08-01-2014, 06:14 AM
08-01-2014, 08:55 AM
|
المشاركة الأصلية كتبت بواسطة Beta2
كنافة حبيبتي .. كونك تسجلي موقف وكونك ما تسكتي على غلطه شيء وأنك تتركي البيت وانتي مو ناويه طلاق من جد هذا شي ثاني ... لأن لو تركتي البيت لكان صعب تلمي الأمور ....
بعدين ليش الزوجة اللي تترك البيت للرجل ... تجلس ببيتها وبالأسلوب اللي يريحها واذا مو عاجبه هو يترك البيت ويروح يسوي اللي يبي .... حتى لو وصلت للطلاق ما اترك بيتي وبيت بنتي .. خل هو يروح يشوف له بيت ثاني . واذا حابين نناقش حلول الليلة فبرأيي لازمك تتشجعي تصيري تناقشي زوجك أكثر .... الحوار أساس حل الأمور . والدورات الزوجية أمر رائع .. وما دام أعطاكِ الأو كي دوري ورتبي وروحوا . ما اظن انه الأمور واصله لدرجة علاج ومرض .. كل ما في الموضوع أنه فاهم الرجوله غلط ... ومثل ما يقول لك مو من الأنوثة رفع الصوت فمو من الرجوله السب والشتم ... أساسا أنتو الحين تسمعكم بنت بدأت تتعلم الكلام ومفروض يراعي وجودها عشان ما تتعلم منه ألفاظ نابية . لكن ... يا كنافه .. التوقيت ... التوقييييييت مهم جدددددا ... ناقشيه مثل ما حصل اليوم .. لما يعصب قوليله تكرم وعدي الموضوع مثل ما تعدي للطفل وخليه يهدا ... وبعد ما يهدا تناقشيه ... شفتي اليوم متى هدي ومتى قدر يسمع منك ؟؟؟ نام وقام وشاف تلفزيون ... يعني ياخذ وقت لين يهدى ... بعدها تناقشيه بكلامه وبصوت تعمدي يكون منخفض لأنه راح يتلكك بدرجة ارتفاع صوتك ... خليه منخفض يشبه الهمس حتى ما ياخذ فرصته . الأمور اللي تظل مكتومه أكيد بتجيها لحظة وتنفجر فليش تخليها بداخلك ؟ ناقشي لكن خلي اللعب بملعبك  بالوقت المناسب والمكان المناسب والأسلوب المناسب وخذي راحتك |
08-01-2014, 09:01 AM
|
المشاركة الأصلية كتبت بواسطة روح المساء
خالة بيتا زوجها يبدو إنه يخاف او يخجل من علم أهلها بالموضوع ولا يريد أن يصل الموضوع إلى هذا الأمر
ولهالسبب راح وقلها وليه رايحة بيت أهلك ؟ بيتك ترتاحي فيه عشان كذا ممكن اقول ممكن يكون حل لمشكلتها وعالأقل تهدى نفسها |
08-01-2014, 09:10 AM
|
المشاركة الأصلية كتبت بواسطة دراما بنوراما
صباحكم وناسه بعيده عن الدراما
