بنت تلاحق زوجي وخايفه من اغوائها له
السلام عليكم
زوجي له فتره حاط رقم سري لجواله واول كان عادي مافيه رقم وكنت دايم اشيك على جواله اذا نام ها المره استغربت انه حاط قفل وزاد فضولي اكثر قمت قبل كم يوم قزيت الرقم السري تبعه يوم صار قبل اشوي واشوف جواله قدامي وهو نايم اخذته وكا العاده رحت للرسائل واقرا واقرا الا طر طخ كن احد صفقني كف
لقيت رساله تقول طيب رد علي اذا كنت مهتم او لا وانزل والقى يمكن 7 رسائل مرسلتهم وحده
في البدايه امسويه نفسها طالبه وتقول في رسالتها هاي العنود ليه ما جيتي للمحاضره اليوم
وشكله ما رد عليها قامت ارسلت وقالت العنود ردي علي انا فلانه الفلاني وبرضو ما رد عليها لاني شفت الرسائل المرسله بعدين ارسلت رساله قمه في السخافه ابزعمها تستهبل على صديقتها قام هو ارسل رساله وقال غلطانه قامت ارسلت رساله ابزعمها تعتذر وانا اسفه وما كان قصدي هو ما رد عليها بعدين ارسلت وقالت ما عليه انا عمري 19 واشتغل في بنك واعجبت بي اخلاقك وانا اشتغل في البنك الفلاني بس انت وش اسمك لاني ارسلت لك اسمي وطنشها ما رد بعدين ارسلت رساله قالت والله انا ابي الستر وعندي فيلا من ابوي وما ابي غير الستر .....
قام ارسل لها رساله وقال الله يستر عليك انا متزوج واحب زوجتي
قامت ارسلت له وقالت الله يهنيك بس انا ما ابي غير الستر وطنشها قامت ارسلت له من بكرا رساله وقالت ما رديت علي وانا والله معجبه بخلاقك لانك محترم بعدين ارسلت رساله ثانيه وقالت طيب ارسل لي اذا انت موافق على عرضي والا لاء رد علي وبعدها ما ارسلت شي
عاد دورت با المكالمات مالقيت مكالمات لا صادره ولا وارد ولا مستلمه الرقمها
بس ابليس بدا يلعب فيني وخايفه ان الرجل يكون حطها في باله او صار شي ودي اروح واواجهه مع اني حذفت كل مسجاتها من جواله والله اني منقهره ومولعه ومدري وش اسوي
تم تعديل العنوان
الاداره
التعديل الأخير تم بواسطة فيافي نجد ; 22-03-2008 الساعة 02:53 PM
22-03-2008, 04:43 AM
ضوابط المشاركة
العرض الشجري