الله يبارك فيكي على الدعاء

وانا بدعي لكل اللي يدعون لي

__________________
وقل ربي اغفر وارحم

عاد تصدقون اني حلمت اني بألقى ردود جديده في الموضوع وفعلا لقيت


فعلا كنت متمسكه برفض الرجوع جدا

خصوصا انه كان متقبل فكرة الطلاق ودايما يقول لا بأطلقك انتي ماعليك

مره يأجل يقول اجراءات مره يقول ماعندي وقت مره يقول على ايش مستعجله

واخر مره قال استحي على وجهك عيب عليك تقعدين تطلبين في الطلاق هذا مو شغلك

في نفس الوقت كان مرات اذا دق كنت اعطيه وليد مباشره يكلمه

عشان يفهم لا تطلبني تكلمني ... وفعلا مرات ما كان يطلب ...


ومرات يطلبني
..

على.. كيفكم
اخباركم

كيف وليد

ناقصه شي

يبي شي


وانا اتكلم معاه عادي وبإحترام ... لحد ما يقول كيف حالك يا قلبي !!!!!!!!!!!!!!!!


اولع شويه واسكت ما ارد .. على اعتبار انه يكلم وحده ثانيه مو انا ... لأن لو أنا فعلا عمره كان احترمني وقعدت معاه بالبيت

بس كنت ملطشه لخيالاته المريضه ... لذلك لا ارد ..

اشفيك ... ألو ...

نعم!!!


اشفيك ماتردين ... كيف حالك ... ياحلوه !!!!!!!!!!!

صرت اقول له رجاء لا عاد تستخدم هذي الالفاظ ... صايره استحي منها ... وبعدين وش عليك من حالي ؟

وش يهمك فيه؟؟؟؟ ماعليك الا من وليد انا لي رب اسمه الكريم ما ينساني


مرات كثيره كان يستحي ومرات كان يعصب ومرات يستهزأ ... وانا مصممه اني ما الين قلبي قدامه ابدا ... ومن داخل كنت اموت الف مره..


لحد ما جت فتره كان مصمم يكلمني فيها

اعطي الجوال وليد ... واقول له ماما نايمه ... تتروش

مشغوله ... فوق...

صار ابو وليد ... ينتظر مده ويرجع يدق ... ويا وجه استح لمتى بقعد اتروش والا فوق يعني؟؟؟؟

صرت ارد عليه

صار يقول لي ( وهو مبتسم واضح من طريقة كلامه انه رايق وهادي ومتقبل اي هجوم مني عليه )

صار يقول ها يا ام وليد كيف حالك؟ عساك طيبه .. مابقول لك ياعمري ولا قلبي عشان ما تعصبين واشوف وين بأوصل معاك


( حركة انه يكلمني بهدوء وروقان ويستخدم الالفاظ اللي انا حددتها عليه اجبرتني اكمل المكالمات معاه ... بمعنى اخر انه بدا يبطل عناد وهذا مطلبي الاول وبكذا فعلا قدر يوصل لي واصير اتجاوب معاه هذي اول خطوه صارت بينا كتمهيد للرجوع... )
انا ... الحمد لله انت كيفك اخبارك


كان يتكلم بأمور عاديه ... انه شرى شي جديد .. موقف في العمل ... كيف متغربل بين المغاسل والمطاعم... وغالبا اشياء تضحك فما اقدر الا اضحك بتحفظ... وهو يستغلها بعدين و يبدا عاااااااااااااد في العميق


( اللي استوعبته من هالحركه ... اني قبل لا اتناقش معاه في شي لازم ادخله في الجو اللي انا فيه ... يعني هو رايق .. خلاني رايقه مثله .. مو معصبه وقال لا نتفاهم الحين ...هذي ثاني نقطه لتمهيد الرجوع)

صار يبدا يتناقش معاي بكل هدوء واريحيه ... ويالله تعالي نتفاهم ع المشاكل ... ابغى اعرف وين الخلل .. انا كان مضايقني منك كذا كذا كذا ... وش تعليقك... وانا اعلق وادافع عن نفسي وياما طلع هو الغلطاااااااااان وربي

واجي اقول له انت سويت كذا كذا كذا ... وياما طلعت انا حساسه وفاهمه غلط احيانا منه ...

( هذي ثالث نقطه .. التسلسل في حل المشاكل واخذها وحده وحده وفعلا مواجهتها وحلها .. علشان لا تتكرر..)

