فعلاً

جزاك الله خير

ما شاء الله

وين أنا ووين أنت

لكن يا أختي زوجك أشوف ان فاهم شخصيتك وطيبك وما عامل لها حساب معتبر

نصيحتي لك علميه أن ما يرضيك اللي يصير غيابه عنك وسهره مع ربعه ويتركك وبعدها يراضيك بكلمه والسلام

ما اظن طلقك

ليه ماتدخلي احد من أهلك ؟

__________________
يا رب خاتمة حســنة ، وزلفى ، وحسن مآب ..

بياض الديم

لا بخصوص انه طلق هذا الشي استبعده نهائياً
لاني اصلاً طلبته منه ولا سواه ف ليش يخشه عني

صح المشكله طيبتي يمكن الله يهديه هو مستغل هذه النقطه
ويوم أشد معاه يصير احسن
لكن مافي شي دايم يعني مؤقت والحمدلله


بخصوص اني ادخل اهلي
توه من كم شهر صارت مشكله ودخلنا الاهل
لكن رجعت المشكله مره ثانيه
يعني المشكله الاساسيه منه هو
ماراح تنحل مشكلتنا مع النصايح والتدخل لازم هو يتغير
لين متى راح ادخل اهلي احس بإحراج من وضعنا يقولون توهم راجعين لبعض مامداهم
ولاني شفت تحسن وتطورات بسيطه منه قلت راح اصبر ومابكلم اهلي
لاني للامانه كنت ناويه اكلمهم بعد رمضان لو مالاحظت اي تطور

ف الحين قررت اني اصبر شهر شهرين بالكثير
وعسى الله يهديه ويرد مثل ماعرفته اول مره

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

يزاج الله خير اختي على المشوره

دخلت اهلي
قبل 6 شهور تقريباً لما صدمني اول مره بتفكيره بالطلاق

هني خلاص ماقدرت اتحمل ومافي مجال للصبر

وقتها دخلت اهلي
واهله عرفوا بالموضوع وصار تواصل بين اهلي واهله
كان الموضوع لمدة اسبوعين تقريباً
لين ما الحمدلله ريلي اتصل فيني يعتذر و وعدني يعوضني ويشكرني على صبري واني تحملته وسامحته

وللعلم
صح انه تدخل الاهل مهم
ولكن مادري في مثل حالتي اقري واحكمي
هم ماقصروا وسووا اللي عليهم من نصح ومواعظ
لكن ريلي ماتأثر بكلامهم
ولين اخر لحظه كان ناوي على الطلاق
لكن سبحان الله لين اخر لحظه طرشت له رساله وقالي هي اللي اثرت فيني وخلتني اغير قراري

يعني تتوقعين لو ادخل الاهل مره ثانيه في شي بيتغير في قراره وتفكيره

والله مادري شو اسوي
وانا عموماً حاطه وقت محدد للصبر
صبرت سنين صبرت وايد
الحمدلله صبري ان مانفعني بزواجي عساه يكون كفارة ذنوب واجر
وحاطه في بالي بصبر شهرين تقريباً
ان ماتعدل شي
هالمره بدخل اهلي للطلاق للاسف وليس للصلح

السلام عليكم ورحمة الله وبركاته

اليوم انا داخله مب عشان اشكي لكم

بفضل من الله سبحانه ولطفه ورحمته علي
تصلحت الأمور مابيني وبين زوجي

اللهم لك الحمد حقاً مهما شكرت رب العالمين مابوفيه حقه

والله اني خلاص كنت حاطه موضوع الطلاق في بالي
وامي كانت مهمومه طول الوقت تفكير فيني وفي بنتي خاصة
كنا نحاتي مصيرها اذا تطلقت وكنت خايفه ابوها يطالب فيها
حتى اني تواصلت مع مستشاريين قانونيين وكنت بعرف الاجراءات لطلاق الضرر
و ريلي بالرغم من كثرة الحاحي بالدعاء في جوف الليل والصدقات والذكر
ما اشوفه يتغير ابدا حتى انه امي بالعمره خصتني بالدعاء ولكن لا حياة لمن تنادي
وفي هذه النقطه الانسان لازم يتذكر انه لا يأس ولا قنوط من رحمة الله مهما تأخرت الاستجابة

ولكن تعرفون خلاص مرات الانسان يوصل حده
مشاكل ورى مشاكل والوضع يزداد سوء

مريت بأيام صعبة ما يعلم فيها الا رب العالمين
و زوجي كان غايب عني شهر كامل بسبب سفره
وماكان في سؤال او اشتياق
ورجع من السفر من دون لايخبرني

وكنت خلاص واصله حدي وقلت بتكون آخر فرصه له

بس الحمدلله يوم تلاقينا من بعد انقطاع شهر
صح لقاءنا في البدايه كان فيه برود

ولكن الحمدلله يارب
رجعت المياه لمجاريها
رجع طبيعي في تعامله يحط عينه بعيني يسولف ويضحك ويقضي معاي وقت اكثر
انتهى الهجر اللي كان مسبب لي حزن مايعلم فيه الا الله
لانه امتناع الزوج عن زوجته معناته امور كثيره

ومجرد انه رجعت العلاقه قلبي تطمن بأمور كثيره كانت تعيق تفكيري
انه يرغب فيني
وانه مابيحرمني من العيال بإذن الله تعالى


الحمدلله
عسى الله يثبته ولا يغيره الا للأحسن
وخلاص انا تعلمت دروس وما راح انساها

مادري شو راح يصير عقب لكن راح اتفائل بالخير
وان مرت عقبات
ف انا ان شاء الله ابداً ونهائياً ماراح اتدخل واييب طاري حبيبته

الحمدلله حبيبتي الله يبشرك بما يسرك

سهام الليل لا تخطي

أسأل الله ان يرد لك زوجك ردا جميلا و يفيق من غفلته وسباته. وان يثيبك على صبرك و تحملك ' والله قصتك أدمت قلبي. حسبنا الله ونعم الوكيل.

ماشاءالله تبارك الله (ذلك فضل الله يؤتيه من يشاء والله ذو الفضل العظيم )، دائما إدعي بهذا الدعاء ( ربنا هب لنا من أزواجنا وذرياتنا قرة أعين وإجعلنا للمتقين إماما ) ، تستاهلين كل خير صبرتي وإجتهدتي بالدعاء والمؤمن مبتلى ومأجور على صبره أسأل الله أن يكتب لكم السعادة في الدارين .

__________________
الحمدلله حمدا جزيلا ...

الراضية بحكمته

نعم الله

الوفاء11


جزاكم الله خير جميعاً على الردود الطيبه
الحمدلله رب العالمين
صح لحظات الم كبيره مريت فيها
وصبر طويل ولكن والله محد يحس بالفرحه الكبيره الا اللي ذاق المر وصبر لوقت الطويل هذه هي حلاوة الصبر