بعطيها ليلتي وبعيش في بيتي وحريتي الخاصه ؟؟ماابغى وجوده
ابغى اعيش حرة فقط بلاقيود

اتمنى يغلق الموضووع .. نفسيتي تعبااانه

نفسيتك تعبانة عشان تصالح هو زوجتة!!!!!!

فيه شيء ابي اقوله لج ويا رب تستفيدين
ان شاء الله الحق قبل لا يغلق الموضوع

لا يا مرام ... هي ودها زوجته ترجع وتجلس لعيالها .. بعدين هم لسى ما تصالحوا..
بس خايفه زوجها يطلقها ..
هي مستعده تضحي بشبابها وحقوقها ولا تطلق ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

شوفي يا أروى
آنه تزوجت وعمري كان 19 سنة ، من شخص أعزب أكبر مني بكم سنة .. قليل مو وايد
شخص سيئ جداً
أشياء وايد ممكن تخطر على بالج ، وقتها كنت صغيرة أو يجوز وقتها عقلي صغير
الرجال عجبتني وسامته بس ، واهلي كانوا معارضين بس في النهاية اعطوني حرية الاختيار وتزوجت
وصارت مشاكل لا إله إلا الله .. بسبب سوء اخلاقه " بنات ووو إلخ "
وكنت جبانه جداً وخايفة اتخذ قرار الطلاق .. بعدي صغيرة ما ابي اتطلق
ما ابي ارد بيت اهلي ..
بس لحد ما خنقني يوماً ما وبغيت اموت في ايده .. ووجهي قلب الوان وما عدت اشوف الدنياااا
اغمى علي يا اروى ...
وخلعته .. وعشت ايام صعبة لأن نفسيتي زفت
رغم ان اهلي حواليني محد خلاني ولا احد قال والله هذا اختيارج تستاهلين
بالعكس .. محد تركني بروحي لا أهل ولا اصدقاء ولا جيران ولا حبايب وحتى ناس ما اعرفهم
بعد شهرين تعافيت تماماً من آثار الطلاق..... وتزوجت سيد سيده وباقي لي اسابيع قليلة واتمم السنة مع زوجي بحمد الله
واستفدت من طلاقي وصرت أفضل بوايد من زين اللي قبل
و رجعت تفوقت بدراستي بعد ما نزل معدلي في الأرض
ما نقص مني شيء الطلاق
صرت مطلقة ؟ وخير يا طير .. خل يقولون مطلقة لحد ما يشبعون
طلاقي اضاف لي ما انتقص مني بل انه زادني يا اروى
والفضل لله وحده

المستفاد يا عمري ما اقول لج تطلقي أبداً
بس ما فيه شيء يخوف
ولو قدر الله طلقج منتي خسرانة شيء
خايفة ما تتزوجين ؟
ترى الرزق بيد الله .. صحيح زوجي معدد بس تقدموا لي عزابية قبله و رفضتهم
وتقدم لي معدد قبله ومطلق و رفضتهم
اذا انتي خايفة من خيارات الزواج فيما بعد الطلاق


و تزوجت .. وبداية زواجي كنت خايفة من الطلاق
زوجي انسان رائع ... بس انسان فيه قصور وعيوب بس امور اقدر اتفاداها بالإرادة والدعاء
مع ذلك مع كل مشكلة يقول لي خلاص بنتطلق
لأني اشعرته بخوفي من الطلاق..
من جم يوم صارت بيني وبينه مشكلة توه بيقول " لمي اغراضج "
قال استغفر الله وسكت ... تدرين ليش ؟؟
قلت له في لحظات صفاء شوف يا ابو ... احبك اي ، واحترمك وادري رجال بأخلاقك ما بشوف ، بس ما اسمح لك تقول هالكلمة .. هذا بيتي وبيت عيالي مستقبللاً وما بتركه .. واذا في بالك صج تطلقني طلقني هذي المحاكم فاتحة ذراعها .. وباتمم عدتي في بيتي وآخر يوم في العدة بطلع .. اما اذا تقولها من باب التهديد فالأمر ما يقلقني غرفتي لازالت في بيت اهلي موجودة وشهادتي موجودة وبشتغل ....
لأنه حس بقوتي يا أروى

يا أروى الرجال او الانسان مهما كان زين .. من حيث لا يشعر اذا انقهر منج قد يستغل نقاط ضعفج وخوفج
حبيبي ثقي منتي خسرانة شيء
واستمتعي بأيامج معاه
وإذا انتهت .. فالله موجود اللي رزقج به يرزقج باللي احسن منه

اتمنى تستفيدين من قصتي

معليش فهمت غلط
لاتخافين لو كانت مصرة على طلاقك ما انتظرت سنه
بعدين ما أظن هو تارك لها مجال من هالناحية

تمعني برد زين

لا تخافين الا من اللي خلقك

اهم شي مانتي ظالمة احد 💜

__________________

اختلافي عنك لا يعني اختلافي معك

يا عمري الارزاق بيد الله..

وحتى فرضا فرضاااا كلامك صحيح طالبه طلاقك..عادي وعيشي حياتك الحياه حلوه
واللي تنويه لك من شر مرده عليها ان كان توقعك صحيح
ولولها كلمه عنده لهذي الدرجه ما كان تزوج اصلا ف اتركي وساوس الشيطان

تلاقينها سمعت نصيحه من وحده خايبه
ارمي عياله عنده واشرطي يطلقها ومدري ايش<<هذا في حالة توقعك صحيح

لكن طلبها مو شرط يتنفذ
وحده اعرفها عند اهلها ثلاث سنوات لكن للحق ما طلبت طلاق الثانيه طلبت طلاق نفسها
لكن ما طلق لا هذي ولا ذيك
وهذي هي 3 سنوات بعيالها عند اهلها وهو يرميلهم مصروفهم كل شهر
وعايش مع الثانيه وخلف منها ولد وحامل بالثاني
ف اقول يمكن سمعت نصيحه منا ولا منا
وبكره تعرف انها نصيحه فاشلها لا طالت بلح الشام ولا عنب اليمن

وخلي الكلام الخايب ولا تتنازلي عن ربع ليله مو بس ليله..


عيشي وانبسطي وخلي هم بكره لبكره

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

وش يرميلهم هذا نفقة عياله ملزوم فيها شرعا وقانونا يدفع لهم سواء
طلق او ماطلق
وليه معلقه المسكينه قد كيذا متولع فيها لو انو مبسوط ومستقر مع الثانيه طلق الاولى ولا فكر..


اروى...
اقري كلامي تمام بهالدنيا ماراح تأخذي الا نصيبك قوي ايمانك بالله
لو كنتي حريصه كل الحرص وذكيه وبمنتهى الذكاء وواخذه حقوقك كلها والاولى مالها دخل فيك وربي اراد طلاقك تتطلقي من غير سبب
رزقك بيد لله والله العالم هالدنيا شو مخبيه لنا خوذي بالأسباب وفوضي امرك لله وماراح تأخذي الا اللي ربي كاتبه لك..

__________________
(سيدة الموقف)
لم ننساك ونسأل الله ان تكوني أنتي وأولادك بخير