لاتفكري ليش ماحملتي عزيزتي ...وضعك لسى مو مستقر تماما وانتي لسى مو حاسة بالأمان

الطفل يحتاج بيئة فيها استقرار وامان ....انا مااعرف قصتك تماما بس اعرف انك تعبانة وتستخدمي أدوية وان زوجك رجعك بعد مدة من الطلاق ....

يمكن هذا خيرة لك انه مايكون موجود بكثرة لانه راح يركز بكل صغيرة وكبيرة عليك
وتأخر الحمل قد يكون خيرة أنتي ماتعرفيها ....لازم تشوفي راي عاقل من عائلتك لانهم اعرف الناس بوضعك وبمشاكلك

اذا زوجك يحترمك ويقدرك ومجيئه لعندك باحترام انتي راح تعرفين من اسلوبه أقنعيه بطريقتك اما إذا هو يجيء ساعه وتعامله مش كويس ويأخذ حاجته ويمشي الوضع يختلف


استخيري الله الله يكتب لك مافيه الخير

الاعضاء هنا مايقدروا يساعدوكي اكثر لانك رجعتي من البداية ووافقتي على شرطه أو وافقتي على موضوع الزيارة والمفترض من البداية كنتي ترجعي لبيت مستقل ولك حق القسمة لكن الله المستعان وإليه المشتكى

كيفكم واش اخباركم ......

كيفك للامل حكاية واش اخبارك مافهمت آخر كلامك .....اختي .....زوجي يقول أبعوضك أن شاء الله خليها تعرف شوي شوي زوجتة واصبر عشان كذا سكت ماقلت شي بكيت عند ربي خايفة من هالدنيا ....

صدقيني مافي أمان بهالدنيا إلا بإيماننا بالله ...أنا كنت اقصد اذا هو رجعة بشرط مايقسم لك ليلة فصعب تحصلين هالشيء بسهولة لأنك وافقتي من البداية


فحاولي انك ماتفكرين كثير عشان ما تتعبين وانبسطي بالوقت اللي يجي فيه واكسبيه عشان يعجل بالقسمة بينكم حنني قلبه بالرسائل وادعي الله كثيرا



مممن اعرف كم لك على هذا الحال اللي يجيك ساعه ويروح وهل معطيك شقه ولا عند أهلك

عزيزتي مصونات لا تعلقي قلبك بأحد حتى بأعضاء المنتدى ممكن تفضفضي وتكتبي مشاعرك بس مش شرط تلاقي إجابة من الكل أو تفاعل عادي لا تحزني لهالشيء أحيانا مافي حل إلا بيد الله

جالسة تلومي نفسك كثير وانه عندك جارة طيب أنا حافظت على بيتي كثير وعملت لزوجي كل شيء ولما أراد الله جاب سبب تافه وتزوج وصار عندي جارة كل وحدة فينا ماتتمنى هالشيء وكل وحدة فينا تغار حتى أمهات المؤمنين غاروا ...حاولي ماتعلقي قلبك بهذا الزوج واشغلي نفسك عنه احمدي الله عندك وظيفة أنا أتمنى عندي وظيفة تشغلني ماراح أجلس أفكر فيه الفراغ قاتل ...أنني تعبانه وموظفة ولو كان لك لحالك راح تتعبي كثير ...اعرف انه هذا الشيء صعب بس هذا ابتلاء من الله وابتلاء فقط مو عشان ذنب أو عقوبة مو عشان عيب فيك أو نقص مو عشان ما حافظتي عليه عشان ربي قدر ان يبتليك زي ما غيرك مبتلى بمرض أو نقص عضو أو فقد للبصر أو مشرد تحت الحرب أو القصف كلنا تجينا فترات من الألم نتسائل ليش يارب بس الواحد لازم يراجع نفسه ...لما أشوف نفسي متسخطه أشوف صورة طفل تحت الركام أشوف أطفال الصومال عرايا وعطشانين أشوف طفل يبكي فقد أمه وأبوه كل هذا مو لأنهم مذنبين لكن الله ابتلاهم وابتلى أهاليهم ...حاولي حاولي تستشعري نعمة الله واستمتعي بزوجك بالحلال بدون ماترمي حالك عليه بدون ماتخليه يندم انه رجعك ...زعلانه من الجارة ترى الآن هي تعتبر الأولى وأنتي الثانية إنتي عندك هم وهي عندها هم زوجها كان لها لحالها وتزوجته مطلق والحين جاب شريكة عليها وجرحها لو هي عارفه فهي مجروحه أكيد ولو هي مو عارفه فمعرفتها يمكن تهد بيت فيه أطفال مالهم ذنب ...فكري فيها شوي وبتعرفي انك بنعمه

تسلمين عزيزتي الغالية على كلامك ريحني متزوجة انا الحين ١٠شهور وساكنة بشقة لحالي فوق أهلة......

