طبيعة حياتكم ومجتمعكم وتعاملكم مع أخوان أزواجكم فيه إشكاليات عديدة تحتاج مراجعة
كان الله في عونك

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

الشي اللي يجلط سالفة اسطوانة الغاز وش اللي اتزاحمه وتقرب منه وانتي تتفرجي ليه مااخذتيها من يدها وقلتي لها اقول ابعدي بلا قرف..وطلعتيها برا المطبخ انا لو منك اطردها شر طردة يعني تبي تلزق بالرجال وش تبي منه خيييير 😛

والله ياجرحي المشكله وقتها انصدمت وقفت وكنت حيل مشغووووله بس وقفت اتفرج على وقاحتها مدري وقتها وش جاني والله كذا تجمممدت وكان كل همي اخلص العشاء ولما خلص تنرفزت ومسكت اعصابي .. و احسن شي بعد العشا كنا نشرب شاي قمت بشتغل انظف المطبخ وانا دمي فااايررررر .. قالت بجي اساعدك قال زوجي لا لا اجلسي < على انها ضيفه يعني عيب > قلت لا وين تجلس ؟؟؟ خلها تجي نبي نسولف بالمطبخ قال ايي انتي ماصدقتي في احد تبينها تكرف معك قلت ايي ليش لا .. يعني تكلمت بحده مدري كيف قدام زوجي وزوجها .. وهي جت معاي ماخليتها تجلس تتقهوى وانا اكرف كني شغاله .. هالمره بس تجي راح اوقف لها بالبلعوم وراح ارد عليها بدووون حيا واذا قالت بطلع مع زوجك هو عزمني بقولها ترى هو مايخبي عني شي وبالواتس سويت نفسي مادري كله عشان اسئلك بوجهك واشوف ردت فعلك .. ليش تقولين عزمك ؟ ليش ماتقولين نشبت له ؟؟ و يلا حبيبتي اطلعوا عادي هو مثل اخوك بس اهم شي صوري سيلفي معاه هذا اذا طلعك .. واجلطها عشان لما تطلع من وراي تصور لي و وقتها بعرف واشيل اغراضي واروح لهلي واكبر السالفه و اكلم زوجها واكلم عمي وافضحها ب الله و خلقه

__________________
تم تغيير النك .. < ريتاج2016 سابقا

وش اللي نفس الكاس واسقيهم وما اسقيهم ويحس وما يحس .. وشي حرب هي ؟
الله يهديك .. انتي تتعاملي مع زوجك كأنه مبسوط بالتواصل معها وانتي تدرين تماما انه متضااايق منها
الفرق بينك وبين زوجك انك انتي تتواصلي مع زوجها بالعمد وزوجك ما يتواصل معها بالعمد
ولكن هي اللي تبدأ الكلام وزوجك ما يبيها وبالتالي مقياسك غلط وما فيه تشابه .

كل شوي ترددي .. اشيل اغراضي واروح لاهلي
يا اختي انتي تدورين المشاكل من تحت الأرض وبالغصب عشان تروحين لاهلك وتتطلقي ؟
تذكري يوم انك زعلتي ورحتي لاهلك عشان زوجك ما بلك ذيك اللي تسوي بحوث معه وبعدين اهلك غلطوك وندمتي ورجعتي لزوجك
ما استفدتي شي من زعلك
نصيحه لوجه الله .. كوني أكثر مرونه بالتعامل مع زوجك ولا تبحثي عن المشاكل وتجيبيها لنفسك واعطي اهتمام اكبر لحياتك الزوجيه .. ترى مهيب زينه كلمة "عادي اتطلق وازعل فتره وبعدين اتزوج" .

__________________

مرحباً أختي

نحن هنا ننصح بعضنا ونستفيد من بعضنا وإذا أحدنا وضع موضوع فعلى الأعضاء من باب النصح والأمانة أن يقولوا رأيهم بدون مجاملة وبما يرون أنه الحق من وجهة نظرهم

لذلك أختي ..
الإنسان المحترم يكون صاحب أخلاق ومبادئ ولا يحاول أن يجاري الخطأ بخطأ او يصدر منه قدر إستطاعته

وأنتِ من وجهة نظري أخطأتي بتواصلك مع أخيه وطلبك منه الحلى

فما الفرق بينك وبينها الآن ..؟؟ هل هذه أصول وإحترام للنفس ..!!

الجميع يعلم أنها أخطأت وتجاوزت الحد وفعلها مشين ويجلب الشك .. ولكن هذا لا يعني أن تقومي بمجاراتها وتتواصلي مع أخو زوجك بدون سبب يدعو لذلك

ما أنكرتيه عليها يجب أن ينكر عليك أيضاً .. وما ستبرئي اخو زوجك أنه محترم وتقبل كلامك بدون ان يردك .. فتقبلي كذلك زوجك عندما أخبرك أنه لا يود مجابهة زوجة أخيه من باب الأدب لنفسه قبل أن يكون لها

وفي جميع الحالات أنا أضع اللوم على الرجال في أن يسمحوا أن تتواصل معهن الزوجات بكلام أو طلبات خارجة عن المألوف ولو أنهم أوقفوهم لتأدبن النساء

أختي
نصحناك بعدم التواصل مع أخو زوجك خوفاً من حدوث مشكلة أكبر .. ودعوناك للتريث وتصديق زوجك .. ونحن نعلم بحرقة قلبك منها .. ولكن إلى الآن لم يحدث شئ وهو مجرد كلام منها يقهر .. ولكن لو عادته مرة أخرى فيمكنك أن توقفيها عند حدها وتتهدديها أنها لو ما أستحت على نفسها من قول كلام مثل ذلك أو أفعال ماسخة فسوف ترى منك ما يسوؤها .. وبعدها يمكنك التكلم مع زوجك بحزم وأنه إن لم يتوقف عن قبول التواصل معها فسوف تخبري والده وزوجها ليوقفوها عن حدها وعن العيب الذي تفعله .