كانت كل مكالمه تاخذ ساعه لساعتين ... كل ما انا عصبت فيها يقول لحظه ... اسكتي .. خذي نفس ... تعوذي من الشيطان ... روحي غسلي وجهك وانا معك ع الجوال ... والا غيري جلستك ... والا غيري مكانك ... بس لا تقفلين ... خلينا نقهر هالشيطان ....وانا يعجبني تفكيره ولو اني اكرهه بس عجبني حسيته عاقل وجاد يبي يصلح

وفعلا اسوي اللي يبغاه .. خصوصا كنت اشوف الفرحه في عيون وليد ان ماما تكلم بابا ومطولييييييييييييييييييييييييين

( هذي رابع نقطه للعوده ..اعطاء الطرف الثاني فرصه للتنفيس عن مشاعر الغضب اللي طبيعي تكون موجوده في ظل وجود المشاكل )


يتبع

__________________
[/IMG]

ما شاء الله عليك .. متابعين معك اختي ..

اختي نمبر ون .. اختي غايتي الرضا .. ضروري تتابعوا الموضوع .. اكيد راح تستفيدوا ..

متواجد


بصراحه نفس طبع زوجتي بالمكالمات جااامده


بس لما اكون هادي بالمكالمة احسها مجبورة انها ماتقفل الجوال

__________________
وقل ربي اغفر وارحم

ما تلاحظون ان تفاهمنا صار كله بلتليفونات و الموبايلات مافي مواجهات وجها لوجه

عن نفسي من تصير مصيبه في البيت(( من الاولاد))

انقلها بلموبايل قبل لا يجي للبيت

و يجي رايق ومتفهم و نخلص من ثوره البركان

__________________

بعد ما اطلع اللي في خاطري من الزعل و الضيق

مرات كنت اسبه .. اقسى كلمه كانت ( ثور ) عشان لا تشطحون بعيد في خيالاتكم

كان يضحك مني ويقول عاااااااااااااااااااادي ثورين بعد بس انتي ترضين


كنت استحي منه مره مره مره مره


وتكررت المكالمات صارت تقريبا كل يوم وماتقل عن ساعتين ابدا

وكانت تجي الفواتير شي محتتتتتتتتتتتتتتترررررررررررررررم

مره من المراريت قال لي شفتي فاتورتك كم؟ قلت ايه قال انا دبل

قلت يووووه الله يعينك ع المصاريف

بس والله تستاهل محد قال لك انا جنبك ولاعن خامس جد عندي .. والحين يوم ابتعدت صرت وش حلاتي ... وهو يضحك ويقول والله لو تبغين اي شي ما اقصر وياشيخه خلي الفواتير تجي كذا الله يجزاها خير الاتصالات موصلتني فيك انا بالعكس بروح ادخل اسهم عندهم انا احب هالشركه الله يسعدهم ومن هالكلام

( النقطه الخامسه ...حسسني انه مستعد لأي صعوبات ومنها الماديه مقابل اني ارجع )

صارت حدة المكالمات تخف ... وصرت اتقبل كلمة عمري وحبي وقلبي ... حتى لما قالها اول مره وانا ماعصبت قال الله ام وليد ماعاد تزعل منها

قلت اولا لا تنق على النعمه .. ثانيا صرت فعلا احسها صدق مو بس املأ الفراغ ...ثالثا حتى انا اشتق لها .. وانت قلبي بعد


من بعد هذا السطر الجميل الظريف جدا ... اخذت المكالمات منحى اخر من الكلام وانتو ادرى باللي اقصده

( النقطه السادسه ...لابد للطرف المسكين المظلوم من لحظات يسمح فيها للطرف الاخر الغلطان انه يعبر هو بعد عن مشاعره اللي من زمان كاتمها ... اقلها هذي الالفاظ ... لانها زي البلسم ... بس لا تسمحين الا بعد قطع 90 % من مشوار حل المشاكل بعد ماتعطينه على راسه عشان لا عاد يتعاودها ابدااااااااااااااااااا وهو بعد يحس بقيمتها .. يعني لا تنتظرين تنحل المشاكل ميه ميه وبعدين تبدين تحلين لسانك...اتمنى فهمتوا )


صار يقول لي من بعد تقريبا مكالمات شهر ( كل ليله يتصل ونحل مشاكل )
صار يقول تعالي نطلع نتمشى
ما باخذك البيت .. بس تعالي نتمشى .. مشتاق للطلعات معك
وانا اقول لا الله يخليك ابوي بيزعل


نسيت اقول
امي وابوي كانوا يموتون الف مره لما يشوفون اني اكلمه وبالساعات حتى ابوي صار يقول ها خير .. وش عنده بالساعات
وانتي ليش تعطيه وجه ... لاتخربين شغلنا

وانا اقول افا عليك يابوي .. انا اخرب عليك ؟؟؟ بس جالس يتناقش في المشاكل وانا طنشته كثير في الاخير حدني اتكلم معاه

مابلع السالفه بس مشاها لي ... ابوي قصده لا عاد يكلمك ولا يسمعك ولا يحلم فيك
وفي نفس الوقت كنت لما اقول لأبوي طلقني منه كان يصيح فيني ... عيب عليك .. صحيح هو مجنون بس ماعندنا بنات يطلبون في الطلاق ..ياقليلة الادب !!!!!!!!!!!!!!!!!

