06-12-2010, 10:12 PM
06-12-2010, 11:49 PM
25-01-2011, 08:15 AM
رحت شريت تغليف واغراضه ويوم وصلت البيت احاول اغلف ولاه موب اللي انت تبي صعععب
ولاناس جو يزورونا قبل شهرين او 3 شهور !
25-01-2011, 08:29 AM
25-01-2011, 12:56 PM
26-01-2011, 06:03 AM
|
المشاركة الأصلية كتبت بواسطة In Canada
السلام عليكم ورحمة الله وبركاته و عليكم السلام ورحمة الله وبركاته .. فالبدايه اعتذر عن التأخير الخارج عن ارادتي ! ضغط دراسه لاننا ببداية السنه / ومشكلتي ما اعرف اكتب الموضوع مجزء لازم كله مره وحده ! ماشاء الله .. يعني ألحين أنهيت سنة الانقلش .. ؟ خبرنا عن تخصصك .. و هل تدرس جامعي أو عالي .. -------------------------------- سأحاول تذكر بعض الاحداث بالشهر الاخير في شهر " ديسمبر " وهو اخر شهر بالسنه / كان لدينا اسبوعين إجازة في اخر الشهر أذكر مره طلعنا مع المعهد لـ فندق فيه الكثير من اشجار الكريسمس - اشجار الكريسمس هي اشجار صغيره وعلى شكل قمع وتزين بالانوار والدناديش - << أشتهيت فطااير اقماااع مع لبنه وزعتر :"( سعودي أصيل ذا معدن لم تصهره الغربة .. بل تزيده حنين إلى وطنه ..المهم كان الفندق كله من هذي الاشجار عشانه وقت الكريسمس / طبعاً مشكلتي مع الكامرة اذا صارت الاضاءه ضعيفه والمكان مفتوح لازم ستاند عشان كذا اكثر الصور ترقل 1- 2- 3- بعد ماطلعنا اعجبني المنظر طبعاً هذا مبنى البرلمان [ Parliament ] وهو خاص بإجتماعات الحكومة ودائماَ مضاء لكن هالمره مغيرين الالوان عشان الكريسمس والمنازل نفس الحاله بالليل كل البيوت مضاءة وتكوون غالباً زينه على حوايف البيت / طبعاً اغلب الصور تهتز ولا فيه صوور حلووه 1- 2- 3- يحتفلون بجد .. ليتنا نسوي كذا بعيد الفطر .. --------------------------------------------------- طبعاً الاجازه لمدة اسبوعين : الاسبوع الاول كنت في فكتوريا ولا اطلع من البيت كل الوقت بالبيت وبديت امل وجاء يوم مشمس قالت لي العجووز بنطلع اليوم انا وشايلوه تعال معنا طبعاً بدوون ما اسألها وين! رحت معهم طبعاً رحنا لبحيرتين وبينهم ممر وغابه والمكاان كان مره هادئ وجمييل : فرصة إرتحتوا من البرد شوي .. 1- طبيعة خلابة 2- 3- 4- طبعاً تقدر تستاجر قارب صغير - كياك - بمجداف وتتمشى بين الجبال وتدخل بين البحيرات والجوو طبعاً جداً جمييل ورخيص جداً لكن الماء بارد ننتظر الصيف عشاان نجرب ماله دااعي نطيح والجوو برد بعدها قالت لي العجووز فيه جبل يطل على كل فكتوريا وفيه زي المطل رحنا له وكاان مره جميل ويطل على فكتوريا وسيدني وكل شيء على 360 درجه المكله داون تاون فكتوريا وقتها كان الشمس تغيب من جهته والجوو جمييل لكن الكامره ماتووضح لان الشمس ساطعه على العدسه 1- جزء من الجبل ومن فكتوريا 2- الاوك بي منطقه من مناطق فكتوريا لا بغيت الجد .. هذي مثل ديرتي بس ديرتي معرجة لانها جبلية .. بعد ماطلعنا من الجبل قالت لي العجووز فيه شاطئ حلوو بنمره قلت خلاص ماعندك مانع / المهم وحنا نمشي تلحقنا سيااره ويوم وقفنا بالموااقف ويوقف قدامنا طلع الشاايب يلحقنا من زماان ,, نزل معنا وقعدنا نسوولف : جزء من الشاطئ 3- طبعاً الشاطئ عليه بيووت مطله .. فواحد من البيووت قدامه شجره كبيره سوى فيها مرجيحه 3> 4- بعدها رحنا مع