اشمئزيت منه أكثر بعد كلامك!

بيشيل غصب عنه ولما يكون موجود انا ما أسوي شي أبدا..

و أتصل عليه خلال الأسبوع لما أدرس اولادي، اقله خذ كلمهم عشان واجباتهم يسووها

حتى وهو بعيد اشتكي واحطه في الصورة..

صار يقول ترا لا تحسبي نفسك الام الوحيدة اللي تتحمل بالعالم وكل شوي تتكلمي كانك متفضلة علي..

شوفي امي كيف تعبت وكل الأمهات يسووا كذا واكثر وانا ارد اذا هم بسوو انا مو مستعدة! وكلام كثير على هالنمط!!

ما أحس فيه تقدير وشكر، كله لوم وعتاب

طيب بما انك رجل أفتيني :

ايش يعني لما يجي يبغى "غصب عني" يأخذ حقه مني لما يجي من عندها؟ او يكون رايح لها؟ او يكون عندها وجاي مرور ساعة؟!

هذه تصرفات انسان سليم؟

هذا اللي سويته !

قلت له لو جات السنة الجية- الشهر اللي حدده- وما نقلت،

انا راح انقل عند اهلي ومو جالسة هنا لو ايش !

ضاع عمري بعيدة وفي النهاية كافئتني بزواجك.

اليوم حشوفه، وحرجع أتكلم ثاني معه في الموضوع

شكرا متفائلة.

متفائلة من جدك تشوفي اني عاطفية؟!

بالله العظيم من جد؟ ولا بتستفزيني

حبيبتي اشراقه ....اعتبريه استفزاز

انتي شخصيتك شخصيه اقرب للمثاليه ومن النساء العاقلات رغم صغر سنك لكن للاسف هذي الشخصيه في زمنا لازم تندثر مع العقول الي مثل عقل زوجك ....

ذكرتي انه ابتعاده عنك يريح قلبك صح ولالا هذا الي جعلني اقول انك عاطفيه لكنك من النساء النادرات في زمنا الي خسارتها خساره كنز ثمين ...

حبيتك فقط تتجاهلي الامور الي تخليك تقولي خليه بعيد احسن لانه هو بس يجي خلاص الامور الثانيه من كذب وغيرها لها حلول بإذن الله المهم يكد ع عيلته زيه زي اي رجل

اشراقة

هو معزول عن حياتك

مسؤولياتك

تعبك

وعيالك

لدرجة ما حس بارتباطه فيكم كرب اسرة ولا راح يحس

انتي شايلة دوره ودورك

ووجوده قاعد يثقل مو قاعد يخدم بالنسبة لك

كانه عالة عليك.. جيته مجرد قيد لتحركاتك وممارستك لدورك كأم وأب بشكل طبيعي

ليش كذا يا اشراقة؟ ليش لهالمرحلة؟

ماينفع انك ماتعاملينه كرجل وتطلبين منه يتصرف كرجل..

لازم!

تنرمى عليه مسؤولية البيت رمي

الحين هو مايتعب غير بعمله وبيتينه مايشيل فيهم عود واحد ويتشكى!!!

شلون لو شال مسؤولية جدية؟

ضروري ينقل عندكم.. ضرووووووووري

صحتك يا اشراقة صحتك

مو دورك ترقعين له!

متفائلة لو جاء عاش معنا، طبيعي باتجاهل هذه التفاهات ..

لكني بقول لك عن الفرق اللي أحسه، وهو بعيد أكون انسانة هادئة

ما يغلي دمي 24 ساعة


يا جماعة

الرجال بعيد في الصحراء

كيف أرمي المسؤولية عليه!!

هذا واقع انفرض عليا، وانا انسانة عملية واقعية ما أحب أعلق نفسي بسراب!


صرفت نظر عن الكتابة اللي كنت ناوية عليها

اقصد نقله لعندكم.. لانه ماراح يحمل همكم طول ماهو بعيد

واقع انفرض عليك مثل مازواجه واقع انفرض عليك

والواقع اللي لازم ينفرض عليه انك تعبانة ومافيك اكثر من كذا وانك كنتي متعشمة ان وضعه مؤقت!

آه يااشراقه جيتي ع الجرح نفس الشخصيه تعاملت معها وكنت مكافحه في حياتي علشان عيالي وضاع العمر الحمدلله وانا مازلت اكافح مرعلى زواجي 24 سنه والرجال مازال مشغول بالحريم وحبه لذاته افقده توازنه والقيام بمسؤلياته وانا الآن ندمانه اشد الندم اني مااخذت موقف قوي من بداية حياتي . يمكن اكون خسرت حياتي معه ولكن يمكن يفوق من لهوه وحبه لنفسه .لهذا انصحك بعدم السكوت والطبطبه من أجل لحظات جميله نعيشها لانه يعقبها آلم يدمي القلوب . اسأل الله أن يسخر لك زوجك ويهديه انه القادر على ذالك

أسأل الله العظيم رب العرش العظيم ان يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه