنا لعبتي ألعاب تخوف??

__________________
.. ربي لك الحمد والشكر ..

اه ذكرتيني بشهر العسل كانت احلى رحله هدوء بس للاسف لما رجعنا من جنتج كنت تعبانه وزجي خاف علي ولما وصلنا كوالالمبور ونزلناعند الفندق نسينا الكاميرا والاب توب بسياره التاكسي ورجعت بدون صور
بس احنارحنا لجزيرة اسمها كوتا كنابالو .جزيرة صباح,حلللللللللللللللللللوة حييييييييييييييل ومارحت للنكاوي ولابينانغ
ومشكوره على الصور الممتعة وعقبال سويسره والنمسا