اعذرني اخي عبدالعزيز
ردك الاخير كان مضمونه انك " لم تخطأ بل ضحيت وسامحت ولكن هي خذلتك " ! انت وبختصار ذهبت الى " مستنقع " لتنتقي منه زوجه ؟ ومن الطبيعي ان يأتيك منه امراض وجراثيم خبيثه , وهذا بالضبط ماحصل لك .. فلا تستغرب لأنه شئ طبيعي ان يصيبك الذي اصابك .. ارجوا ان لا اكون من الذين لن تسامحهم ! سامحني ان كنت منهم اتمنى لك حياة سعيده وراحةً في البال .. |
والله ماتستاهلك انت رجل طيب ومتسامح وحبيتها بصدق لكن هي ماحبتك وماتستحق تكون ام اولادك يااخي كيف تبي يكون اولادك وهدي امهم طلقها طلقها وبدون تردد وهي الخسرانه وانت الله يعوضك الزوجه الصالحه وانت نيتك طيبه والله بيرزقك اخير منها طلقها ماستاهل تشيل اسمك
|
تختلف تصرفات وردود الناس عن بعض
فالطيبين ليسوا مثل العصبيين وليسوا مثل المتفائلين وليسوا مثل اللعابين انت طيب ياخوي وتستاهل كل خير والله يوفقك في حياتك بغض النظر عن كونك غلطان او منت غلطان من البداية باختيارك لها ولكن انت تعلم عنها امور والشك في قلبك وتعرف ان البنت لعابه وبها حركات لا تريدها ولكنك قبلت بها وتزوجت بها وما بني على باطل فهو باطل ولكن لم ينتهي كل شيء انت قبلت بها مع انك تعرف عنها امور كثيرة ولازم تتحمل عواقب افعالك انا ما قلت تمسك بالبنت ولا تطلقها او تتركها تفعل ما تشاء ؟؟!!! ولكن لا تلموها في كل شيء لأنك ملام أيضا في هذا الامر بتقبلك لها البنت تعرف انك طيب وعشان كذا رجعت لسوالفها القديمة من مغازلة وتعرف انك حتسامحها وعشان كدا عندها امل في الرجوع اليك حتى وان طالت المدة حبيبي انت غلطت ولازم تصلح غلطك اول شي شيل فكرة الطلاق من رأسك لأن البنت ما تستاهل وفيها خير والحمد لله وممكن تصلح وترجع وتتأدب نصيحتي لك تكون اكثر حزما معها وقسوة بعض الشيء خليها عند أهلها فترة من الوقت وخبرها انك ما تبغاها وخبرها انك كنت طيب معاها والطيبة دي ما تنفع مع امثالها وبعد فترة رجعها بيتك وخليها تقعد معاك ولكن مع تغيرات كثيرة خبرها انك تبغاها تولد وبعد ما تغلق فترة النفاس انك بتطلقها وانك بتاخذ الولد لأنك ما تثق في تربيتها وأكد على كلامك بتصرفاتها معاك وأنها ما تقدر تخاف على طفلها وتعلمه الثقه والامانه والوفاء بالعهد واحترام الناس اذا هي ما عملت كل هذا مع زوجها والزوج أولى بكثير عن الطفل وخليها تفكر بحياتها وحاول تقعد معاها وتتكلموا بطريقة ايجابيه حاول تشوف في ايش قصرت معاها عشان تروح وتدور على الشي دا في الخارج لا تقول أنا ما قصرت معاها في شي لأنك ما حتعرف ايش تبغى منك ايش نوع كلام الحب الي تبغاه وايش نوع الاهتمام الي تتمناه وحتى لمسات الحب الي تعشقها اعرف كل شي عنها وخيرها اذا تبغى تجلس معاك او الطلاق اذا قالت تبغى تجلس معاك فلازم تنفذ شروطك انت وقبل كدا خبرها انك ما تقدر تصبر على حركاتها وانك مليت منها وانك لو شكيت في شي واحد فحتتطلقوا على طول واذا رضيت فهاذي بادرة خير لك امنع اي شيء يساعدها بالوصول لما تفعله مثل الجوال واللاب توب ساعدها في التغلب من الامر دا وخلي اهتمامك انك تبغى صلاحها ولا تفكر بافعالها واستمتع باللحظات الجميلة امنع الجوال والنت نهائيا منها لا في غيابك ولا بحضورك دحين انت ملزم بها وهذا اختيارك ولازم تتحمل نتايج افعالك حاول باصلاحها وليس بتركها حاول تعدل من اخطائها وتحاسبها وتعاقبها لأنها من مسؤولياتك كزوج أشبه لك الأمر وكأنك اشتريت سيارة مستعملة وفيها خرابات ولكن لازم تتعب عليها عشان تزبط معاك السيارة وكل ما جات مشكلة حلها بأسرع وقت عشان ما تخرب لك امور ثانيه انت تحب زوجتك ولازم تصبر عليها وأتوقع انك حتتجاوز هاذي المرحلة بسرعة لأنك طيب الحياة حلوة ولازم تعيشها بحلوها ومرها انتبه لها ولتصرفاتها ولا تستعجل وانصحها كثير ولازم تعاقبها على اخطائها حط في بالك الطلاق ليس حلا لأنك ممكن تتزوج من بنت أخرى وتنصدم بنفس المشكلة لذلك انت تعرف تصرفات زوجتك وطريقة تعاملها معاك فحاول تعدلها وعيش حياتك اذا جا البيبي حتنشغل أكثر وحتتحمل مسؤوليات أكثر وحتتغير طريقة تفكيرها كليا ولذلك لديك فرصه كبيرة في تغييرها ولكن زي ما قلت لك ابعد عنها اي امر يساعدها في الوصول لافعالها السابقة وخليها تقاطع جميع أصدقائها اللي وصلوها للامر دا ولا تتهاون في الامور دي واذا اتاكدت انها عقلت فلا تفلت الامور دفعه وحده بل تدريجيا خليها تستخدم جوالك اذا تبغى تتصل وخليها تدخل النت من لابتوبك وحبه حبه بعد شهور اعطيها الجوال ورجع لها اللاب توب ولكن بحرص تام وزي ما قلت لك هذا اختيارك ولازم تتحمل نتايج افعالك والطلاق ليس حلا بالنسبة لحالتك لأن الموضوع ما اتطرق لشيء كبير جدا مثل نومها مع رجال آخرين وهاذي بادرة طيبة انت مسؤول عنها وربنا حيسألك عنها ايش حتقول لربنا ؟؟؟؟ اتزوجتها وخانتني وطلقتها ولا نصحتها ولا تعبت عشانها ولا عملت اي شيء واكتفيت بالتفكير ثم تركها وطلاقها البنت فيها خير والحمد لله ولكن تحتاج لوقفه حازمه منك وعتاب وعقاب ومتابعة ونصح وان شاء الله تتعدل للأفضل وعيش لحظاتك الحلوة ولا تفكر بسلبياتها والله يوفقكم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|