يا اختي الفاضلة همس إذا رحت راح تكبر روسهم صدقيني

وراح يشوفون انفسهم و راح يقولون للبنت شفتي ما له عناة عنك جاء و استسمح

و لوه ما انقطع عليك ما درى عندك لكن وس اسوي انا بين نارين و الاصلح لي اني اخليهم

بتقولين ارخ اقولك عادي بس بشرط نتفاهم انا و مرتي و هو يطلع منها و ويفكنا من شره

و الله مشكله هذا و هو ما تقاعد و شلو ن لو تقاعد ؟

و انا راح اتركهم لين هم يدقون علي لأني ما اخطيت و اللي يقول اخطيت اقوله اعتذرت و قبلت البنت العذر

و بعدين وش تبي غير العذر و الوعد اني ما راح اكررها ؟ يبون يطقوني ما يخسا الا هم عاد خلاص ناس ما تقدر

و سبق ان صرحت لهم يا ناس انا بغير حياتي ما اعجبني نظامي و ربي ما اعجبني و اللي تبينه يا نور عيني راح يصير

و اطلبي و افيدكم انها طلبت و قلت امري امري امري اللي تبينه اسويه لك يعني مثل ما يقولون انت اشر و حنا نقشر انت

امر و حنا نطامر لكن ان يضع اللوم كله علي هذي صعبه و ش تراي انسان لي احاسيس و مشاعر << شرط ان يجي احد يقول وين احاسيسها ومشاعرها يومك تطقها ؟

بقوله للمره المليون اني اعتذرت و بعدين ياخي ناس ما درو عنك قسم بالله يعني الجدار في البيت و المكتبه شافتهم و هم

طالعين اما انا ياغافلين لكم الله و لا كأن فيه زوج او رب اسره يا ناس و ين قصة المرأة اللي استئذنت الرسول عليه الصلاة و

السلام عشان ابوها تعبان و قالها فيما معناه لا زم اذن زوجك و دخلت الجنه بسبب هالشي اللي هو ارضاء الزوج و اعطاءة

قدره في الحياة وين حديث لعن الملائكة لمن بات زجها و هو عنها عضبان انتم بصراحة تحطون اللوم على الرجال بس اما

الحريم لا ليه بتقولون ياخي طاقها ياخي متكلم في اهلها اقول ما طقيتها عشان شي تافه و لا تكلمت في اهلها كذا من

الباب للطاقة انا تكلمت عن شي شفته بعيني و سمعته بأذني عدم اكتراث بالزوج لحد الجنون عدم الإعتراف بأن البيوت

محصنه و لها ابواب انا عارف انه دخل مع الباب لوحدة ماراح اقول بدون استئذان لأن بنته فتحت له الباب لكن هو لما طلع

جعله طلوع جدي طلع معه زوجتي زوجتي زوجتي اللي شابه على غداها اللي دخلت عليها الظهر لقيتها تصلي و تقرا

و لا استئذن مني و لا عبرني ليه يصير كذا ؟ ياخي لا زم يعرف و يحط في باله اني جاية بكيفي و برغبتي و هو بعد قبل

فيني بكيفه و كيف بنته ما اهضم حقهم لكن مو المسأله مسأله منه او من لا ابد و الله و انا اقولها بالفم المليان لي

الشرف انا سبهم ما اهضم حقهم لكن تصرفهم شنيع إلى ابعد درجة على الأقل فهمني علمني في بيتي لوه جالدني

لين عضيت الأرض في بيتي ارحم لكن مهو رجال مثل ما قال علو النفس << لوه عندي حبيت راسه .

اشباه رجال ليه لأن لوه رجال كان اخذها قدامي و اقسم بالله لو هذا صاير لافلم به و افقع و جه خير ان شاء الله

عسى ما شر كورة هي و لا لعبه كلما بغيتها خذيتها و انا اقولها هو طلعها من البيت برغبته او رغبتهم جميع جعلهم منيب

قايل . لكن هذا إن دل على شي راح يدل على انهم ما يبوني و انا بصراحة اردد من عافنا عفناه لو كان غالي

و من باعنا برخيص بعناه بزهود . و الله لوهم يبون الخير و المصلحة ان يكلموني اقل شي في الجوال و يقولون حصل

منك كذا و كذا و كذا وودنا تمرنا نشوف و ش الحل انا من حبابتي و سماحتي راح اقول ابشروا و الله لأجيكم الحين

