المشاركة الأصلية كتبت بواسطة × الرسمي ×

مرحباً أختي

سأقول رأيي والله أعلم

1- أعتقد أخوك ليس بالبساطة أو السذاجة التي تتوقعيها .. فمن يستطيع الخطبة لنفسه والزواج بدون أن يحضر أهله معه وإستئجار شقة وتأثيثها بشكل كامل .. فليس بهذه البساطة

اهلا اخوي حياك الله.
اخوي مو ساذج بس تهور الله يصلحه ويهديه


2- قد يكون أخوك صادق في تصديقه لزوجته بأنه منعها من الحمل حتى يتدبر أموره .. فهذه الأمور تبنى على الثقة والإتفاق

انا متأكده من صدقه بس كمان مااضمن البنت ولا اشكك بأخلاقها فالله العالم بما في النفوس

3- ليس لكِ علاقة بزوجته ولا تتكلمي عليها بسوء أو ظن سيئ .. علاقتك فقط بأخوك حالياً

نعم صحيح ماتفضلت به ماعاد جبت سيرتها ابدا كلامي يخصه هوا بس

4- تكلمي مع أخوكِ وقولي له لقد أقحمتني في الأمر وهذه حياتك وأنا أتمنى لك الخير والسعادة سواء مع زوجتك هذه أو غيرها .. ولكن كما أنت تهمني فكذلك والداي يهموني ولن أرضى أن يكون والداي مغيبين عن الواقع وهم يتمنون لك كل الخير والسعادة ويبحثون لك عن زوجة ثم تصدمهم في فرحتهم بك وتسبب لهم مشكله .. لذلك سيكون قراري كالتالي .. أنك سوف تعطيه فرصة وتسكتي عن سره لمدة شهرين .. وفي هذه المدة عليه أن يتصرف ويخبر والديك بطريقته .. وإن لم يفعل .. فسوف تخبرين أخوانك حتى تجتمعوا كلكم الأخوان على رأي وتحاولون أن تقنعوا والديكم بالموافقة .. وقولي له أن تصرفك هذا في مصلحته لأنه إذا كسب موافقة أخوانه فربما يؤثرون على الوالدين

هذا ماحدث جزاك الله كل خير

5- ربما في خلال فرصة الشهرين تحدث أمور مع أخوك وزوجته وربما هو يطلقها من تلقاء نفسه أو بالإتفاق بينهما وبذلك تنتهي مشكلة أخوك في السر كما بدءت ... أما لو أستمرا في الزواج فقد قلتي له رأيك سابقاً

