لان هذا الزواج لا يناسبك فصرفه الله عنك واستصعبه عليك ووضع العراقيل في طريقك
ولو انه خير ليسره سبحانه عليك ...

عادي وخليك ريلاكس وارفع راسك واحمد ربك وامسحها من راسك
وامض في طريقك في البحث عن خطيبه اخرى

صدقتي اختي خيره
الحمدلله انا راضي ولو ان الوضع محبط نوعا ما

1- في مجتمعي المهور تختلف بشكل عام
2- وجهة نظري الشخصية اي عائلة تطلب مني رقم معين للمهر ويهتمون بالماديات سإلغي الخطبة والزواج لأن اذا في بدايتها العائلة لا يشترون الرجل باخلاقه فهذه مصيبة
3- من قال لك ان عمرها كذا؟ هل هي بنفسها قالت لك؟ اذا هي بنفسها كذبت عليك فأول القصيدة كفر ولا داعي بالاستمرار فمن يكذب في البداية لعله يستمر بالكذب، لأن هذا الموضوع ليس سهلاً

صحيح اخوي بالنسبه لتحديد المهر
اما العمر اللي دلني عليها قالي عمرها37 وبعد ماتمت الخطبه سألتها ورفضت تجاوب وبعد اصراري عليها قالت

مافهمتني اخي الوحيد

انت مشكلتك كثرة المجامله يعني تبدأ بموضوع الزواج ثم تبان لك أشياء كثيرة وتكمل مجامله أحيانا وأحيانا ماتبي تكسر خاطر البنت
ياعزيزي هذا زواج لابد تقبل عليه وانت مقتنع 100%
علشان كذا اقول لك انت لاتصلح للاختيار تحتاج من يساعدك بالاختيار

على هالوضع زواجك الثالث مجهول وضربة حظ الله يرضى عليك افهمني

لابد تكون مقتنع تماما لا تجااااااااااااااااامل

لا اخوي مو مجامله
انا فعلا انصدمت من عمرها ولكن لما فكرت لقيت ان حسناتها اكثر وممكن الواحد يتجاوز موضوع العمر لانه اصلا مو باين عليها

إذا أنت مقتنع والله توافق على مهر أعلى

لا ماراح توافق انت من نفسك بتعرض مهر أعلى لأنك تبي البنت وتاريخها ومقتنع فيها

طيب انت الان تقيم البنت بناء على عمرها وشروطها ومهرها وهل هي مطلقة أو بكر أو أرملة
طيب انت ايضا تتقيم
مطلق مرتين وطلاقك الثاني سريع جدآ كأنه مرعب لأي بنت تتقدم لها

إذا تبي نصيحتي قول كل اللي عندك يوم النظرة الشرعية وإذا ارتحت للبنت بالخطوة القادمة اقبل بقوة

وإذا مااقتنعت انسحب لاتجاااامل ولا تقول مابكسر خاطرها

وارجع للبنت الثانية وشوف مواصفاتها

شخصيتك يا أخي تغيرت كثيرا بعد ما حدث من زوجتك الأولى ..
قلبك نازف يحتاج أن تمهله فرصة يتعافى
أنت مجروح ولا تعرف حتى أنك متأثر من الماضي
اترك لنفسك فرصة وفسحة حتى تتعافى
تزوجت طلقت وقعت بغرام مسافرة خطبت مطلقة بأولادها خطبت ام 24 سنة ثم ارملة ثم تراجعت
تحتاج أن تتنفس نفس عميق وتتوقف عن التفكير بالنساء حتى تتعافى

كل اللي ذكرتيه حصل لي غصب علي يعني مو باختياري
فـ مافيه احد يبي لنفسه العذاب
كل انسان يتمنى الاستقرار والعيشه الحلوه السهله البعيده عن المشاكل والمنغصات ولكن مكتوب لي وماعلي الا الصبر

ايوه طبعا مالك ذنب أبدا والحمدلله تركت زوجتك وارتحت
لكن أنا أقولك شيء مهم ما ركزت فيه
خذ وقت لوحدك لا تستمر تدور على عروس
لازم وضروري تاخذ لك وقت بعيد عن المشاكل والآلام اللي حصلت لك
تحتاج تشفى من اللي صار ... لأن مهما كانت شخصيتك قوية فأنت تظل بشر
تحتاج تلقى متنفس غير النساء عشان توقف على رجولك
ليه يخيب ظنك بسرعة وتسحب عليهم بسرعة
لأنك حاط ببالك انهم الشفاء والسعادة الكاملة
لكن بعد أول خطأ تنسحب لأنك ما تبغى تنجرح مرة ثانية
انت تحتاج تسافر لوحدك تستكشف لوحدك
لا تبحث عن شريكة وانت لسا ما شفيت من كل ما حصل