طلعت قليلة ادب اني اطلب في حق من حقوقي

يعني لا ابوي اللي سعى يحل مشكلتي ولا زوجي اللي طلقني فعلا من اول .. وكل واحد منهم يتعاند مع الثاني وانا في النص


المهم


جا يوم من الايام ودق علي الصبح سبعه
كان يوم خميس
اجازه عنده

قال تعالي نفطر

وانا بدون ادنى تفكير ولا تمحيص ولا شي .. قلت يالله

والله ياناس مافكرت ابدا ... اللهم طالعت في اختي قلت غطوا علي وقولوا اني نمت متأخره ... لأن امي وابوي دايم يشيلون هم نومتي وقومتي واكلي وشربي ..يبوني مرتاحه ... الله لا يحرمني منهم

المهم قالت اختي الله ياخذك لا تفضحينا ... ابوي بينجلط لو درى... قلت خلك اخت صدقيه وغطي علي ولا بينجلط ان شاء الله


وفعلا طلعت على اساس اننا بنطلع ساعتين ويمكن ارجع حتى قبل لا يصحون امي وابوي
يعني كنت مطمنه

يوم طلعت ما وقفنا ضحك ابدا
وناسه وبسط

فعلا انغسلت القلوب من اللي كان فيها
لسا باقي في القلب غصه بس خفت عن اول

رحنا فطرنا
قال ترجعين. ؟ قلت لا لسا اهلي ماصحيوا ( صرت انا اللي اتلصق )

وهو انبسط
قعدنا نفرفر في المجمعات كل ماقال ارجعك ... ابوك لا يزعل ونخرب على انفسنا .. انا اقول لا ماني راجعه .. ابي اجلس معك ..وعموما اصلا مرات ما اصحى الا العصر

الساعه 2 الا اختي تدق وتلعني وتقول ابوي وامي حمقانين علي وعليك الله ياخذك انتي واياه دخلتوني في مشاكلكم

حزت علي اختي
قلت يعني خلاص صاروا عارفين ؟

قالت ايه تعالي

قلت ليش ارجع خلاص عرفوا

الله يستر عليكم اجل ... وهي تصيح بنت يامصفوقه ارجعي...

زوجي صارت عيونه مو مصدق اني اسوي كذا

قال ياقوى قلبك
والله ابوك يخرع اذا عصب
قلت والله حياتنا هي اللي تخرع يوم خربت
صح؟




دقت علي امي ... وهي مسكينه مررررررررره مصدومه ... ام وليد ليش تسوين كذا؟ قلت والله يا امي مافكرت وطلعت اوتوماتيك.. وبعدين ابوي مره مقفل لاهو اللي تفاهم معاه ولا مخليني احل مشكلتي ... خلاص انا اعرف وش قاعده اسوي سلمي لي على ابوي وانا راجعه الليله ماني بايته برا ...انصدمت من ردي وقفلت منها .. زوجي منصدم من ردودي مررررررررره قال والله انك قويه
قلت معليش بيعصب شوي ويرضى
كل شوي يابنت قومي ارجعك لا تذبحين ابوك
قلت ياخي خلاص ابوي في ذمتي ماعليك

وفعلا والله قفلت الجوال ولا عاد فتحته الا 11 ليل

زوجي مسكين هو كان حتجيه الجلطه من خوفه من ابوي
وانا ولا كأن فيه شي


خلاص كلمت امي ومطمنه انها وصلت الرساله

الساعه 11
دقيت على امي
قلت وين ابوي
وهي تقاطعني كيف حالك يابنت لا يذبحك لا يسوي بك شي
وانا اضحك اقول يا امي الله يصلحك وين ابوي

يوم كلمته بغيت اموووووووت قلت ابوي قلبي والله مافكرت وقصدي ارجع قبل لا تصحون وقلت لأختي اللي طلعت مو كفو انها تغطي علي .. صدق انها مو كفو ...
قام ابوي يضحك ( دخلته في الجو زي ما ابو وليد دخلني في الجو )

قال يابنتي انتي زعلتيني .. بس انتي مبسوطه؟
قلت جدا

قال الله يستر عليك
لا تجين باتوا برا
قلت لا بأجي البيت
قعد يضحك
قال يابنتي ما انتو حولنا نلموا برا وغداكم بكره عندنا .. سمك ( اللي يحبه زوجي )

