هههههههههههههههههههههههههههههه ماقول غير الله يرحمك من االلي انت فيه ولاتخاف ابوها بس في البدايه كذا بعدين اذا عرفك زين راح يغير رايه فيك - بعدين ترى شكلك خايف ان عمك يطلع زي ابوك بس صدقني ماراح يطلع زيه بس الجيل اللي قبلنا عندهم قناعات حنا ترى مانفهمها عموما الله يرزقك زوجه طيييييييييييييييييبه زيك امين يارب

__________________

والله انشالله انهم ناس طيبين وينشرون واهلي يمدحون البنت وهم ماشافوها !! وشلون ماادري يقولون شفناها مره في زواج
وبس انا صراحة كنت متضايق من اسلوب ابوها وابوي يعني انا جاي بااخطب جلسوا يسولفون وهمشوني هذي وحده وغير كذا حسيت انهم مأنتمين مع بعض قسم بالله يافجر لوك شايفه كيف يسولفون يعني كاانهم يعرفوا بعض من زمااااااااااان ونفس الميول ونفس القصص اللي يحبون يسمعونها
لدرجة اني جلست ماقلت ولا كلمة كل الكلام دار بينهم وانا زي الطفل جالس

وغير كذا اول ماجيت جلس يهددني ماادري يستفزني ماادري يحذرني ماادري وش قصته صراحه

هو صارت له قصة مع اخت البنت وانا متخووف من هالشئ

اللي حصل على حسب كلامه يقول اختها كانت متزوجه واحد وطلع ماهو مظبوط
والولد يبيها بس هي عافته ومن طريقه كلامه حسيت انه منفقع قلبه عليها

والله اخاف اختها تصير مثلها تااخذ قلبي وتتغلى وانا حبيب واعشق بريالين

امين والله يرزقك ماتتمنيين ياارب

وعلى فكرة انا كنت اسولف مع توفي وفيصل وفجاأة ماعاد قامت ترد علي اتمنى اني ماقلت شئ غلط زعلها
اذا زعلتك بحاجه اناااااا اسف ولايهمك حقك علي واذا مازعلتك طقي براسك في الجدار ,,,,, امزح ترا

وفيه عضوه ثانيه صراحه لي فتره وهي تطري على بالي
اللي هي لعيون نوف
اخر موضوع لها كانت تشتكي من مشاكل مع امها وقالت انها تتعب بعد المشاكل وتدخل المستشفى
صراحه انا ضايق صدري عليها واتمنى ان الله يشفيها ويرفع عنها البلاء واتمنى انها تكون بخير

صراحه انسانه رزينه وطيبه وماقصرت في نصائحها معاي ايام مشكلتي مااراح انسى لها الجميل
الله يشفيها ان كانها مريضه ويسعدها انكانها طيبه وويهنيها انشالله ويرزقها الذريه الصالحه ياااااااااااااااااااااارب
ادعوا انها تكون بخير

لا مازعلت بس احترت ..

انت سالتني عن اهل خطيبتك ..؟؟ وانا طارت بوهتي ماعرف شي عنهم ..

وش ارد وش اقول ..؟؟؟؟

وبعدين انا ماكنت اسولف معك ..؟؟؟؟؟؟؟

زوجي يقرا الموضوع لو سمحت ..؟؟انا اتناقش معك ..مااسولف ..<<الموت حااار

__________________

اخوي لوووف ..

اكتب مارايته عن هذه العائله واوعدك اني اعطيك مرئياتي عنهم ..بكل حياديه ..

بس مبدئيا جايز لي ابوها احسه حريص ....؟؟

__________________

لوف لاتلوم حرصه انت عارف انه مر بتجربة مابي يكررها مع بنته الثانية

الله يكتب لك الخير ويوفقك ونفرح فيك عن قريب

اشاركك رئيك وفقك الله

ولا تدقق كثير وقت الملكة كل واحد فيكم يترزرز ويسوي اني انا وانا

خلك عادي ولو هي عطتك كم ارنب ابلعها بكرا بتاخذها وبتكشف كل الامور

وبتشوف انها امور شكلية لا تمت لحياتكم بصلة

والله يوفقكم لما فية الخير

-


اسئله تسالها في الشوفه .. افضل شي سؤال عام عن اي موضوع وتعرف رايها فيه
اذا شوفتكم ابو خمس دقايق ما يمديك تسترسل بالاسئله يعني لا تتامل كثير
اما اذا شوفتكم ابو نص ساعه اسالها عن دراستها صاحباتها ولا تقز طول الوقت اعطيها فرصه تناظرك
والبس جزمه كشخه لانها بتناظر الارض طول الوقت يعني لو لابس زبيريه سوي بديكير

من كلامك عن ابوها حسيته حريص على بنته وهذا شي حلو ودليل انه مايبي يرمي بنته على اي احد
في ناس اي واحد يطق الباب يرمي له بنته وصلى الله وبارك , يعني المفروض تفرح بكلامه
لان اي اب غيور وحريص على بنته بيسوي مثله , اذا اعرست ان شاء الله و رزقك الله بنيه وجيت تزوجها بتحس نفس احساسه

ونقطه حلوه ان ابوك وابوها اتفقوا لان في السعوديه اهم شي اهل العريس والعروس يتفقون :14:

حط ببالك مافي انسان كامل و مثل ما انت تدور الزين هي بعد لها مواصفات خاصه بزوج المستقبل
لو أنا رجل ببحث في زوجتي عن هالصفات :
* تكون متدينه ودينها مو بس عبادات حتى في التعامل
* متربيه وأخلاق
* متعلمه ومثقفه يعني اقدر اتكلم معاها في مواضيع مختلفه
* جميله في نظري مو لازم بمقاييس الجمال عند غيري


شي مهم في العلاقه وهو ( التغاضي ) يعني ممكن تكون فيها صفات ما تعجبك اتغاضى وغض الطرف عنها
لان اكيد هي بعد بتكتشف فيك صفات ما بتعجبها بس بتغض الطرف عنها وكذا مركبكم يمشي


بالتوفيييييق

هيا شفت انا ماقلتلك - خايف منك عمك - بس لااكثر ولااقل بعدين الشياب هذولي يبغااااااااااالهم طنااااااااااااااااااااااااش واذا على سالفة انه مطنشك ويسولف مع ابوك تسير كثير بين الناس الكبار هذولي اعرفها ترى يخلونك زي لوح مسمر في جدار ولايناظرونك بعد ( بس ذا مومبرر لقلك لاتدقق في تصرفاته كثير ) بس الاهم اخوانها كيف زي ابوهم ولا عادي يعني انت نرتاح لهم ؟ الله يوفقك ويسر امرك

__________________

هههههههههههههههههههههههههههههههههههههههههههههههههه ههه

لا لا ماكنا نسولف استغفر الله ترا عندي اخوات انا بعد اخاف عليهم

استغفر الله العظيم وش هالتفكير كلمه وقلتها بالغلط واسف اذا سببت لك مشاكل

اوكي ابوها جايز لك بس المشكله البنت الحين يقولون انها متخوفه اني اصير "مانيب مظبوط"

انا صراحه حطيت في بطني بطيخه صيفي وطنشت موضوع الزواج كله