أعانك الله

انا طبعي غيوره عشان كذا رحت من ام بحوث مع ان لمتوووني وقلتوا غلطتي والخ ورجعت له بناء على ردودكم و كلام اهلي ..

المهم انا لما كلمت زوجها كنت بخبره عنها .. لكن هو تأخر بالرد لساعات وفتحت المنتدى وشفت كلامكم واقتنعت وبعدها هو رد علي وصرفت الموضوع بالسؤال عن عمي وكذا .. وهو استغرب تواصلي معاه وسئلني تامرين شي قلت اي احسبوا حسابنا بالحلى لان كل مايروحون يجيبون منه يعني ماطلبت شي مايجيبونه او شغلات مستحيله قلت اذا جبتوا احسبوا حسابنا ..
بس من جد والله احس نفسي بحرب ..

لكن انا احب زوجي وهو بعد يحبني وحياتنا ماحد يصدقنا اذا قلنا عايشين مرتاحين ومتفاهمين وماتصير مشكله الا كل شهووور مره وتنحل بسرعه يا اما من جهتي او من جهته وكذا هو يتنازل وانا نفس الشي ونكسر الشر .. بس حياتنا اليوميه ماشيه تمام ومثل العسل الحمدلله ماعمره رفع صوته علي الا اذا في مشكله وعجزت افهم واسكت اجلس ارادد لما يرفع صوته اسكت .. لكن بالايام يعني مو مثل غيره اللي يهاوش اذا شاف ثوبه مو مكوي او اذا تأخرت بالاكل او اذا راحت علي نومه وماصحيته للدوام والله مايعصب علي .. ويطلعني للسوق متى ما ابي و لاهلي مرتين بالاسبوع او ثلاث .. والمطعم مره بالشهر او مرتين .. و لمواعيدي ومراجعات المستشفى متى ما ابي .. لما امرض ماتصدقووني اذا قلت يسوي لي مثل ما امي تسوي ! يعني مثل مره تعبت حيل والله انه سهر علي وكل شوي يمسكني يشوف حرارتي ويصحيني يحط الحبه بفمي ويشربني ماي مايخليني امسك شي .. حيل يهتم فيني ما انسى هاللحظات ولما يروح يتقضى للبيت يجيب لي اللي احبه بدون ما اطلبه .. يعني والله حيل احبه وكل افعاله تثبت انه يحبني مابي اخسر حياتي و زوجي عشان وحده حاسدتني .. الحمدلله عندي بنت والحين حامل و ودي اكون اسرة كبيره ان شاء الله و اهتم ببيتي و زوجي و اولادي ..

بسسسس كل هذا يروووح بلحظة غيررررة .. لما اغار انعممممي و احس اكرررررهه وماطيقه حتى لو ماله ذنب ولما اغار اتطرق لطرق شيطانيه اعوذبالله اصير عدوانية شرررررسه ومستعده وقتها ااسوي كل شي .. ويخطر على بالي اظلم واسوي اشياء تغضب الله لكن الحمددددلله ماعمري سويت بس بلحظة الغيره تخطر لي هالافكار

انا تعبت من هالحاله ودي اكون بااااردة اعصاب بس مقددددددددددر .. كيف اثق بزوجي مهما صار وكيف اترك الامور تمشي عادي .. كيف اتقبل مرت اخوه واسلوبها معه والله قلبي ناااار ومن الحين شايله هم رجعتها والله اني ادعي ان مااااااااااتجي ..

__________________
تم تغيير النك .. < ريتاج2016 سابقا

لا صج تتكلمين جد ؟!!
لا تسوين اللي هي تسويه
ترى ما راح تفرقين عنها بشيء!
ليش تنزلين حق هالمستوى..

__________________

حاجة الناس إليكم من نعم الله عليكم ، فـ لا تملوا النِعم ☁✨

المشكلة انك صريحة مرة و ما تحكمي ردات فعلك و عواطفك تحكمك

سلفتك تاخدي و تعطي معاها !!؟

انا لو مكانك ما اعطيها وجه
و ارسم حدود بيني و بينها
و اجبرها تحترمني و تتعامل معاي برسمية و تحسب حساب ليا

هي تافهة و تسحبك معاها للاسف

ياحبيبتي تصرفاتك غلط في غلط
لا تسووين شي وراك زوجك
زوجك عارف وفاهم مو هو اللي يروح له هي لزقه عشان كذا يغطي مايبي يعلمك عشان المشاكل
خلاص انتي عرفتي وش تبي اذا شفتيها تكلمت عن زوجك غيري الموضووع يعني قاطعيها في الكلام كلمي اللي جنبك او ام زوجك مره مرتين هي واضح نشبه
لا تتهورين حاول تجذبين زوجك لك اكثر تشغلينه فيك لا تحرقين نفسك بس خليك منتبه و حذره منها
الله يكفيك شرها شوفي هذا الدعاء يجنن
اللهم باعد زوجي عن النساء و كيد النساء كما باعدت بين المشرق والمغرب

__________________
كُل خيانـہ لـم تكن صدفـہ بل تم الأستعداد لها من قبل وبكل دقـہ...! 💔

__________________