هههههههه

الله كريم

الموقف الله يسلمك
برمضان الماضي
لك ان تتخيل صيام وبيت ثلاث ادوار وشغل مطبخ ورافض الشغاله 😔
قمت اتحلطم العصر ع شغل ماحب المواعين تجتمع بالمغسله اقصد غسل المواعين والا الطبخ مهنتي احبه
قال وش يبي تغسيل المواعين اسهل شي ولا يبي شي خليهن علي
قلت اوك < وبقلبي قلت اعرفك عجاااااز بس بجرب اللهم اني صائمه الرجال غافل
اذن افطرنا جاء بعد الصلاة قلت يالله ع المطبخ تنتظرك المواعين
قال اصبري برتاح بعد الفطور شوي قلت يالله قال بروح لصلاة الترويح ( طبعا انا مغسلتهن مانتظرته بس بشوف النهايه معه بغسل او لا )
رحنا نصلي بينزلني بالبيت قلت وين يابابا المواعين تحتريك
قال بخلص كم شغله واجي للبيت
رجع يمكن ساعه واحده طبعا زوجي يحب يجلس بالملحق مايمر ع المطبخ
قلت يلااا قال جوعان خل نتسحر قبل قلت اوك
تسحر الرجال يالله مواعين تراهن ع قلبي
قال انتي وش احرق رزك خلاص مالك الا من يغسلهن
قلت متي يعني قال عادي لو باكر بتصيح مواعين مثلا
والا تدرين خليهن لباكر وغسليهن مع مواعين بكرا 😳😳😳
قلت نعم تجلس مواعين لبكرا
قال عادي قلت مستحيل قدامي بس ع المطبخ
قال والله ماقوم استحي تبيني اغسل مواعين لايسمعك احد
قلت وليش تواعدني قال ماتوقعتك بصدقيني
قلت والحل مافيني حيل الحين من العصر اجمعهن لك
قال عادي اذا قمتي من النوم بكرا غسليهن 😊

__________________
سبحان الله وبحمده

ما شالله

شو هالحركااااات الحلوه


شكل السفره رااائع تبارك الله

عجبتني حركتك لتحفيز زوجتك ع الطبخ *_^

الله يخليلكم الوالده ويهنيكم ويسعدكم يااارب

والله يرزقني بزوج متفهم ودبلوماسي متلك هههههههههه


تحياتي

مشالله تبارك الرحمنعليكم بالعافيه
ترا دايما راعي المقناص وطلعات البر
يحب الطبخ ويتفنن فيه
انا زوجي جذي عزبته كامله معاه
وفوقهم جدر الضغط
على فكره يبيلك جدر ضغط عشان تنتقل لمرحله
اصعب وهي لحم الحاشي!!
بنص ساعه يستوي ويطلع لك مل لحم الخروف!!


يعطيك العافيه وتتهنى يارب

__________________
اللهم احفظ لي زوجي وسخره لي واحفظ لي اولادي

ماشاءالله تبارك الله. الله يصلح لك النيه والذريه.
الله يرزقني بزوج يطبخ ويغسل ويكوي ، ونتعاون نقسم الشغل بيننا مو يقولون الحياه تعاون!
والله من يخدم أهل بيته هو الكسبان أهم شيء الواحد يستحضر النيه.
عجبتني طريقة طبخك نفس طبخنا بس بالمناسبات رمضان لا مانطبخ وأيام عاديه أبيض. ٌ(الوالدة تحافظ علينا تسوي لنا دايت تخاف .والمشكله أخواني نحاف !
شفت القيمات تحمست بسويها إن شاءالله من وراها.
تسلم أيدك والله يكثر من أمثالك الطيبين إلي يعرفون كيف يتعاملون مع زوجاتهم مو مثل الشيف إلي ماتعرف إلا تآكل.
عقبال ماتبشرنا بالولد الصالح.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

رمضان كريم اخي المتفائل بالله

طلعت ماشالله طباخ بصراحه شكل الاكل بيشهي الله يجازيك الخير

بس نصيحه لاتعمل كل مرة انت الاكل بلاش توقع عليك مسؤوليه الطبخ ^_^
من وجهه نظري بيرتكن عليك بوقت الزنقات صح ولا انا غلطانه

زوجي على فكرة لو بدي اعطيه مجال يقلي بيضه بالمطبخ راح يستعكل اواني وطناجر مالها داعي
فانا بختصر هالمشاوير كلها احسن ومستعد اتقبل اي نوع مفاجاة الا انه زوجي يطبخ

لاجل حال المطبخ .. بيصير كانه معركه

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

ههههههههههههههههههه متتت ضحك على كلامك الله يسعدك على دا الصباح ضحكتني الله يخليكم لبعض

هههههههههههههههههههههههههههههههههههههههههههههههههه ههههههههههههههههههههه يلعن ام الورطه
بعد دا كلوو ما غسلها وتكومت على قلبك ههههههههههه

لااااااا وانا غبيه
خبزه وعجنه زوجي وعرف عجزه ماجمعتهن مغسلتهن المغرب
بس اعطيه جوووه بشوف اخرتها معه يمكن جينات عنده تحركة تحب الشغل 😜

__________________
سبحان الله وبحمده

ريفان
اضحك الله سنج مثل ماضحكتيني ، بقولج شي وحطية ابالج عدل!! الرجال ممكن يطبخ لزوجتة وعيالة
بس من سابع المستحيلات أنه يغسل المواعين!! بس أعتقد انها مرواغة عشان تنسين موضوع الشغالة!!

عبق الزهور
جزاج ربي ألف خير يااارب على هالدعوة الجميلة
وعسى ربي يرزقج باللي احسن مني ونشوفج عروسة وسعيدة.

ناني
الله يعافيج يارب ، وعسى ربي يهديلج زوجج ويجعلة لج قرة عين
اما الحاشي ماحب لحمة ، وانا وياه على خصومة
وجدر المضغوط موجود جبتة من السعودية بحدا روحاتي.

هل ترانا نلتقي
جزاج الله خير على روحج الطيبة
بس زوج يطبخ ويغسل ويكوي وبمجتمعنا الشرقي اعتقد ان يبيلها معجزة عشان تتحقق
صحيح ان التعاون جداً جميل بين الزوجين ، بس وين اللي يفهم ثقافة التعاون !!
اما سياسة امج الله يارب يحفظها لج ويطول بعمرها والله اشوف انها سياسة جميلة وذكية "ماشاءالله عليها"

لاتنسين تصورين لنا القيماتج نبي نشوفها ، تراني اموت ع شي اسمة القيمات ، مدمنهن!!

مس سندريلا
ضحكت لما تكلمتي عن زوجك وهو داخل المطبخ ، تخيلت الوضع لقيتة مضحك
ولاتخافين علي!! كل اللي سويتة من باب تشجيع زوجتي على الطبخ ، ومن باب التسلية والتمتع ببعض الاجواء الجميلة. ممتن لوجودك

نوني
عسى الضحك دوم يارب ، الله يسعدك.

__________________
استغفر الله واتوب إليه