الشايب لـ كوفي شوب وتقهوينا وسوااليف وبعدها قعدنا نتسووق شوي ! ---------------------------------------------------- اذكر مره قالوا لي نبغاك بكره تطبخ لنا كبسه قلت ابشرووا / وذاك اليوم ما تغديت مجوووع نفسي عشان هالكبسة ,, فحكرتها لهم بس رزهم غريب يالله يتشرب المويه بس معي اخليه محكوور نقع الرز بمويه حارة قبل ما تطبخه لمدة عشر دقايق .. واذا تبي تعرف إنه جاهز للطبخ جرب إكسر حبة رز و إذا إنكسرت معناته جاهز ..1- البصل والثووم 2- هذي الخلطه السريه ^^ احاوول اكبسه قدر الإمكان إنت مطول بكندا .. إشتر قدر كاتم .. وإكبس لهم كل ليلة كبسة مع هالبرد أسرع شيء الكبسة .. 3- النتيجه D: ورى ما حطيتها بصحن كبير و قلت لهم إفرموا بالخمس ..  ----------------------------------------------------- يوم من الايام قررت اجيب للعائلة هدية لانهم دايم يهدووني وكانت وقت الكرسمس / رحت انا وابو زهران نتمشى ونشووف وش نهديلهم فأخترت لوحة فيها صورهم خذتها منهم وطبعت الصور و بودره لعمل [ هوت تشوكليت و فرنش فانيلا ] من تيم هورتن 3> 1- طبعاً رحت بغلفها وكانت ليلة الكريسميس ولقيتهم يسكروون كل شيء رحت شريت تغليف واغراضه ويوم وصلت البيت احاول اغلف ولاه موب اللي انت تبي صعععبوالله تورطت وانا احسب عمري فنان بالتغليف ! وكانت هذي النتيجة X_X : والله الشغل مرتب بالحيل .. 2- هذي شجرة الكرسمس ويحطوون الهدايا عندها ومن قبل كذا يوم يجمعوون الهدايا كل ماجتهم هديه يحطونها تحت الشجره ولا يفتحونها الا صبح الكرسمس طبعاً كل هديه يصير فيها بطاقه مكتوب لمن الهديه ومن مين ! 3- وكانت هذي الهدايا اللي وصلتني / فيه هدايا من نااس ما اعرفهم بس يعرفووني لاني مشهوور على شان إنك طالب سعودي ؟ ولاناس جو يزورونا قبل شهرين او 3 شهور !---------------------------------------------------------------- اذكر وحنا جالسين بيوم الكريسمس نسوولف بعد العشاء قال الشايب انا قد شفت ناس تنام يوم الكريسمس وناس تموت بس ماعمري شفت واحد يغسل ملابسه يووم الكرسمس << يقصدني ,, وقعدنا نضححك انا اتخيلها عادي يوم فكرت فيها اتخيل نفسي صبح عيد الفطر اجمع ملابسي واغسلها خخخخخخخ ---------------------------------------------------------------- ثاني يوم من ايام الكريسمس رحنا لاكبر حديقة زهور بالعالم / وكان معنا تذاكر مجانيه لان بنتهم تشتغل بالحديقة ! المهم كانت زحمه شووي بس مررره حلووه لانها كلها انوار وبالليل حلوه مره ,, بس المشكله ما اقدر اصور والاضاءة خفيفة أكيد تذكرت الرياض ..  طبعاً اخترت صورتين هم الواضحات : 1- الله صورة ولا أروع .. 2- بعد الموت طلعت هالصووره بأقل اهتزاز مررة مررة أعجبتني .. ---------------------------------------------------- طبعاً بعد الكريسمس بيومين رحت فانكوفر ومافيه احداث تذكر بـ فانكووفر ولا صوور لاني اتعيجز اشيل كامي معي ,, بس اذكر النيوو ير - رأس السنه - انهبلوووا النااس وزحمممه الشوااارع بس للأسف مافيه صوور فما كان عندي صوور الا وانا بـ الفيري !! 