الله يعين وان شالله تنتهي ع خير يارب


أعانك الله

المشاركة الأصلية كتبت بواسطة نادم على اغلاطي

اختي انا عندي حل مجنون شوي بس اشوفه اكثر حل
1- بيحافظ على زواج اخوكي
2- مناسب لسمعه اخوكي
3- اقلهم تاثير على امك وابوكي
بس زي ماقلت مجنون شوي
بختصار اهل البنت عارفين ان الزواج بسر ... طيب طالما كذا ليش مايمثل انه لسى ماتزوج بنتهم وتخلي اخوكي يطلب خطبه البنت من اهلك مع اتفاق مع اهل البنت انهم يمثلو بان الولد لسى ماتزوج قلت لك حل مجنون بس فيه اشياء تظمن نجاحه
1-طبعا اهل البنت مارح يوافقو
بس فيه نقطتين بتضغط عليهم وبتخليهم يوافقو
الزواج بسر لو طلعت ريحته لامك وابوكي فيه احتمال كبير تتطلق البنت بطلب من ابوكي او امك + ان هالزواج فيه تشويه لسمعه البنت واهلها و اخوكي
طيب وش معنا هالكلام ..معناه ان اهل البنت بيوافقو على هالحل مع انه صعب
2-اهلك طبيعي بيعيو على خطبه البنت .. وهنا يجي دورك ودور اخوكي
واحد ... دور اخوكي
يتمثل بانه يقول انا ولله يا ابوي ويا امي ابيكم تخطبو لي بنت عاجبتني وهي كذا كذا كذا ..
اذا رفضو يقول انا ما اقدر اقتنع بأي بنت وانا ودي في هالبنت وهنا يكون دورك له اهميه كبيره في اقنهاعهم (بتطرق لدورك بعد شوي )
اذا رفضو يجي اخر حل يقول حبيت البنت وابيكم تخطبوها لي والصراحه مارح اقدر اتزوج اي بنت ثانيه وانا متعلق ببنت الناس (لاتقولي كيف يعترف بالحب تراه يطلب خطبه والحلال وخبر الحب اخف من خبر زواج السر ) وفي هالنقطه سوي نفسك مصدومه منه
اثنين ... دورك
يتمثل في تمثيلك ب ان البنت خويتك وتمدحيها قدام اهلك وتوقفي في صف اخوكي وتحاولي تقنعي اهلك بان زواج اخوكي ببنت مو مقتنع فيها بيكون فيه ظلم للبنت ولاخوكي و لزواج ككل لان فيه احتمال تكون نهايته الطلاق
بس هالحل بيصلح في حاله وحده بس (ان يكون في امكانيه 1% ان امك وابوكي يوافقو على خطبه اخوكي على البنت )
قولي لاخوكي هالحل وخليه يحاول يقنع اهل البنت قبل ما ينفذ اي خطوه اذا وافقو اهل البنت ثم وافقو اهلك على البنت فمبرووك على خطبه اخوكي
الحين بكتب خطوات الحل بترتيب وانتبهو ترى الحل لازم يتطبق بالترتيب ولا بيكون فيه شك من اهلك
1- يكلم اهل زوجته
اذا وافقو
2- يكلم اهلك وانتي تفزعي له
اذا وافقو اهلك وراحو خطبو
3- يبذل جهده هو وزوجته وهل البنت انهم يخلو امك تعجب بالبنت
اذا اعجبت ووافقت
4- يبدى يناقش اهلك عن الشقه ومصاريفها ويقول لهم انه مجمع حق الشقه وانه يبي منهم بس تكاليف الزواج
5- يحددو موعد الملكه وتكون قصيره قدر الامكان
6- قبل الزواج بثلاث اسابيع يناقش مع امه وش يجيب عفش للبيت بعد اسبوعين يصور المطبخ وغرفه النوم ويوريه امك على اساس ان هم بس الي خلصو وفي الاسبوع الاخير يصور لها البيت كله ويوريها مع الحذر من عدم ظهور اي شي يدل على ان البيت فيه ناس عايشين .. واذا اصرت تشوف الشقه
7- ينقل بعض اغراض الشقه مع هدوم البنت وكل شي تبعها لبيت البنت ثم يعطر الشقه و يقول لامك انه جهز الشقه بالكامل (ركزي هاذا في اخر اسبوع عشان مايكثرو اهلك زيارات لشقه )
8- مبروك زواج اخوكي انشالله يارب
والله يسعدهم
النهايه
سلبيات هالخطه انها تعتمد على شطاره اخوكي عشان ما تنكشفون
وحتى لو درو اصلا انتو ليش بتطبقو هالخطه .. عشان ماتظطرو تعلمو اهلك او تطلقو المسكينه

المشاركة الأصلية كتبت بواسطة خالد_عبدالله

عادي يا اختي خل يدري .. وهو بكل الاحوال من اخوك الكبير يكلمه راح يعرف انه عرف منك .. يعني بكل الاحوال بيدري بيدري ..
بس احسن تخبرين من الحين بداية العلاقه قبل لا يتعمق اكثر ويجيب منها عيال ..
واضح انه زواجه لعبه .. مطلقه وعندها ولدين وبالسر .. شي ما يدخل العقل .. اضيفي الى ذلك انه مقتدر شو اللي حاده ع المطلقه .. بديهيا

المشاركة الأصلية كتبت بواسطة ضيعتني آلعاطفة

أعتقد والله أعلم هذا اللي أجبر أخوك يتزوج بهالطريقة "أهلك ومجتمعك"
وأعتقد إنك تبغين سعادة أخوك ، إذا لاقي سعادته معها خلوهم بحالهم
لاتضغطون عليه يطلق
وأيش يعني بمجتمعك الأعزب ماياخذ مطلقة!!!
بكامل إرادته وافق ورأي مجتمعك مع إحترامي مو مهم

وإذا على أمك وأبوك بالأول أكيد بتحزّ بنفسهم لكن ماراح يبدون الناس وكلام الناس على سعادة أخوك وراحته