الحمدالله هذي نعمه عظيمة يعني معترف فيك وعاملك شقة مع اهله مارجعك وخلاك زي المسيار ويجي ويروح لبيت اهلك ويعملك وعود كاذبة ....لاتظغطي مصونات ويهرب منك بالحسنى اكسبيه ....الرجال عنده بيت واطفال ويمكن مستقر مع زوجته بس كطبع اي رجل يحب الزيادة والتنوع وبينكم عشرة فرجعك ....صعب عليه انه يخرب بيته الثاني وممكن تتركه وتشتت أطفالها ...اصبري يمكن حتى انتي يجيك طفل يشغلك بهالدنيا وماعاد تهتمي بس كل تأخيرة فيها خيرة .....تعرفي انه في بنات على قدر عالي وثقافة وجمال ومنصب يبغوا يتزوجوا رجال معددين عشان تكون متفرغه لنفسها ولوظيفتها ولوهواياتها زي مثلا قرأت لوجدة تبغى تحضر الدكتوراة وقالت الافضل اني اتزوج واحد معاه زوجة عشان مايكون عندي كل يوم واقدر احقق هدفي ووحدة دكتورة قد الدنيا وافقت على رجل متزوج لان دوامها طويل وعندها شفتات صعب تكون مسؤوولة عن رجل بشكل كامل ...حاولي تقنعي نفسك ومجاهدة النفس أمر صعب جدا جدا جدا عشان تغيري قناعتك أو تقنعي نفسك بشيء مخالف للفطرة محتاجة جهد عظيم ....ولك الاجر قرأت كثير وكثير عن شرع التعدد وعن طبيعة الرجل وعن مواقف النساء ابغى اوصل لسلام داخلي ومازلت والله مستمرة والتوكل على الله وحده

اضطراب وجداني مع شوية اكتئاب ....خواتي زوجي أمس كلمت زوجتة وشفت كاتب اسمها نبض قلبي انغثيت وجاء على طول أخذ الجوال قلت له مين هاذي قال شي خاص فيني ...مالي حظ خواتي

لاتمسكي جواله أبدا ابدا انتي مو ناقصة تعب وهم ...وفي حقيقة احنا مانقدر نستوعبها الرجل يحب اكثر من امراة ويستمتع بكل وحده بالشيء الحلو فيها يعني ...احنا كنساء وفيات ومخلصات ونحب شخص واحد مانقدر نستوعب هذا الامر بس هذي الحقيقة ....لاتفكري فيها لاني جربت شعورك وانهرت لما فكرت فصرت اصرف نفسي عن التفكير ....


اول ماتزوج زوجي عشان يرضيني سماني نبض قلبي وسمى الثانية عديل الروح
وهو ماعاش معاه لا عمر ولا كان بينهم اطفال ...اكتشفت ان الشكليات لاتهم

اهتمي بقلبك وحاولي تخلي زوجك بالمكان الصحيح لاتفرغي طاقتك كلها فيه

خلي لك جانب هوايات جمييل تفرغي فيه مشاعرك ...

انتي محتاجه دورات في فن التعامل في تطوير الذات اشغلي نفسك وطوريها

تابعي مدربين باليوتيوب يوم عن يوم راح تحسي بالأثر على شخصيتك وانك صرتي افضل
واتمنى الاعضاء يفيدوكي بأسماء مدربين في تطوير الذات ....بالتوفيق

اختي أمل ......ليش حظي كذا هل لاني تعبانة نفسيا الحين اكتب لك وراسي يوجعني وثقتي أنهزت من هالدنيا ماتوقعت تسوي فيني كذا .....الناس حسبي الله عليهم شوهو سمعتي وخربو حياتي وخلو حظي كذا زعلانة من هالدنيا....