لا طبعا بالعقل ومن غير استفزاز .. إحنا نيتنا الاصلاح ..
أخوي بو خليفة .. أنا قريت موضوع لجين اللي من 9999 صفحة وياني صداع للأسف .. واطلعت بشكل سريع على باقي مواضيعك ومواضيع زوجتك .. بصراحة مب عارفة من وين أبتدي .. حملاتها اللي ورا بعض ، ولا دراستها ، ولا هوايتها ؟ ولا .. ولا .. اخي الكريم .. انت رفضك الدائم لكل شي يتعلق بها بصراحة بدون سبب مقنع .. حاولت أشوف سبب مقنع وماحصلت .. إذا عشانها مادرست في بيت أبوها .. فالانسان يغير رايه .. أنا متخرجة من الثانوية قبل 13 سنة .. ومازلت أطمح إني ادرس بس ظروفي ماتسمح .. وناوية إذا ظروفي سمحت أكمل دراستي .. أكيد زوجي ماراح يستفيد من شهادتي .. ويمكن أنا ما أستفيد غير اني أبروزها بالصالة .. ولكن يكفي إني أرضي نفسي الداخلية وأشعر بالفخر من نفسي .. وحتى زوجي ممكن يشعر بالفخر اني حققت شي من طموحي .. بفضل الله أولا ثم بتفضله بالسماح لي .. انت تقول زوجتك الثانية كان من شرطها اكمال دراستها .. طيب هل تجرأت وتقول لها لما شرطت هذا الشرط وأنا شو بتفيدني شهادتك ؟؟ ما اعتقد ، لكنك مستقوي على الفقيرة المسكينة .. ليش زوجتك الثانية تسمح لها تطلع وتسافر مع صاحباتها .. وزوجتك الأولى ماترضى حتى تكلم النساء في الحرم المكي ؟؟ [COLOR=indigo]بالنسبة لهوايتها .. شيء جميل انها تعبر عن مكنونات قلبها بالرسم .. والأحلى لو تساندها وتعرض رسوماتها في معرض .. أو تبروز لوحاتها وتحطها بالبيت او تهديها أقرباؤكم .. تحسسها انك فخور فيها .[/COL ترا عالامور تعزز شخصيتها المهزوزة بسبب ظروفها .. وتغير نفسيتها .. وبتحصلها تتعامل معاك بطريقة أخرى وافضل .. بالنسبة للسفر مع ابنائها .. ليش ترفض ؟؟ دام الخدم هم المسؤولين عنهم ويتابعونهم خذوهم .. باعتقادي انك للاسف فاهم قوامة الرجل بالسيطرة والرفض بدون حجج قوية ومنطقية .. أنت ترفض لمجرد الرفض .. ماتاخذ وتعطي .. ماتلين راسك شوي من اجل تجنب المشاكل .. وبعدين يا أخي .. نظموا الحمل .. والله مب زين .. أنا عارفة انك بتقول بالغلط .. بس مايصير تتركون كل الأبواب مفتوحة وتقولون بالغلط .. لازم تحاسبون وتستخدمون موانع الحمل .. هي اصلا مريضة واللي فهمته ولاداتها قيصرية .. بقول لك عن بنت خالتي .. مثلكم بالضبط تحمل ورا بعض لا مانع ولا شي .. وولاداتها قيصرية .. الجرح مالتأم تماما والرحم مازال ضعيف .. بآخر حملة لها نزفت نزيف حاااد فقدت اكثر من نص دمها بالعملية .. وكانت بتموت لولا قدرة الله ولدوها وشالوا الرحم مع الطفلة .. في عز شبابها بدون رحم .. هي زوجتك مش بنتك .. انت تفرض عليها أمور كثيرة وحارمها من أمور كثيرة جدا جدا .. كيف تبي نفسيتها تكون زينة وطيبة وهي محرومة من أبسط الاشيا .. موضوع العقاب والحرمان عندك انت فاهمه غلط .. مب جذي تعاقب زوجتك وكأنك تعاقب طفلة عمرها 10 سنوات .. خصوصا لما شفت الحرمان مافاد معناها اسلوبك غلط شوف وسيلة ثانية لاصلاح ماتراه خللا وتقصيرا منها .. معليش يا أخي .. انت أتركها