اختي كنافة اليوم اقرأ موضوعك وبصراحة وأنا اقراء كانت ا بتسامتي عريضه وعند سردك للاحداث كنت متوقع ردة فعل زوجك وعادت لي ابتسامتي العريضة. .. بقلك شي زوجك حب يلعب معك لعبه وجابها على راسه والحمد لله انو لحد الان نفسيتك تعبانه وماراضيتيه ودخلتي جو انو الحمد لله عدت سلمات زوجك لازم يتعلم درس ويحتاج منك شهر لعمليه الريكفرينق اللي هو وقت لاعادة الشفاء من الصدمة * نعلمة انو الكلام ميزان والتهديد فيه دمار للاسرة _ اول شيء نفهمه ان ثقتك فيه اصبحه جدا مهزوزة وانه لم يعد هو خط الامان <~~ اترك لك الخيال والأعضاء لسرد أفكار واقتراحات * الريكفرينق هو انك مؤ بين يوم وليله تنسين اللي صار ولابد ان الجرح يظل لمدة طويلة ( وهذا متوقع ان يحدث منك) <~~ علشان بعد كذا يثمن الكلام ويحسب الف حساب خلي التعامل اقرب للرسميه مع علامات الحزن او كتمان الم ( مجروحة ) (والجرح كما ارى عميق وهذا ما التمسه بين اسطرك ) .... وكلي امرك لله زوجك يحبك ويبي يثبت وجودة ورجولته لنفسه * خلال هالشهر بيحاول يراضيك بكذا شكل اقبلي وخلينا نشوف بس لابد يكون الجرح مازال على محياك <~~ ان شاء الله تظبط * اعتقد بعد هالمدة و مشاهداتك لما يصدر من زوجك كفيلة ان تعطيك المساحة بهل يمكن ان تستمري معه او لاء وان قررتي الاستمرار فعليك ان تعرفي ان زوجك يحبك ولن يتنازل عنك بسهوله وستعودين الينا بمشكلة جديدة < ~~~ انتبهي تطلعين من البيت وتتهورين الحياة كلها مشاكل اذا مو مع زوجك مع غيرة (*_*) تقبلي تحياتي دراما الاسرة والمجتمع |
08-01-2014, 09:12 AM
|
المشاركة الأصلية كتبت بواسطة ناآاني
الحمدلله ان مشكلتج انتهت على خير !!
احلى شي سويتيه انج ماطلعتي مٍْْـٍْْ♡̷̴̬̩̃̊ـٍْْنٍْْ بيتج !! لان شراره المشكله جدا تافهه !! سلطة جرجير وصحن دونات !! وزوجه جماج نايمه بالعسل فبيتها ولاتدري عنكم !! تخيلي لاسمح الله لو تركتي بيتج وتطور الموضوع للطلاق!! والله راح تتحسفين قد شعر راسج لان شرارة المشكله شي تافه!! لازلت أقـِْ♡̷̴̬̩̃̊ـِْۈۋۈل زوجج طيب بس يبيلج شلون تتعاملين معاه!! بما انه عصبي ناااااار .... لاتراددينه ابد قولي ان شاءالله مع ابتسامه جذابه !! (( هذا مٍْْـٍْْ♡̷̴̬̩̃̊ـٍْْنٍْْ فنون ادارة الازمات))😊 يعني قبل لايوصل الموضوع للسب والتهديد تكونين انتي اغلقتي الباب في وجهه!! وبعد مايهدي ويحس بغلطه راح يجي يعتذرلج باي طريقه كانت!! زوجك عصبي وهذا قدرك وماراح يتغير !! انتي عليك بالتعايش السلمي مع حفظ الحقوق!! |
08-01-2014, 09:13 AM
|
المشاركة الأصلية كتبت بواسطة كنافة بالجبن
زوجه اخو زوجي كبيره بالعمر..
