الله قال ولهن مثل الذي عليهن يالمعروف
والقوامه معناها الرعايه والرحمه مو التسلط والتعنت
وفي الحديث ماأكرمهن الا كريم ولااهانهن الا لئيم
ورفضك تروح تزور اخوها وتكتفي بالمكالمه هذي قمة الاهانه لها بمشاعرها ونفسيتها اتق الله فالمؤمن هين لين وتصرفك بان تحجرها بالبيت اسبوع كامل ولاتزور حتى اهلها قمة القسوه

أسأل الله ان يبارك في اخلاقكم النبيلة

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يهديك بس
المشكله تقول انها لو استأذنت ماترفض وانت رفضت لما استأذنت!!
صحيح ان الواجب الاذن بالخروج هذا مانختلف فيه
ولكن اخوي فيه شي اسمه ظرف طارىء
يعني مثلا البيت انحرق نقول للزوجه اجلسي ببيتك حتى يأذن الزوج !! طبعا لا
ونفس الشي لما اخوها تعرض لحادث طبيعي انها تروح له وتطمن على اخوها ورفضك غريب بصراحه اذا مثل هالظرف ترفض معناته انك رافض لمجرد الرفض مو لمصلحه معينه او لحاجه
اخوي الله يهديك انت المفروض بمثل هالموقف تكون متواصل معها اول باول وتطمن على نسيبك وتحسسها ان اللي صار له الحادث اخوك
وبعدين حتى رفضك من البدايه غلط لما قالت انها تبي تروح لـ اهلها طالما انك مسافر وش الحكمه بجلستها في البيت وانت مانت موجود؟

ما شاء الله تبارك الله
هكذا هي المعاشرة بالمعروف ..
و هكذا هو الاحسان ...فالتفاهم بين الزوجين امر جمييييل جدا ، وهو بان يحترم كل واحد منهما الاخر و يعرف كل طرف حدوده ! و تبقى مشاعر الزوجية المختلطة بنكهة الصداقة و الوئام ، سر نجاح العلاقة !
بهذه الطريقة تحلو الحياة اخي صاحب الموضوع !
و الا فتصرفك خاطيء بلا شك !
فلو شكوت عدم اذنها في موقف عادي ، لاشرت اليها عتابا و انصفتك !
لكنك - و المعذرة - حقا تبالغ !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

فيه الكثير فشل زواجهم بسبب ( انا الرجل وانا القوامة لي .. ويصير متشدد في كل شي..) صحيح القوامة لك.. لكن لازم التسليك والتغاضي احيانا..
لا تجلس تحوس ام الدنيا عشانها ما استأذنتك منك..

ممكن لك حق تزعل منها.. اوكي.. لكن توصل الى الطلاق ؟ ! !!!

وفيكم بارك الرحمن

الله يكون بعونها داخلة سجن ! مو حياة ذي
أجل عفتها وتحسها خانتك !

كلنا لازم نستاذن لما نبغى نطلع لكن الأهل غير ... المفروض تخجل على حالك تمنعها من زيارة اهلها ... مو تجي تتشكى وتفكر بالطلاق وكنها...

احكام الاستئذان من الزوج تختلف اذا الزوج كان حاضر او مسافر
انت مسافر وهي تحت رعاية اخوها ،،، اخوها اكيد بيسافر عشان اخوه اللي سوا حادث ،، طيب وهي تجلس لوحدها مع رضيع ثلاث شهور في مدينه لا اهلك ولا اهلها فيها ؟؟ ماذا اذا طب عليهم لص او حرامي واعتدى عليهم ؟ ايش بتنفع تعصبك كسرت كلمتي والا جبرت كلمتي ؟ لو تعب الصغير بما انه موسم امراض ؟ تتنتظر حضرتك ترجع من السفر ؟ واضح انك لن تسمح لها بالركوب مع تاكسي ؟ طاحت واغمى عليها وطفل رضيع كيف بتدرون عن حالتها ؟ ارى انه من الخطر جدااااا بقائها لوحدها مع رضيع ،، خطر كخطر حصول الحريق او شيء مما تراه انه شرعا يستدعي خروجها بدون اذنك ،،

مواضيعك السابقة تدل انه ما بينكم حب ولا توافق ولا حسن عشرة ،، قول انا ما احبها ومو مرتاح معها وباطلق ولا تلصق كل شيء بالدين حتى ترى ان ما تقوم به كانه واجب شرعي

نعم الزوجة يجب ان تستاذن لكن لا يجب على الزوج ان يطلق زوجته اذا خرجت من غير علمه ولا قال الاسلام يجب ان تطلق ايها الزوج اذا ما اعتذرت على خطأها ،، الاسلام اعطى خطط واضحة ( العظة ، الهجر ، الضرب )
ماذا عملت من هذا ؟؟

بالاضافة اتق الله في قولك انك تشعر كانها خائنة لانها طلعت بدون اذنك ،،، قد تدخل ضمن قذف المحصنات المؤمنات ،، لا تحمل الموضوع اكبر مما يجب ،، هي طلعت بدون اذنك وانت مسافر مع اخوها اللي بيسافر وهي تحت رعايته كونك مو موجود ورجعت قبل وصولك من السفر ،، يعني ما فيه شيء نقص عليك ابدااا بخروجها ،،،
ياليت تقرا ايش الهدف ان الاسلام طلب من الزوجة الاستئذان في الخروج من المنزل والصيام النافلة ؟ لاجل الاعفاف ،، يعني تلاقيها متى ما تبغاها لامر الاعفاف ،، مو لانك اعقل منها والا اعلى درجة عند الله والا لانك رجل ،، هذه المقاصد كلها متحققة لك كونها رجعت قبل وصولك من سفر

لا فض فوم اختي واعتقد والله اعلم بينهما مشاكل لذلك المعامله هكذا ولو كانت مبنيه على الود والرحمه عمرو ما كان يتصرف هيك