23-09-2007, 11:31 AM
|
المشاركة الأصلية كتبت بواسطة خواطر امراة
كيف تتعاملين مع العالم ياختي ام وليد
والله شوفي يا حبيبتي... اما لو بفكر كيف العالم بيتعامل معاي وكيف اتعامل معه ما كنت ريحت نفسي للحين!!!! عارفه خواطر كان اول الزواج يهدد بالطلاق وسبق جا وحاول يطردني من البيت كذا مره بس كنت اتنح ولا اطلع كنت افكر في الناس وشماتتهم خصوصا ان فيه ناس يستنى بس يسمع خبر طلاقي علشان يحس بالنصر ناس سبحان الله ما تعيش ولا تنبسط الا على جروح غيرها فيه وحده والله ياخواطر كنت توني في اول شهرين من زواجي وحضرت كذا حفلة زواج عروس صغيره وفرحانه وباقي نظرتي متفائله للحياه جت عندي عجوز الغم تدرين وش قالت؟ تقول كيف حالك؟ هاه يا مشكلتي اصدق...مافيه مشاكل؟ الناس تقول كيف الحال ان شاء الله مرتاحه وفرحانه ومبسوطه اذا خايفه من شي علميني اذا مو فاهمه شي اسأليني فيه حمل او لا هي اعوذ بالله منها لا تسألني هاه بدت المشاكل والا لا؟ سبحان من خلق عقليات بعض الناس كثير ناس من جماعتنا اذا مو كلهم يقولون والله محد تزوج زواجة مشكلتي اصدق والله محد قدها والله والله لكن هل بحب يتكلمون؟ لا بحسد وحقد وكأني اخذت هذا الرجل عليهم مع انه اجنبي مو من جماعتنا يعني على ايش حاسديني ما ادري؟ يعني لو طيار لو مشهور لو إمام حرم لو وزير كان ممكن اقول فيه شي بس رجل عادي جدا ومافيه كلام طالع عنه لا شين ولا زين بس سبحان الله حسد طبعا كرهت هالناس كللللهم والله شاطبه عليهم كنت قبل لا اسمع هالكلام كنت اروح اسلم عليهم ومن بعده والله ثم والله ماعاد اتحرك هم يجون حريم كبار وربي نص شعر الوحده شيب يجون ويسلمون علي وعلى امي وخواتي لاحظنا ان جرعة الحسد مضاعفه علينا احنا من النوع الكتوووووووووووووووووووم جدا يفكرونا مدكنيييييين على شي وشويات لكن احنا سياستنا اذا الله رزقنا او اصابنا علينا بالكتماااان كنت انهبل اذا صارت مشكله كنت اقول لا مستحيل احد يتكلم علي مستحيل اعطيهم فرصه اللهم اني اعوذ بك من شماتة الاعداء وخواتي؟ لا مستحيل اروح لهم مطلقه باقي في البيت خمس بنات مو متزوجات مستحيل اخرب عليهم تعرفين نظرة مجتمعنا القاصره فلانه تطلقت اكيد فيها شي لا تقربونها لاهي ولا خواتها صبرت الين مل الصبر مني فكرت وحطيت عقلي في راسي اذا على الناس بحيااااااااااااااااااااااتهم مابيسكتون لا في الخير ولا في الشر وحتجي قصه بعدي وتشغلهم عني حال الدنيا ما تدوم لأحد صح ياخواطر؟ لذلك انا طلعت ومستعده لأي تعليق ويعلم الله اني مو مسامحه اي احد يتكلم علي بما لا يعلم واتقابل معهم يوم القيامه واقتص منهم ماني محلله حد واذا على خواتي اللي خلقهم ما ينساهم واللي بيتركهم من قبل لا يتقدم لهم لأني مطلقه اجل لا يتقدم من الاساس ونكون ارتحنا من ناس نظرتهم محدوده ولا اكون تطلقت ويكرهون خواتي بعد ما يكونون ارتبطوا فيهم شوفي ياخواطر مافيه امر كله خير ومافيه امر كله شر ربك اذا قدر لطف وماخذه الامر بشكل ايجابي جدا لدرجة ان اللي حولي يفكروني اكابر واخبي لكن فعلا ماتعرفين حقيقة الناس الا في المصايب وناس بينت لي معادنهم الحقيقيه ...الحمد لله بينوا الحين ولا اقعد مخدوعه فيهم طول العمر كيف نفسيتك تعافيتي من جراحك او لا تصدقين اول ما قال الدكتور في العياده زوجك مريض ولازم تتطلقين امي طالعتني قالت بصوت مرتفع وصوت ناس حاسس انه في مصيبه(قولي حسبي الله قولي حسبي الله اللهم اجرني في مصيبتي واخلفني بخير منها) انا قلت اي مصيبه؟ قالت يابنت حرام عليك لا تتكبرين قلت ما اتكبر بس انا مو في مصيبه انا تأكدت اني صح وانا ماجيت الا كارهه الادمي ماعاد ابيه والدكتور ريح قلبي ان اللي احسه في مكانه بل المفروض ما ارجع مو مكابره بس المرأه لايراها الرجل الا ( خلقت من ضلع اعوج) حمر عينك فيها علشان لا تركب على ظهرك اكسر خشمها بالحريم اقهرها لا تقهرك تغدى بها قبل لا تتعشى بك ومن هالغباوات المعروفه ما يدرون انها لما تعاف تعاف مثل الرجل ولما تكره تكره مثل الرجل وان الرجل يجي يوم ويمكن تخلعه وتتزوج غيره وتكسر خشمه ورجولته وكبريائه وكل مافيه برجل اخر انا كنت مجروحه وانا معاه انا تعافيت لما طلعت وخليته لما حطيته ورى ظهري وعرفت انه ما يناسب وانه مش الرجل اللي ابغاه...ارتحت مافيه رجل يسوي اللي سواه ...ويكون رجل صراحه يحترم الغريبه اكثر مني ماشاء الله انا زوجته ام ولده ...وقذفني وشتمني وهزأني وضربني وشرشحني وكذب علي وشوه سمعتي اش بقى للغريب؟ خلاص اطلع انا تعافييييييييييييت من لما تركته..ماعلي منه ولا من الناس تشتغلي او لا لا ما اشتغل ولكن افكر..انا من النوع البيتوتي جدا احب اتفنن في البيت لكن بما ان بيت اهلي فيه شغاله وقايمه بأغلب الاشياء لازم اشغل نفسي بشي ...منها دورات ووظايف يجيب الله خير وكيف تشغلين نفسك عن التفكير بحياتك السابقة معه افتكر سلبياته كلها وتختفي الايجابيات له ايجابيات ما انكر ولكنها قلييييييييييييله جدا جدا جدا وكرهني فيها ..يعني من ايجابياته انه راعي طلعات وتماشي ويحب تغيير الجو في المطاعم والاكل من برا جت مرات نقعد بالاسبوع ما ينطبخ شي في البيت كله من برا لدرجة لاعت كبدي انا ووليد قلت له خلاص اشتقت للمطبخ ماعاد ابي البس العبايه كرهتها من كثر ماني لابستها خلنا بالبيت يقول لا خلينا نغير جو تدرين وش راح قال لخواته قال اذا جلسنا تقلب خلقتها فيني واعرف انها تقعد طفشانه وزعلانه قلت خلاص اطلعها انا ارجع البيت ما القى اكل جاهز وهو قسما بالله يجي ويلقى يقول اتركيه والا حطيه في الثلاجه وخلينا نطلع نغير جو واذا جا مالقي يكون جا في غير الوقت المعتاد... طبعا لما اعلم خواته انه كذاب ما يصدقون المشكله لما اتكلم عنه واكذبه قدامهم ما يتكلم لكن كمان ما يعترف ومع ذلك خواته بصفه مو بصفي هو عامل زي الطفل يعمل العمله ويلزقها بغيره انشغل عن التفكير فيه لما اشوف قد ايش انا مرتاحه الحين.. لما افكر كيف كان شكلي يخرع من الهم والحزن الحين اللي يشوفني وكثيرين والله يقولون نعطيك 24 اقصى تقدير لما كنت معاه كنت ابين في الثلاثينات كان شكلي تعبااااااااااااااان مع اني توني في اوخر ال28 انسى العيشه معاه لما اعرف ان الرسوووووووووول عليه الصلاة والسلام تزوج من مطلقه وانه ايضا طلق الطلاق لاهو عيب ولا حرام واذا عليه هو كزوج مسيري انساه الانسان اسمه مشتق من النسيااااان هذي نعمه انا بأستغلها بالطول والعرض واللي بعيد عن العين ....بعيد عن القلب ابنك كيف وضعه حس بفرق او مي بفارقة عنده يمكن ماتصدقين لو اقول لك مرتاح والله ماقد قال يالله نروح نرجع لبابا حتى لما عرف انه بيدرس هنا في غير منطقة ابوه استااااااااانس بل ان وحده من خواتي سألته وين احسن هنا في بيتنا والا هناك عند ابوك قال لا هنا هناك اذا راحت ماما وبابا بس يقعدون زعلانين هنا لا يضحكون الشكوى على الله...صايره عنده ذكريات سيئه للغايه |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