1- 2- 3- 4- 5- 6- 7- 8- هنا في هذا المكان يلتقي الفيري القادم من فانكوفر مع الفيري القادم من فكتوريا وهو من اجمل الامااكن بين جزر وجبال 9- 10- 11- ---------------------------------------------------------- اليا لفاك الشوق والهم جـالك سجده لربك تحي القلب وتعيده ولا دعوة امـاً حكمة وصالك اجدع باقي البشر بالـرذيـلة وانت يمينك ماهو شمـالـك بيدك اذبح القلب ولاتـعيـده صح لسانك --------------------------------------------------------- الجمعه اللي راحت بعد الصلاة رحت انا وابو ساره ولعبنا تنس كـ العادة وبعدها طبعاً مستانسين ابو ساره تووه شاري سياره - الله يطعمه من خيرها ويكفيه شرها - ماغير ندوور بـ فكتوريا قال لي اليوم مايوصل بيتكم الا انا قلت والله ماتقصر ولزم علي قلت له بشرط اذا بتجي تتعشى معي بالبيت وقال اوكي كلمت ابو زهران وقلت له تخاوينا قال خلاص بجي معك ,, وطبعاً كانت العجووز رايحه تحضر عرض تزلج وكان الشايب واعدني بسممك للعشاء عشان الام عندها حساسيه من السمك كلمته وقلت له بيجون اخوياي معي اساتنس المهم يوم وصلنا وابو ساره يخااف من الكلابه - وانتم بكرامة - جااه شايلووه يمشي الف والله ياضحكنا عليه ويوم صاار يخاف تسلط عليه الكلب ماغير يدوور عنده ويحووس معه وكل ماتحرك يفز ابو ساره وحنا نضححك / بعض الاحياان نسوولف واشووف عبد اللطيف يناااظر الكلب رحت للشايب فالمطبخ وسوولفت انا واياه وزينت شاهي وقلت للشايب خويي يخااف من الكلب ضحك الشايب , وشوي جاء الشايب ولا يدري اي اخوياي يخاف من الكلب هم اثنين وقال لهم اذا شفتوا الكلب حاط عينه بعينكم ولا يتحرك الافضل تعلمووني اطلعه برا لانه يهجم فجأه وتشووف ابو ساره يوم قال الشايب هالكلام تغير وجهه وينااظر الكلب كل شوي ويقوولي ماتقدر تقوول للشايب من اللحين يطلعه برا هههههههههه / وحنا نتعشى بغرفة الطعاام يقوول الشايب بعض الاحيان وحنا ناكل يجي الكلب ويدخل تحت الطاوله وبدوون ماندري ينتظر اي اكل يطيح ويااكل واناظر عبداللطيف ينزل راسه وينااظر يخااف ان شايلوه متووزي ونضحححك عليه ثم قلنا له تراانا نكذب عليك وترااه اليف مرره ومستحيل يضر احد طبعاً ابو ساره مايسمونه عبد اللطيف يسمونه لطيف وجت العجووز آآخر شيء وسولفنا شوي واستانسوا على عائلتي وعائلتي اسانسوا عليهم / ويوم مشوا اخووياي قال لي الشايب ياخي انا مستغرب من لطيف يقوول اللي اعرفه انه اسم بنت قالت العجووز لا البنت لطيفه يووم طارت بووهتي وش يعرفهم خخخخخ طبعاً شرحت لهم ان اسمه عبداللطيف ولطيف زي النك نيم ! ------------------------------------------------------------ الا ياطروق الشعر هاليوم غـنـي وهلي من كنين العيـن دمـعـات نترك ديار السعد وابكـي واخـلـي بجوف عيني من الحـزن جمـرات انا غريباً بوسط الاوطان مـن لـي الا ياهيف بديرة الغرب حـسـرات بشكي يابو سعد هماً حصـل لـي غربه وضيقه وزوداً عليها إسكات ----------------------------------------------------------- اتمنى الجزء هذا ينال إعجاابكم / واعتذر عن التأخير ولكن اوعدكم الجزء الجااي قريب مره لاكن الله الله بالتقيم والردود ما قصرت والله يا أخوي .. بصراحة إنت محظوظ بدراستك بكندا .. الله يوفقك و يتمم لك بالخير .. ترقبوا Ski trip and Arab Heritage in Canada في الجزء الجاي مُحِبُكْم أحمد (f) |
12-02-2011, 07:18 AM
14-02-2011, 02:29 AM
06-12-2011, 01:42 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