قبل بكرة و للعلم انا اول ما فقتدتها كلمته و قلت ابيك الحين و انا شاب و مولع ابي اقالبه لكن احر ما عندي ابرد ما عنده

بكل برود قال لا انا الحين مشغول الله مير يشغله في نفسه و يفكنا و ش ذا الشغل اللي بيلهيه عن حل مشكلة بنته

و تطليعته لها بها الطريقة لكن انا درس الوضع من جميع نواحيه و دهاليزة و سككه و هو ان هذا الرجل في راسه فكرة

مترسخة عبر الأزمان و العصور ان ما فيه في هالكون إلا بناته مو بس في السعودية لا الكون كله و لا فيه احسن منهم

و انهم احسن تربية طبعا القرد في عين امه غزال لكن متى ما خرجت هذه الأتربه المراكمة على سيور مخة و جعلت مخه

يدور صح عرف ان تصرفه تدمير و ليس بناء .



شكرا من القلب لكل من اشار و شارك و اوضح و بين

و انا عاجز عن شكري لكم لكن سادعوا لكل من اخلص من اجلي و اراد مصلحتي و منا الدعاء و من الله الإجابه

و تعتبر هذه اخر مشاركة لي في هذا الموضوع إلى ان يتسجد جديد او حينما تحل الضرورة للرد


فسلام من الرحمن موصول بالرحمة

نلقاكم إن شاء الله عن قريب و الامور زينه

__________________

فاااااااااااااااااارس يامال العرس ..


والله اني تعبت نفسيا منك وكل مادشيت للمنتدى اقول ان شاءالله ان زوجته رجعت للبيت وانبسط برمضان وكمل ايامه مستانس

بس يضييييييييييييييق صدري يوم اشوفك للحين بمد وجزر انت وافكارك !

الله يعييييييييييييييييييييينك شي يضيق الصدر ويخلي الواحد يفطس وهو يبكي ..

خلاص ياخووووي خلاااااااااااص الشيطان مستانس ومبسووووط اقسم بالله العظيم ان الشيطان من طلعت زوجتك

وهو فاااااااااااااالها قاعد يبشر ابليس واعوانه انه فرق بين زوجين مسلمين

تحسبني اكذب ؟؟

والله ماكذب والله ومستعده اتحمل هالكلام لين يوم القيامه !

اجل انت وبهالشهر تفرح الشيطان عليك ؟؟ ترضى تشوفه مبسوط ؟

انا عني انبسط واستاااااااااااااانس اذا حرقته .. آآه بس ودي اموته وكل دقيقه وثانيه اتعوذ منه عشان انا بقلبي ادري انه ينحرق ..


تكفى داخله على الله ثم عليك .. تحرقه ولاتتمم فرحته فيكم ..

ابيك تقهره ابيك تحطه براسك وتموته قهر وتروح تجيب زوجتك

ياخي انت الرجال العاقل الفاهم الي يخاف الله ... وزوجتك تضل مـره .. عقلها قدها .. هه يادوووب

وابوها الله يهديه .. شكل زوجتك من قالت له انك ضربتها انقهر على بنته الله يلوم الي يلومه

بس هو غلط انه اخذها من بيتك وعيب الي سواه

بس خلاص ستوب والله كفايه تعبتنا معاك .. وربي اني تعبت على اني بس ادخل اشوف وش اخر التطورات واطلع


بس تعبببببببببببببببببببببببببببببببببببببببببببببببب بببببببببتتتتتتتتتتتت


بشرني الله يبشرك بالجنه وريحتها قول آمين

..


دانتيـل ..

__________________
{ احبــــ ـــكم بلا استثنـاء ~

و الله مشكله هذا و الشياطين مصفدة اجل لوها ما صفدت و ش راح يصير

اختي الكريمة انا رمدت من كثر ما شبيت بس تأبى كرامتي ان اروح و الحق معي بنسبه70%

لا بد من بناء شخصية لي عندهم و اني ما ارضى بالغلط البين و لازم يعرفون هالشي عشان بكره
أذا بغوا يسوون شي يعدون للعشرة قبل لا يسوونه و يحسبون لي الف حساب و انا منيب جدار قصير كل
من جاء طمرني ..
بس لا تخلونا من دعواتكم