انا كبر بناتها.. لكنها متعلمه وموظفه واجتماعيه.. ام زوجي تموت فيها،. وزوجي يقدرها.. هي دايما تغايرني وتجاكرني لكن الكل يشوفها مره سنعه ماتطلع منها العيبه من يومين زوجي عزم اخوه عالعشاء.. وهي ارسلت مع زوجها صحن سلطه جرحير.. المهم انا طبخت لهم وحضرت لهم السفره.. وقلت لزوجي خلي الصحن عيب ارجعه فاضي.. اليوم كتبت لزوجي بالواتس اب اني عاجنه دونات ابي اعبي صحنهم وقلت له حبيبي اذا سمحت نزله لهم عالمغرب لان بيتهم قريب من عندنا.. قال لي طيب بس ليه دونات؟ قلت احلى شي.. دوناتي لذيذ قال كان سويتي لها سلطه!! قلت مايصير ارد لها نفس الصنف قال بس انتي ماعندك الا الحلا فشلتينا بس ترسلين لهم حلا !!!!! صدمني كلامه.. انتم تعرفون الدونات متععععب مو مثل السلطه وانا فعلا سبق وارسلت لهم كيك وبسبوسه وام علي وكب كيك ولقيمات وانا لحالي ماعندي شغاله مثلها وبنفس الوقت هم يحبون حلوياتي ويمدحونها قلت له حبيبي اهم شي التقدير والله لو ارسل لهم صحن تمر كثر خيري وانت تكفى لاتقارني فيها كل وحده لها شخصيتها واذا الدونات مو عاجبك الحين برمي العجينه قام عصب وثار علي لعن وسب وشتم واخر شي توعدني اذا رجع من دوامه رجع وهو معصب نااااار ويصرخ علي وانا احاول اهديه واطلب يأجل الكلام وترني صراخه وقهرني اكثر قال تدرين ليه ما ابيك ترسلين حلا عشان ماتقول فلانه ماتعرف تطبخ قلت له انا اذا طبخت احتسب الاجر ما ادور السمعه ولا مدح الناس بعدين رضاء الناس غايه لاتدرك واذا هي بتقول عني كذا الله يسامحها عصب اكثر وقال ترادديني بعد انتي ماتستحين انتي اسلوبك رجولي بكيت وقلت له خلاص حقك علي اسفه انا الغلطانه انا الملقوفه وهو استمر يصرخ علي لحد ما انفجرت بوجهه وقلت ماني ملزومه فيهم وصحنهم موجود بالمطبخ اذا تبي ترجعه صرخ علي بقوه وسبني بعدها وقال والله لا اوريك يا حيوانه والله لا ادمرك والله لاخليك تبوسين رجلي وكلام مهين جدا جدا وانا قلت اعلى مافي خيلك اركبه ماهميتني دفني بقوه وراح وتركني وانا اصيح ارجوكم لاتقولون الحق معه هالمره انا تعبانه جدا ومصدومه من تصرفه فعلا اذا اكرمت اللئم تمردا الحين ماسكها ذله علي لماسامحته على اهانات امه ماسكه ذله علي لما تغيرت وصرت ممتازه معه يهيني عشان زوجه اخوه اللي ماغلطت فيها وتوعدني انه بيقلب حياتي نكد ماني فاهمه ليه كل هذا صحيح رفعت صوتي عليه لكن بعد ماضغطني انفجرت من القهررر افكر اخذ ملابسي واترك له البيت هو شكله باااايع وانا متمسكه فيه وواضح مايستاهل ((تم التعديل ليتناسب مع المضمون)) |
08-01-2014, 09:16 AM
|
المشاركة الأصلية كتبت بواسطة SFY
الحقيقة غريب هذا السلوك من زوجك حصل معنا أقصد اهلي بان الجيران ارسلوا لنا طماط (بندورة)حيث انهم كانوا متقضين ذلك اليوم ويبدو كان هنالك زيادة فارسلوا لنا طبعاً انا لا اعلم بذلك قامت زوجتي وصنعت فطائر وارسلت لهم طبق من الفطائر وحينما عدت الى البيت قالت لي عن ذلك فقالت لها جزاك الله خير بالعكس بيض الله وجهك على فعلك
|
08-01-2014, 09:49 AM
08-01-2014, 10:13 AM
|
المشاركة الأصلية كتبت بواسطة Beta2
الحمد لله ... احس نفسيتك احسن اليوم
كويس انك كلمتيه ... تأكدي انه موقف امس اضاف لرصيدك الشي الكثير وحرقة اعصابك اللي صارت مو ببلاش ربي يسعدك ويوفقك دايما للتصرف الصحيح مثل امس ربنا بيحبك كنافة |
08-01-2014, 11:11 AM
انتي حاولي تتناقشين معاه وتعرفين شو السبب وحاولي تمنعيه من تهديداته بالطريقه الي تناسبه والله يوفقش ترى انا مااتفاعل كثييييير الا بمواضيعش
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