دعيت له
وقفلت

قلت لزوجي
كان حينجلط مره ثانيه من المفاجأه
قلت قوم نحجز في اي مكان ابوي قال نبات برا ومو زعلان وبكره غدانا عندهم سمك اللي يحبه قلبك

قال يا الله من جدك؟

بهذي السهوله

قلت عشان تعرف البلا لا فيني ولا في اهلي
البلا في راسك انت
انت يوم تعوذت من الشيطان وغديت رجال صدق
ماصار فيه اي مشاكل

استحى مررره وقام يسلم في راسي وكفوفي ويقول والله انتي سويتي موقف انا لن انساه لك مدى العمر

عاكستي اهلك وزعلتيهم وكامتيني وطلعتي معاي
وتدرين ان ابوك مايتحمل
وبرضو جالسه طول اليوم وماعليك من حد

انتي كبرتي في عيني مره وهذا معروف اشيله لك مدى الحياه
وصدقيني ما اكسفك قدام اهلك واصير فعلا الرجل اللي يرفع راسك

( والله لا زدت ولا نقصت في الموقف ياجماعه)


رحنا الغدا ثاني يوم
و اهلي كأنهم بيستقبلون عرسان جدد
العود والبخور والحركات

سلمنا على ابوي قال والله ان فيكم عروق هنود بس يالله دامكم مرتاحين انا ماابغى شي
بس للأسف ماتاخذها منطقتك لازم انا اتأكد برضو انك صرت رجااااال اطمن على بنتي معك

جلسوا وتناقشوا وطولوا بس ماقاموا الا متصافيين مره
( هذي النقطه مدري كم ... التنازلات ... لا ابوي غلط عليه ... ولا هو اللي اخذته العزه بالإثم وقال ما اجلس مع ابوك.. تفاهموا والحمد لله )المهم جلست يمكن شهرين عند اهلي بعد هالموقف .. بس اطلع مع زوجي كل اربعاء خميس وارجع الجمعه عند اهلي

لحد ما اعلن ابي عن موافقته الكريمه ورجعت لبيتي

اي تساؤل انا حاضره

__________________
[/IMG]

معليش كلامي يمكن ملخبط ومو مرتب
وفيه اخطاء املائيه بس وراي سفر العصر ومنحاسه شوي

عموما الموقع مفتوح قدامي الحين الين 4 عصر عندي فرصه

بعد كذا سامحوني ..

__________________
[/IMG]

ما شاء الله تبارك الله .. ربي يزيدك سعاده و هناء ..

لكن كيف هو وضع زوجك و حالته النفسيه و شكه و اسلوبه الاستفزازي و المراقبه و ظن السوء فيك

هل تغير ؟؟

كنت ارتب وجيت اكتب

غايتي الرضا

تصدق ناس من اقرب اهله قالوا له تعال نزوجك

هم عيال عمه
عيال عمه هذول بين كل فتره والثانيه زوجاتهم يروحون زعلانين عند امهاتهم
ماحلوا مشاكلهم بس شاطرين يزوجون زوجي

طبعا طاحوا من عينه
خصوصا انه ايام مشاكلهم هم كان يحاول يصلح بينهم
وفي مشكلتي انا قالوا نزوجك !!!!!!!!!

الحمد لله انه عرفهم على حقيقتهم


وانا ناس من جماعتي
مابيني وبينهم شي
جو يقولون
قطيه هو و ولده وانسيهم وماعليك وروحي تزوجي واكسري راسه

الحين انا عمري ماسمعت منهم لا تحيه ولا كلمه طيبه ولما جو يأزروني جو يقولون قطي ولدك؟؟؟؟؟؟؟؟؟؟؟؟؟؟؟

وش هالناس المتخلفه

طبعا هم كمان طاحوا من عيني

وياما سمعت ناس يقولون ليش ترجعين تراك غلطانه
وناس يقولون له نفس الكلام .... الحين انت رجعتها بتركب عليك وتمشيك ع العجين ماتلخبطه وبتستغل حبك لها
وتتأمر عليك انت غلطان انك رجعتها

طبعا هو يعلمني بالكلام وانا اعلمه

وحطينا عليهم إكــــــــــــــــس كبير الله يقطعهم ولا يردهم
ناس ماتبي الا مشاكل وفضايح وبس

انا وزوجي ادرى الناس اذا نصلح لبعض او لا

واذا هو يحبني بالعكس اقدر له هالشي ولا اثقل عليه
وهو بالمثل معاي

يعني الزبده ياما بتسمع من الناس
ماعليك الا من زوجتك

__________________
[/IMG]

ماشاء الله تبارك الله

يارب يخلي لك وليد وابوه

وتجيبون لوليد اخوان واخوات

الله يدوم عليك هالراحه والسعاده مدى الدهر

ويبعد عنكم الشيطان الرجيم