طوري شخصيتك يا مصونات بكرا لا تزوجتي وجالك بنات بتكوني مسئوله عنهم كيف بتعلمينهم على هالدنيا وانتي اقل كلمه من الناس تهز ثقتك بنفسك لازم تعرفين معلومات كثيره عن كيف تبنين شخصيتك ترا العلم سلاح والعلم مو بس الشرعي والا الرياضيات الخ لا حتى فيه علم الشخصيه وتطويرها وتقويتها تراه علم بحر

اذا انتي ما تحبين الكتب او تملين من القراءه فيه طريقه ثانيه عندي بس اذا فيه نت بالدوام اكتبها لك والا اذا رجعت اقولها لك

الحمدلله فيه نت بالدوام .. اكمل لك
تحبين القراءه ولا لا .. انتظر ردك حبيبتي مصونات

ما رديتي .. على العموم بقولك الطريقه الثانيه .. روحي لاي مركز نفسي ورحي لاخصائية نفسية الفرق يا مصونات بين الاخصائيه النفسيه والطبيب النفسي ان الطبيب النفسي يعطي ادويه بس الاخصائيه تعالج بالكلام روحي لعندها وقولي لها حابه ازيد ثقتي بنفسي عطيني اسماء كتب وراح تعطيك وكمان بتخليك تدخلين بقروبات بالواتس معها بيكون فيه بنات كذا هدفهم يطورون شخصياتهم وبتكونين واثقه فيها لانها من مكان موثوق وبتساعدك تعلمك على الحسابات اللي بتويتر اللي تهتم بالثقه وبتلقين ناس يعلمونك ويدعمونك لانك محتاجه ناس تشجعك وتساعدك وبنفس الوقت ناس دارسه وفاهمه علم النفس وهالاشياء

مقوله اعجبتني

العلم مو دراسه فقط حتى التعايش مع الحياه الخارجيه يعلمني اشياء كثيره
------------------------------
عشان كذا اقولك:
لا تحصرين العلم بالدراسه .. مع انه الدراسه مفيده ما اقلل من قيمتها ..
احس مصونات انتي محتاجه تتعلمين كيف تتحكمين بمشاعرك وما تخلينها توديك للاحباط انتي محتاجه هالشيء اكثر من انك محتاجه دراسه عاديه بجامعه او معهد الخ انتي تنقصك مهارات اداره المشاعر انتي تنكسرين لاقل شيء وهذا يدل انه فيه نقص بمهاراتك انتي بس لو تعرفين كيف تغيرين تفكيرك تلاقينك ابدعتي ونجحتي باشياء كثيره اكيد اكيد فيه اشياء جميله فيك الله سبحانه خلق كل شخص وفيه جماله الخاص وانتي اكيد فيه جمال بشخصيتك بس انتي الى الان ما اكتشفتيه .. لكن مصونات اتمنى لو تعلقين على ردودنا ما ينفع تقرين وتطلعين بكذا مارح تستفيدين

مشكورة اختي الغالية علي وقفتك معاي صحيح كل كلامك مين يساعدني أنا ماعرف أساعد نفسي كل تفكيري وهواجيس عند الناس او وحدي يوجعني راسي ......

السلام عليكم .. العفو يا اختي

اذكر مره سمعت عن دوره اسمها التخلص من الافكار المزعجه او المشاعر السلبية ابحثي عنها بالنت
وروحي استفيدي لان انتي واااضح انه افكارك متعبتك ومنتي قادره تتعاملين مع الافكار المزعجه اللي تجيك .. يمكن انتي ما كان عندك ادراك انه هالافكار مؤذيه وماتفيدك بشيء ابدا .. لازم تتعلمين كيف تتعاملين مع الافكار

اذا انتي بالرياض او بالقصيم فيه مركز مطمئنة يقدم دورات كويسه عن التخلص من الافكار المزعجه وعن الذكاء العاطفي واسعارهم مو غاليه والدوره تكون مدتها ساعتين او 4 ساعات بالكثير اذا عندك حساب بتويتر تابعيهم ينشرون دوراتهم ويعلنون عنها .. الله يشرح صدرك يارب

وعليكم السلام كيفك ايش اخبارك عزيزتي احس العلاج النفسي عيب ودي اشيل الفكرة عني ........

الحمدلله انا بخير
لا هذي مو دورات علاج نفسي هذي دورات تثقيفية مثلها مثل دورات اداره الوقت وتحليل الشخصيات والتغلب على الغضب ما لها دخل بالامراض والعلاجات ما لها اي علاقه واذا رحتي بتلقين ناس عاديين مثلك ومثلي بس بتحسين انهم مثقفين وحابين يطورون انفسهم وان شاء الله تكونين مثلهم باذن الله

مشكورة اختي مادري ايش أقولك غير الله يجزاك الف خير .......