حاليا واسكت عنها وياليت تفكر كيف تغير من نفسك قبل ماتغيرها هي .. ومو لازم تجي تقول لنا .. بس بينك وبين نفسك أفتح عقلك وفكر هل اللي تسويه صح أو غلط .. والله عندي كلام أكثر .. بس ما أبي استعجل خصوصا اني أشوفك تطوف ردود كثيرة أو ترد بشكل مختصر على الأعضاء ويمكن تتجاهل مشاركتي .. ملاحظة: حتى أكون منصفة .. أكيد زوجتك فيها عيوب .. بس ماراح نناقشها حاليا.. لسبب واحد ان الموضوع موضوعك وماراح نستفيد من عرض اخطاءها أمامك، بقدر ما نحن بحاجة لاصلاح الوضع .. |
الله يصلح بينكم
ما اظن انها تبغى الطلاق عشان اولادها و انت ما تبغى الطلاق عشان اولادك بس في النص فيه مشاكل حلّوها و بالتفاهم مو بالاجبار و الاسلوب التعسفي و في النص فيه حقوق ما تضيع عند رب العالمين ورثها حقها و اعطيها اياه اليوم قبل بكره اللي يأخذ اي شي مو من حقه و يحبس عن الناس حقوقها >>> ما تستجاب دعواته و هذا و غيره من الوعيد و العقاب في الآخره لا توجع راسك بأموالها انا عارفه انك مو بحاجتهم و هي مو بحاجتها بس حقهاااااااااااا ربي يوفق بينكم |
بوخليفة اذا ناوي توصل لحل مثل ما تقول والموضوع مش للفضفضة فأتمنى أنك تاخذ برأي الأغلبية مو تختار الردود الل تتوافق مع رأيك .. هذي مو ظريقة استشارة ... الواحد يستشير مجموعة ناس وياخذ بالرأي الغالب ... مو معقول يكون رأي واحد هو الصح وباقي المجموعة هم الغلط
اليهال خذ حكم الشرع فيهم وامشي عليه ... ما في مثل حكم ربنا نمشي عليه حتى يوفقنا ويبعد عننا الهم . |
اخي ما دام ما بتعني لك كزوجة اعتبرها من باب ابنة العم وفي بينكن صلة دم قبل وجود الاطفال عش حياتك كما تريد واتركها تدرس وتخرج مع صاحباتها لتنعكس نفسيتها ايجابيا على اطفالها وعليك
اخي جرب ما رح تخسر شي الا اذا عندك خوف من دراستها او خرجاتها وهالشي محتفظ فيه لنفسك كون انت الشخص اللي بمد الها يد المساعدة عاملها من باب الانسانية من انسان لانسان لانها بشر عندو اهتمامات وهوايات وطموح عوضها عن طفولتها ما تخليها تشوفك بصورة اللي دافنها وهيي عايشة بعرف انك رح تقول ما مقصر معها بس تفكير المرأة بيختلف عن الرجل فكر بينك وبين نفسك ليش زوجتك الثانية اشترطت تكمل دراستها لانها ما بدها تدفن احلامها وطموحاتها وبدها تعيش متلها متل اي شخص الو حقوق وحرية الاختار واتخاذ القرار ولجين انسانة ومن حقها تمارس الاشيا اللي بتفرحها اعتبرها شخص بحاجة لمساعدة اكسب فيها اجر وكن الى جانبها بعيد عن العصبية صدقني والله اعلم اذا اعطيتها الحرية ما رح تسمع كلمة طلقني منها ابدا والله ورب الكون على كلامنا شهيد كلنا بنتمنى لاي زوجين تكون حياتهم عسل فكيف بوجود اطفال مستحيل نخبب لانو الله يمهل ولا يهمل وعلى حسب نوايانا سنرزق ولكن اوقات بنقسى بكلامنا مش من باب العاطفة بل رحمة باناس كل خطأهم انهم ولدوا ونشؤوا وسط بيئة معاناة وخاصة في الطفولة شو ذنبهن نجي نحاسبهن على شيء فوق ارادتهم احترامي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|