عروس الروض
الله يسعدك ويتتم حملك على خير وتقومين بالسلامة
ثقي انه ماقال لك عن الموضوع الا وهو واااثق في كبر عقلك وقلبك ولانه مضغوط
مثل ماقال والوضع صعب عليه من الجهتين ويدري انك انتِ اللي بتساعدينه وتتفهمين
موقفه مو ضعف منك بالعكس..قمة القوة وارقى الاخلاق منك ماشاء الله تبارك الله
لا تخلين شي يتراكم في قلبك دام زوجك متفهم ماشاء الله ويسمع ويتقبل الحوار
فضفضوا واغسلوا قلوبكم اول بأول ... الله يهنيكم ويديم عليكم السعادة وراحة البال

وبإذن الله يرجع لك سالم ويوقف معاك وقت ولادتك ..
ولاتنسين طمنينا عليك اذا ولدتي بالسلامة الله يحفظك .

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

نوني السعيده25 بأذن الله 😘

اللهم لا تاجعلنا ظالمين

شكراً لك ياقلبي على كلامك الطيب

سحابه1

كلامك يثلج الصدر ويشرح الخاطر ماشاءالله

مشكور ياعمري على تفهمك لوجهة نظري

وبأذن الله يرجع سالم ويكون معاي وقت ولادتي

وان شاءالله ابشركم بولادتي وانا بخير
قريب

زوجي بالبدايه ماكان في عدل بسبب مشاكلنا ومو عادل فعلا انا احس اللي طمعته اهنيك صراحه والله يديم المحبه بينكم

__________________
استغفر الله واتوب اليه..دعواتكم لي

حلا المدينة

كم صار لكم متزوجين ؟؟

زوجي اليوم الظهر كلمني

وحسيت من صوته كأنه مصدوم

سألته شنو سوو في المستشفى من باب الإنسانية يعني

اهو على باله إن العمليه بتكون بكره او بعده بالكثير

بس حسيته منصدم يوم قال لي التنويم السبت والعملية الأحد وحتى انه ماناقش الموضوع وظل ساكت

انا سكت وقلت له خير إن شاءالله وعليها العافيه ومابينت له إنزعاجي ابد والله

بس في نفسي انا مره خايفه يا ناس
موعد ولادتي حيل قرب تتوقعون بيجي بعد عمليتها ولا بينتظرها ترتاح كم يوم ولا شنو

الف سؤال في بالي
اليوم 25 ذو القعده مابقى على موعدي غير 3 او 4 ايام شسوي 😢

حسبي الله لا إله إلا هو عليه توكلت

وهو رب العرش العظيم

يا الله هو بين نارين مسكين

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

مع إني والله العظيم ماضغطت عليه ولا فتحت له سيره ابداً مابي ازيده اللي فيه كافيه..

وامس هو سافر وانا اليوم الصباح كان عندي موعدي ضروري بالمستشفى ماقلتله عن هالموعد ولا جبت الموضوع عشان مايسافر وباله مشغول سكت والله وماتكلمت ويروح وهو متطمن علي.. وبعد ماخلصت موعدي قلتله اني كان عندي موعد وماقلتلك عشان ماتنشغل وتقلق كافي الموضوع اللي بتروح له
قال لي دوم وانتي اصيلة ومااستغربتها منك

انجبر خاطري شوي

بس الحين اظل ساكته ولا بعد العمليه افتح الموضوع معاه ؟؟

يارب والله انا اللي بين نارين 😢

اولدي بالسلامة

واستمتعي بالمولود وبعدها لكل حادث حديث

وجزاكي الله خير على رقي اخلاقك

اعجبني تصرفك

ارتفعتي كثير في اعيننا

والاهم من ذلك كله انك ارتفعتي في عين زوجك كثييييييير

الله يوفقكم ويسعدكم

همسة : ياريت تبعثي رسالة لزوجك (sms) او ورقياً مفادها : زوجي الحبيب فلان احبك واغليك وووو( من الكلام الزين) والله يثبت حمل اختي فلانة ويرزقها بالولد الصالح اللي يبرها ويبرك، وودي اطلب طلب صغيرون يافلان ولاتردني.

ياريت مرة ثانية ماتخبرني ان سبب سفرك هو من اجل فلانة!

مهما كنت لااكن لها اي ضغينة

ولكنها الان بموقع ضرتي

وفي قلبي غيرة عادية طبيعيه مثل اي امرأة

وهذه الغيرة حااااااارقة

فتكفى يبو فلان لاتحرقني اكثر من كذا تراني اغليك والله يحفظك ويحميك لعين ترجيك.

وسلامتكم

عدّلي الرسالة بكيفك لكن مع مراعاة التوازن في الرسالة وكيفية ترتيب الكلام فيها

والله الموفق