سبحان الله يامشاري قصتك مثل قصة اخوي
وعاد مشكلة اخوي كانت اكبر لانها بنت خالتي وبنت عمي بنفس الوقت
وصبر عليها سنتين ونص وبغى ينجن من كثر ماكبت بنفسه اذكر جاني اخر الليل وجلس يبكي مثل البزران
واعترف لي انه ماقدر يحبها او يتقبلها كزوجه واعترف انه لسى مادخل عليها
ووقف بوجه الكل وطلقها لانه يقول اخذت ذنبها لاني قادر اسعدها ولاطلقتها علشان تتزوج الي يسعدها
وتزوج بعد ماطلقها بشهرين وحملت زوجته على طول وعنده الحين ولد وعايش الحمدلله عيشه ملوك من السعاده الي هو فيها
وهي ربي عوضها وتزوجت ماشالله الحين مبسوطه حتى اذا احد جاب لها طاري اخوي تدعيله بتوفيق على الرغم ان اخوي وراها نجوم الظهر
فدامك ماحبيتها طلقها خلها تشوف حياتها صح بنكسر قلبها وعسى ان تكرهو شيئا وهو خيرا لكم لاكن ان شالله ربي يعوضها وتنسى ويعوضك يارب

اسال الله ان يفرج همك وان يدلك ويرشدك لما فيه خير لك ولزوجتك

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) .
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .

3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .

__________________

يالله يامشاري

وضعك صعب ، وما تحسد عليه

فعلا غلطة العمر الله يعينك

ماشاء الله عليك إلى هذا الحد وانت خايف على زوجتك انها تصير مطلقة
وتراعي شعور الناس قبل نفسك

هذه بحد ذاتها تدل على حسن خلقك اللي يثاب عليه المسلم

والله لو غيرك ما فكر كان من اول شهر اذا ما كان من اول يوم

لكن فعلا انت انسان ابن ناس و اصيل

المشكلة الحين ،،، والله مادري وش اقولك يا مشاري

خلييني ارد عليك في رد ثاني

الله يعينك في مصيبتك

هذا وانتم رجال منتم قادرين تتحملون ...!!

عاد يقولون المراة عاطفية و ضعيفة ....!!

والله اشوف المراة تصبر على شي ما تقدرون انتم تصبرون عليه ..

انتم ما عندكم مشكلة ، تطلقون ، وتتزوجون بسرعة ..

كيف المراة المسكينة ، لا هي اللي تقدر تطلق ولا تتزوج براحتها ..

وان كرهت تتحمل و الله يصبرها .. وان بغت الفكة من المعاناة محاكم و مشاكل
وتدفع مقابل الخلع ...

انتم طلاق ميسر بدون تكاليف ...!! وزواج جاهز ..

كيف المراة اللي يتزوج زوجها عليها ، و الا اللي يخونها وتصبر مالها حل ..
و تحمل وتلد من شخص ما تتقبله لكن قدرها ..

لو كنتم مثل البنت المسكينة الطلاق يدمرها كان تحملتم ولا فكرتم بالطلاق ابدا ..
ويمكن ما تلقى بديل او تضطر تكون زوجة ثانية او ثالثة لانها مطلقة مدخول فيها ..

عادي تطلقون مانتم خسرانين شي مثل مادخلتم طلعتوا ..!!


الله يعوضنا الجنة ......

الله يكون بالعون

تعب نفسي لما تعيش مع شخص مايناسبك ابد،،
لايعرف الجرح الا من بهِ ألم

الله يوفقها ويوفقك وييسر أمرها ،، ودام مايربطك فيها طفل
لاتدفنها بالحياة ، وقبل تطلقها كلمها وصارحها بشعورك واجلس معها يمكن تطلع منها كلمة او ردة فعل تكون سبب في تسخير قلبك لها

موفق

__________________
قمة الألم ..
أن يكون الزوج آلة صراف
والزوجة آلة تفريغ رغبة..!!

لاااا تطلقها
الحين صارت ثيب , اسفة على هالكلام لكن هذا من ضمن التصنيفات
لمجتمعنا الأحمق في نظرته للمرأة , بيحط اللوم كله عليها
3 سنوات و لا عندها عيال , و بتطلق ,
و هي ليست جميلة , أذن
, فرصة زواجها ضئيلة
للأسف ,
الرزق على الله , لكن مدامها طيبة و خلوقة و ماا آذتك, لو عددت عليها بعد ما تشاورها و تراضيها
يمكن تساعدك بالعدل ,

المرأة لا تطلب الطلاق إلا من بأس
و عند الكثير التوافق ليس بأسا
فضع نفسك في حكمها و مكانها و ما بيدك شيء

فكر مررررة ثانية

__________________