اقتباس:
لو زوجك مثلي كيف تتعاملين معه ؟ ايش السلبيات اللي عندي بناء على ماذكرت لكم ؟ وهل تصل لدرجة الكره ؟
|
جاوبت على شي من سؤالك في اول رد لي في موضوعك
اقتباس:
5- الاحظ اني احيان ضعيف شخصيه
مااحب ارفع صوتي ع احد واذا احد تأثر مني اجلس ألوم نفسي واعتذر وابالغ في الاعتذار
|
اولا ًفرَق بين ضعف الشخصية والعصبية
العصبية هي انك ترفع صوتك وليست القوة تذكر قول الرسول صلى الله عليه وسلم (ليس الشديد بالصرعة انما الشديد من يملك نفسه عند الغضب)
وأما مبالغتك في انك تلوم نفسك وتعتذر هذي خلها اذا اخطأت فقط لكن اذا كنت في قرارة نفسك مقتنع انك صح وانك ماغلطت فلا تلوم نفسك ولوم اللي فاهمك غلط واللي يعتقد انه دايم صح
أهم شي قدر ذاتك قبل كل شي اشتر لنفسك أفخم واجدد الاشياء أنت لا تحقر عمرك وتحس انك اقل من أي أحد ولا تخلي أحد يرفع صوته عليك أياً كان خصوصا أمام زوجتك وحتى زوجتك نفسها فاذا اي احد رفع صوتك اهم نقطة تحط عينك بعين الشخص مباشرة فالضعيف دايم منزل عينه
اما مع زوجتك احيانا تحتاج ردود مثلا "خير ان شاء الله"!!! او "هذا مو اسلوب تكلمني فيه"!! برفعة صوت شكلها ماتمشي الا كذا لكن انتبه تتعدا حد هالكلمتين وتزعلها
وانت بعد ترا يحق لك تزعل ولا تكلمها يوم كامل لما ترفع صوتها او تقول كلمة مو حلوة ولا ترضى الا بعد ما تعتذر لك ماراح تلقى نتيجة فورية الا لما هي مع الايام تتعلم ان زعلك يطول وبتفقد الحب والحنان وبتجيك مع الوقت بتعقل
و خلك بشوش وعلى راحتك
في المقابل غرقها كلام ورسايل وحنان ولاتقصر واسال عنها وش سوت بالدوام ووين راحت وعن صديقاتها مين هم وكيفها معهم وكذا خلها تحس باهتمامك وانها لو زعلتك بتفقد هذا كله وماراح تحصله عند اي احد غيرك
من ناحية الكره نعم اكره الضعف في حالات معينة مو دايم
مثلا لو احد نفخ على زوجي وشفته بارد ويضحك بعد !! اكره هالموقف ما ارضاها عليه
اكره فيه الضعف لما يحتاج احد يقرر او يدافع عنه وماعنده اصرار على قراراته ومبادئه او يكون بلا مبدأ
مثلا احد من اهله او اصدقائه قوي ويتحكم فيه ويقرر عنه ويعلمه الصح من الخطا وهو في هذا العمر!!
ولما يكون الزوج حاب زوجته ويجي احد يفر راسه عليها وتوصل للمشاكل والطلاق وهو مو قادر يدافع عن حبه
لما يفسر قوة الشخصية بمفهوم خاطئ مثلا يعاند .. يكابر .. يتلفظ .. يسيطر ويلغي مبدا التفاهم
القوة هي انك تخلي الشخص يفهمك ويطيعك ويحبك وتفرض احترامك من دون تخويف او تنفير
جرب دورات او كتب ..
ارفق ع المره لين تتقبل وتصحى من صدمة الزواج وتصحح توقعاتها وردود افعالها خذها حبة حبة
اعتبر حالتك ازمه وتعدي ان شاء الله وتعامل مع الظروف على انها زائلة يوما ما باذن الله