هلا حبيبتي في رجا الله
صبحك الله بالنور
أنا بخير دامكم بخير
صحيح كلامك يأم عبد المجيد في ناس تعتبر ان الحب شيء مفروض وواجب وعادي جدا
مايعرفون ايش قيمة الحب وايش تعني كلمة أحبك

__________________

نسيت أقولكم شيء صديقاتي وحبيباتي
اليوم بإذن الله بسافر مع أمي وزوجها إلي مكان يمكن يتمنى الجميع يروح له
خاصا نحن الحريم بالنسبة للتسوق والعطورات مدينة الأحلام (باغيس)
طبعا زوجي يدري والعدوة للسعودية مرتبة من هناك
صدقوني ماني فرحانة لأني عشت معه احلى الأيام بباريس في الصيف
كنا نطلع زي المجانين ضحك وسوالف وترقية
كل شئ وأي شيء نضحك عليه تصورنا بكل مكان وبروج ايفل من الشاهدين
كانت أيام فعلا حلوووة ليتها تعود
حبيبت استودعكم الله الذي لا تضيع ودائعه وأخبركم عن سفري يمكن أموت ولا نتقابل
سبحان دوم أعيش لحظات الموت وأنا مسافرة
وكلنا مودعين فيد ربي
بطمنكم عني إذا وصلت بإذن الله
في حفظ ربي
وسامحوني يا أصحاب القلوب الكبيرة
أحبكم

__________________

في حفظ البااااري عزيزتي
ربي يحفظج وين ما كنتي
وحاولي قدر الإمكان تستمتعين بالسفر
وتكون مريحة وتغيير للجو بنفس الوووقت
صح بتألمج الذكريات
لكن ما تدرين
إن شاء الله زوجج يفاجئج وييي معاج مرة ثانية
ويرجع كل الذكريات لا وأحلى منها بعد
و ربي يهدي بالج ويهدي زوجج

بنفقدج وااااااايد
بس الأهم طمنيني عن أحوالج على طووول
وبإذن الله تكوون ردتج لزوجج كلها خير يااااااارب
أسال الله إن يحفظج وين ما تروحين
ويجعل لج بكل خطوة سلام
ويبعد عنج كل سوء
ويرزقج بالذرية الصالحة قادر يا كريم
أحبج ياصابرة وواااااايد


تحملي برووووحج زين

ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

كيف وضعه المادي..مو ممكن يكون سبب بتكديره؟
أو تعبان او مريض أي سبب ثاني..

أما إذا كنتي متأكده انه ما يبيك ..
فليش تردين عليه وتكلمينه؟

صابره الانسان اذا زعل من احد يبتعد عنه ولا يكلمه لين يحس بغلطه
انتم تتهاوشوون تتصالحون نفس الشيء..
مو قلت لك لا تردين عليه لين يجي لك ويصالحك حتى لو أخذ الموضوع شهور..
لكن انتي تزعلين وترضين
وما زلتي بنفس الموال..

وما تفعليه ليس حب..ولا زواج...إنما نكد خالص >>>>> ولا تزعلين مني

إما ترضين وتسكتين ... حتى تتفربون لبعض
وإما ازعلي عند أهلك الآن ولا تردين عليه...لين يقنعك ويثبت لك انه شاريك..

أما انك تكلمينه يوميا..وفجاءة تحسين احساس انه ما يبيك
ما أدري كيف تبغينه يتصرف..
ردي علي رد واضح..وليس تنفيس

زوجك يقرأ ردودك .. انتبهي يا اختي وراعي مشاعره

انا مع رد الأخت روح الطير
لم أشعر بأنك تغيرتي عدتي إلى نقطة الصفر
توقفي عن إهانة نفسك ياغالية

اما زوجك فكلمة اناني قليلة فيه
حسبي الله ونعم الوكيل فكل رجال مثل زوجك إذا ربي عطاه النعم اللي هو فيها
فلحظة وحدة ربي يخسف فيه

هو أكيد يتابع الموضوع أقوله اتقي الله يازوج صابرة اتقي الله

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

السلام عليكم
وحشتوني كثير
أنا الحمد الله وصلت السعودية
وكل الأيام لي طافت كنت أفكر فيكم بس مأساعدني الوقت أدخل

__________________

هلااااااااااا صبوره والحمدالله على السلامه حبيبتي طمنينا شخبارج عساج بخير ان شاء الله

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

الحمد لله على سلامتك

الله يسلمك حبيبتي كويتية أنا بخير ياقلبي
روح الطير حبيبتي وحشتيني
بنت الحكمي
شيخة البنات وحشتوني كلكم
دلوعة مودي والله ياحبيبتي دعيت لك بسفري
مدري اشلون طريتي ع بالي ودعيت لك

__________________