__________________

بعد التحية للجميع :
أقول لكم ياجماعة انا سجلت في المنتدى عشان صاحب هذا الموضوع لاني أعرفه تمام المعرفة وخذوها مني وصدقوني ما أثر علي بكلامة ولاكن اببين لكم ايش المشكلة الحقيقية , المشكلة ياناس في اب الزوجة وانا اعرفه بصراحه اخونا فارس متبهذل من زمان قبل الملكة وانا قلتله هذا الشي واضح من اسلوبه معه في المعاملة عند الخطبة ويتدخل في كل صغيرة وكبيرة لانه كل يوم والثاني جايني الاخ فارس يشكي من اب الزوجة , انا اعرف ان تصرف اخونا فارس خطأ وانا لاأتكلم عن الذهاب لبيت الزوجة او لا بس انا اقول اب الزوجة صعب التعامل معه وانا متأكد انه لو راح يرجعها بيطلعله بمشكله جديدة , بالعربي اب الزوجة لايثق في الزوج , ولو طرحت لكم المشاكل التي يتدخل فيها لمللتم منها , بصراحة الواحد يسأل عن اب وام الزوجة قبل الزوجة بعد الي شفته .

الاعضاء ما شاء الله عليهم كفوا و وفوا وما قصروا من النصايح معاك
وانت خلاص مقرر ومتخذ قرار لا رجعة فيه
وطبعا انت الادرى بظروفك و ظروف اهل زوجتك

الله يهديكم ويصلحكم ويسخركم لبعض

كان الله في عونك يا صاحب الموضوع و جمع الله شملك مع زوجتك على خير بأسرع وقت .

لكن لفت انتباهي في هذا الموضوع ردود الأخ علو النفس و بدي اسألك يا اخي لو سمحت هل زوجتك

"تأدبت" بعد تركها لبيتك في المرة الاولى ام كررت الخطأ مرة اخرى؟؟

الحمد لله و شهد شاهد من اهلها و اقسم لكم انه لم يتأثر بكلامي و شكواي عليه بل إن هذا الشخص

قال لي بعد الملكة بالضبط الله يعينك على غثاه و بس و يامالك .

__________________

اهلا بك في المره الاولى انا اللي موديها و كنا سمن على عسل بس يوم طلعت للسوق بدون اذني طعبا زعلت و قلت ليش ما قلتي لي و راحت فيها و قالت و الله اني قايله لك المهم جلست اسبوع عند اهلها بحكم اني زعلان عليها و كان المفروض تعتذر لي و تكلمني و على كلامها تقول اني ما بينت لهم و قلت في نفس إيه هين اشوى انهم عارفين اللي وراي و دوني و للعلم كل هالفتره اللي جلستها عندهم ما كلمت علي و لا اتصلت فيني مع ان العادة إذا راحت تقلقني كل شوي مكلمه ؟

و بعدها كلمت انا و بكل فخر و قلت لها راح امرك قالت اوكي بعدين ناقشتها في البيت وقلت انت ما كلمتي وانا ماكلمت و بعدين قالت و بكل بجاحة اني قلت خله لين يمل بعدين يمر و اللي فهمته ان ابوها ليه يد قوية في الموضوع كأنه يقول ما فيه ثقة.

لكن السؤال انا لن اتصل بهم مهما صار

هل ستصلون هم و يحرصون على مصلحة بنتهم ام لا ؟

و إذا كان الجواب لا طبعا راح تطيب النفس و لو كان فيه تعلق لكن انا راح اشوف طريقي ؟

__________________

الله يعينك اخوي فارس الهم ...

اخوي الاكمل والافضل

اتمنى تقول بعض المواقف اللي يتدخل فيها بو زوجته

حتى نفهم شخصية الاب ونعرف نتعامل معها ...بمعنى نعرف وش ننصح به الاخ فارس

أكيد تأدبت يوم عرفت أني بايعها بلاش , وانها ما تستاهل أني ألهث وراءها في كل مشكلة تروح لأهلها
لكن الحياة الزوجية أنتهت بالطلاق بعد 5 سنين لمشاكل أخرى , بسبب تدخلات الأب ( مثل قضية فارس الهم بالضبط ) وأقسم بالله طلقتها , غير مأسوف ولا متحسر ولا نادم ولا باكي ولا شاكي , وكأني خلغت
ثوبي ورميته في سلة الملابس القديمة البالية وليست ثوب آخر ..