زواج طليقتك شي متوقع الله يستر عليها
نجي لك انت
اخ ساري الاحظ فيك عنادك وتمسك بأرائك وخططك اللي تنصبها لنفسك وشايف انها هي الصح..
ارخي شويا وتنازل عن خططك ومخططاتك
وخذ بكلام الاعضاء اللي جالسين ينصحونك من خلال تجارب مروا بها وشايفين شي انت مو شايفه لانك بوسط المشكله..


اخوي
حط ببالك شي متأكده منو مافي زوجه تترك بيتها لمجرد كلام
انا بين المتزوجات ولي عشرات الاصدقاء
يصير بين المتزوجين كلام بعضو اكبر من اللي تقوله ومافي وحده تركت بيتها وشتت عيالها وحرمتهم من عيشتهم الطبيعيه بين اب وام عشان مجرد كلام ..
مااتهمها بأي شي بس ممكن لها اسباب اخرى بنفسها الله اعلم عنها..
فلا تلوم نفسك ابداا
نصيحتي لك الاخيره..
تزوج اذا لقيت الزوجه المناسبه
ماراح ترتاح الا ببديل عن زوجتك السابقه
وذكرياتها اللي تمر عليك بين فتره وفتره ماراح تنساها الا مع زوجه جديده تنسيك حياتك السابقه تماما

والله يوفقك

__________________
(سيدة الموقف)
لم ننساك ونسأل الله ان تكوني أنتي وأولادك بخير

آمين . إن شاء الله إنها ازمه بسيطه وتتعدى على خير
وراح اتزوج

الرجل وهو ابوهم مطمئن على وضع اولاده وواثق بامهم
ولايريد استباق الاحداث
ويعطي نفسه لتكوين نفسه فرصه سواء نفسيا ماديا وغيره
عط نفسك الوقت الكافي سواء سنه سنتين
لاتحدد نفسك بوقت يمكن اقل او اكثر
انت شخص مررت بتجربه صعبه اخطات وتعلمت
وهذا اهم شي الشخص يعرف خطاه

المراه لانعرف ضروفها ولا اي نفسيه كانت
وصلت لمرحله لم تعد تستطيع تتعايش مع طليقها
وطلبت ماحلله الله
لدرجه انها استطاعت الزواج بعد الطلاق
ماعندي ماضيفه لك اخي ااكريم
هذي الحياه تجارب والشاطر الي يتعلم
وماشاءالله عليك دام قلت اخطائك ماراح تكررها مع الزوجه الجديذه
وطليقتك بتحفظ العشره و الفضل بينكم وماراح تتكلم فيها
وعيالك ماراح تنساهم من التربيه و الاهتمام و النفقه
امورك طيبه باذن الله

[COLOR="DarkGreen"];كلام جميل

__________________
يا رب خاتمة حســنة ، وزلفى ، وحسن مآب ..

الله يسعدك . كلامك صحيح
والله اني حريص على اطفالي ان يتربون مع امهم
وبأقرب فرصه بآخذهم بعد زواجي . وفيه ناس كثير بعد الطلاق يروح يجيب شغاله وتجلس مع اطفاله . وهذا مو انا اللي ارضى على اطفالي تربيهم شغاله

عندي إستفسار وأتمنى الاقي الجواب الأكيد . هالحين ولدي عمره ١١ سنه . والبنت عمرها ٧ سنوات والبنت الثانيه عمرها ٦ سنوات . النظام الجديد للمحاكم يمكن سمعتو فيه يقول بأن الطليقه اذا تزوجت تسقط عنها الحضانه وان كان والدها لم يتزوج وهو كفو ولافيه عيوب مثل سوء خلقه من مخدرات او غيره فحضانة الاطفال تكون عند والد الاطفال وإن كان متزوج فلايحق له الحضانه . عشان زوجة الاب الجديده لايقع عنف اسري بسببها مع الاطفال .والحضانه تكون عند جدة ام الاطفال او خالته او خالت الاب . او اخته او امه اذا كانت قادره عالتربيه
الموضوع ملخبط بالنظام الجديد عندنا بالسعوديه بسبب العنف الاسري . والجميع يعرف بأن فيه قضايا وهي قليله جداً بأن زوجة الأب الجديده لوالد الاطفال تقوم بضرب الاطفال بسبب العنف الاسري

انا ابغى الكلام الأكيد بخصوص الحضانه
متى يحق لي آخذ اطفالي

هذا ضلم من المحكمه مو إنصاف

اول مرة اسمع بهذا النظام الجديد

فيه نظام جديد بالمحاكم السعوديه بخصوص الحضانه
وهو نظام غير منصف . إذا كان والد الاطفال
فيه خير ومو حق خراب او غيره . وايضاً إذا كان والدة الاطفال
فيها خير ومو حقت خراب او غيره
فليش يعقدو موضوع الحضانه
نظام غير عادل صراحه

ياخوي ساري حضانة الاولاد لك اذا تزوجت الام بل بقانون الاحوال يقضي بسقوط حضانة الام عند الزواج وتذهب مباشره للأب لانه هو احق بتربية ابنائه وهذا معمول به في محاكم السعوديه على المذهب الحنبلي... وفي حالة عدم زواج الام الولد 7 والبنت 9 ثم يلحقون بأبيهم ..

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

__________________