لاتسوين شي من وراه وخليك قد الثقة اللي أعطاك ولاتخربين عليه خليه بطريقته يوصل لأهلك يعرفون منه هو شخصياً أهون من إنهم يعرفون من شخص ثاني

أخوك رجال ودخل بيت الناس وخطب من غير سابق معرفة بالبنت معناته يبي شي ماحصّله بكل البنات اللي خطبتوا له

ويمكن حب يختار بنفسه وهالشي صعب بمجتمعكم اللي يمكن يفرض شروط معينة

إذا هو سعيد وزوجته طيبة وبنت ناس لاتخربون حياتهم أما ليش قبلت هي وأهلها بهالزواج كل ناس ولهم أسبابهم غلط وعيب إننا نتهمهم ونظن فيهم السوء

المشاركة الأصلية كتبت بواسطة ياسر !!

هل تأخرتو على اخوكم في تزوجيه؟؟ يعني طولتو وانتم تدورون على البنت المناسبة وهو يبي يتزوج؟؟
لأنو كثيير عوائل يطولون على عيالهم بحجة انهم مالقو البنت المناسبة.

المشاركة الأصلية كتبت بواسطة *المنسية *

السلام عليكم ورحمة الله وبركاته..

عزيزتي دعيك من الحديث عن زوجة أخيك، لا تتسرعي بحكم ظالم عليها فأنت لا تعرفيها، علاقتك باأخوك فقط!!

مطلقة و ووو ليس لك علاقة بذلك فلا تضغطوا عليه وتظلموا انتبهوا من ذلك إلا الظلم..

المشاركة الأصلية كتبت بواسطة الأستاذ فهلوي

هذا انتم يا الاخوات

أول زواج تبون تدبسونه و الزواج الثاني تطنشونة

هو اختصرها وطنشكم بالاول

الله يسعده و يبارك له

انا لو يرجع الوقت اسوي مثله : )

المشاركة الأصلية كتبت بواسطة عمار ياكويت

الله يهديك خلي اخوك بحاله رجل كبير وعاقل وتزوج وماعمل منكر ولازنى الحمدلله زواجه صحيح سواء يريد ان يستمر معها او لا الامر بيديه ، وانتِ كأنك مادريتي بالموضوع ومع الايام راح تكون الرؤيا واضحه بالنسبه له اما امساك بمعروف او تسريح بإحسان

المشاركة الأصلية كتبت بواسطة OMnonaa

وهو عنده استعداد يطلق بحال امي قالت له طلق وانا متأكده ميه بالميه ان اهلي راح يخلونه يطلقها ويزوجونه بسرعه
طيب ليه هذا الطريق كلو
خلاص يختصر هذا الشي ويطلق من الان بأقل الخساير النفسيه والمعنويه
البنت انا عيبي فيها ان تزوجته بالسر مهما كانت ظروفها زواج بهالطريقه احتمالية استمراره ضئيله جدا..
..

المشاركة الأصلية كتبت بواسطة ضيعتني آلعاطفة

لاحول ولاقوة الا بالله
يابنت الحلال لاتستبقين الأحداث لاتقولين أعرف أمي وأبوي
إن جاء وقت الجد ماتدرين عن ردة فعلهم
وأخوك مبين ظروفة المادية ماتسمح يتزوج زواج كامل وبنفس الوقت يبي يعف نفسه وبسرعة
واللي أخذها مطلقة وأم يمكن ماشرطت عليه شي متنازلة عن المبيت ويمكن عن المصروف
البنت لها ظروفها ولا تقولين المفروض ماتقبل ماتضمنين تكونين بمكانها يوم
ولاتحرضينه على طلاقها و إمنعي أهلك إن طلبوا هالشي
البنت ماتعرفونها إذا خبّر أهلك تعرفوا عليها وموب لازم جماعتكم يدرون إن طلعت طيبة وأخلاق خلاص خلوهم بحالهم وخلوا الوضع يستمر زي ماهو
إذا البنت لاقدر الله طلعت سمعتها سيئة أو عرفتوا عنها شي يضر أخوكم وقتها لكل حادث حديث
أخوك "رجال" ويتحمّل نتايج قراراته
خلوه يتحمل مسؤولية نفسه وحياته لمتى كل شي تسوونه نيابة عنه!
تعطونه مصروف وتسددون أقساط سيارته ومعطينة شقة وتقولون باقي صغير وهو أبو 25 !!