حبيبتي روح
انتي قويه لانك امراه عاقله ارجعي وراسك مرفوع و صدقيني باذن الله بينفرج همك وم بكره بتطلعي ببيت وتستقلي ويكبرو عيالك وتترقي بعملك ويعزونك ويرزونك ويغنوكي عنه واهله ان شاءالله اصبري وجاري وسددي وقاربي وخليكي متفائله |
روح أنت شايلة على أبو زوجك مره
ترا يمكن زوجك قايل له كلام عنك أو شاكيك بنقطة حساسة بالنسبه له اتخذي له 70 عذر وصفي قلبك من ناحيته |
روح يمكن هو طريقته في الإعتذار إنه يهدي بكرم وسخاء !
شخصيته الناقصه ماتسمحله يعتذر ويتأسف لذلك يبحث عن طرق ثانيه وهذا شي حلو ياشيخه افرحي بالهديه غصب يكفي انها هديه وغاليه وإلبسيها وخلي كل العالم تشوفها عليك وخليه يشوفها عليك وقوليله مشكور يابوفلان تعيش وتجيبلي ( بس بدون مشاكل يارب ) * زوجك صعب يختي طنشيه خلاص لاتناقشينه في اي شي ولاتفتحين اي باب حوار ممكن يسبب مشاكل كرسي أهدافك لعيالك وبس وموضوع السكن حاولي بالحيله شوي شوي معه ولو اني مابي احطمك بس احس نوعيته صعب جداً يقبل قرار الإنفصال عن أهله خصوصا ان شخصياتهم مثله !؟ وبقولك شي تحسبين اهله مايعرفونه ؟ ومايعرفونك ؟ صدقيني عارفين ولدهم عدل وعارفينك عدل انا صار عندي قناعه ان فيه امور كثيره في الدنيا احتسبي فيها الاجر واعتبريها ابتلاء ومو شرط كل أمر بنسعى لإصلاحه بيتصلح !؟ فيه مشاكل في الحياة يا إستخدمي فيها القوه المطلقه يا الضعف المطلق !! 1- القوه المطلقه بمعنى انك تبيعين كل شي وتشترين مصلحتك تتركينه وتسكنين في بيت مستقل وتواجهين كل الظروف بقوه و و و وانتِ سبق ذكرتي مايناسبك هالحل لأنك تراعين ناس كثير في قراراتك اذاً مافيه الا 2- الضعف المطلق خلاص هدفك مو ذاتك هدفك ابنائك واخوانك لذلك تحملي هالزوج بكل رضا وقناعه وتطنيش وصبر قلبي معك والله والله يسعدك ويسخره لك من حيث لم تحتسبي |
روح انتي من يوم كلمتيه وانتي عند اهلك كنتي تعرفي في قرارة نفسك ان راح يرجعك وترجعي لنفس النقطة ولنفس المشكلة
مافي حل الا انك ترجعي بيت اهله وبعدها بكثرة الزن على راسه تقنعيه ان يطلعك.. واهله لا تتودي لهم ولا شي يكفي انك تنازلتي ورجعتي له اطلبي منه هو يعدل العلاقة اللي خربها بينك وبينهم ... واذا اتحسي ان هالوقت يطلب فيه رضاك اطلبي منه تسافروا اتغيروا جو عشان يعرفوا اهله ان هو ايضا شاريك ويبيك .. وبعد احس ان هو بس اللي جالس ويملي عليك طلباته انتي بعد اطلبي وحطي له شروط .. الله يعينك .. |
انا محد فاقع مرارتي غير زوجك
يقول انك ترجيتيه يرجعك ؟؟ طيب هو ما يشوفوا حركات السناب اللي يحطها !!!! المشكلة الاساسية هي زوجك الاحترام اذا ما كان بين الزوجين الامور اصعب واصعب ماعندك حل الا العودة انا احس تفكيرك مشلول ما قادرة تفكري بأي حل آخر وكل الحلول الاخرى مش مجدية في هالوقت عليك بكثرة الدعاء وقيام الليل والله الهدايا ما تنفع لو ما كان في تقدير ما نقول الا حسبنا الله ونعم الوكيل |
صحيح بياض الديم مشكلتي زوجي وليس الناس وماكو حل الا العوده ، والله يعيني كيف راح اواجه المقربين لي اقصد اخواني وخواتي برجعه
والله ادعي ودموعي تنزل كل ليله (شعور بالموت) هو العوده لمنزل والده بالنسبه لي لكن قررت اني اسحق نفسي في سبيل نجاح هذا الزواج وأسأل الله ان يفرجها من عنده لاني سلمت امري له |
قلت لك قبل مالك حل الا انك تاخذيلك سكن تمليك لو راتبك يسمح
حرام تروح رواتبك وانتي ما امنتي نفسك زوجك ماله امان واخوانك بكرة يكبرون اولادهم ويضيق عليهم بيوتهم مايقدرون يستقبلونك و انا مو مع استنى اولادي لحد مايكبرون ويعوضوني ماتعرفين وش ف المستقبل واذا استقرت حياتهم بتسكنين مع زوجاتهم فكري زيين الله يرضى عليك لولا ردك ذا مارجعت عدت كلامي زعلت عليك |
قبل يوم الخميس ذهبت وتسوقت لرجعتي للمنزل وشعور فضيع لايوصف يسكن في نفسي اصبر نفسي ان عيالي يستاهلون الاستقرار والتضحيه وانها فتره وتعدي
حديث ايجابي عميق مع النفس المهم ليلة امس طلب زوجي اننا نطلع لفندق وفعلا رحنا لفندق رائع مطل على البحر اختار فندق انا احبه لانه يعلم اني اعشق الجاكوزي ولقيته جايب معاه مشتريات من ( لش ) رغوات حمام وصوابين جايب كل نوع انا افضله من هذا المحل المفضل لي. مابي ادخل بالتفاصيل المهم انها كانت ليلة جميله واستبشرت ببدايه جميله المؤلم انه بعد ماقضينا ليله بالفندق قال ماراح نروح الشقه ! لاني كسرت حمام الاطفال وابي اصلحه قبل لا يرجعون 😳😳 انا فوقي رأسي علامات استفهام لان الشقه جديده لم نسكنها سوى ست اشهر مع الحوار الهادئ متى راح يخلص ؟ ومتى صار هالشي ؟ تنرفز وقال سكري الموضوع ليما انا اقولج ارجعي تأكدت ان الموضوع مو تصليح حمام أخمن وهو مجرد تخمين ان في مشكله صايره مع اهله لكن مو قادره احددها هل قالوا له مانبيها ترد ؟؟! هل قالوا له خلها في بيت اهلها تتعلم درس ؟! الله اعلم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|