خير ان شاء الله

__________________

مسز داني
بيتنا ماتعودنا ع الضرب
لا زوج يضرب زوجته ولا اخ يضرب اخته ..

ودائما امي تقول اللي تسكت ع الضرب يتعود زوجها يمد يده علشان كذا انا استنجدت فيهم

بس الان تغير كلامهم
كل مرا اقولهم اخذ حقه مني .. مسك رقبتي وضرب بوجهي وبراسي .. وهجرني.. وفوووق هذا كله اعتذرت له..
يقولوا كان لما شد شعرك بكيتي او دخلتي غرفتك او اتصرفتي اي تصرف غير مدة اليد ...



للان انا عند مبدأ اللي يضربني اضربه والله لو مين مايكون ..
وخليهم يأثر عليهم ..

خلاص ماعاد اجيب سيرته بالبيت .. وبسمع الكلام ولعل الله يحدث بعد ذلك أمرا


لاتنسوني من دعواتكم ...

__________________

قولي لهم حصل اللي حصل و وذي ردة فعل إنسانية كأي إنسان تجيه ضربة و يردها
واعتذرنا يا أمي. ماما انت ما تشوفي ان بضربه وًخنقه و تركه لي و تطنيشه اخذ حقه و الا لا؟؟. لازم تسألي امك هالسؤال
خليك نشبة 😁
عموما
عادي جيبي سيرته مع امك. و فضفضي لو طرأ على بالك شي
المهم انه امك ما تجيب سيرتك. و الحمد لله هي قايمة بهالمهمة
و انت لا تدخلي عليه و لا تتقربي من المجلس
حتى بنتك
خلي امك تجي لعندك و تدخلها مو توقفي عند الباب و تعطيها و ياه

__________________

الرجل ما يضرب مسز داني مهما كانت الاسباب ... الي ترفض ضرب زوجها لها تلم شنطتها وتنفصل عنه بس تضربه لا لا لا. تكسر رجولته و هيبته وتكسر فيه نظرته لك بأنك انثى

تدرين اني حبيتج حسيت فيج طيبة قلب مو طبيعيه ..... بس عندك عيب كبير وهو التسرع وردات فعلك تأتي دون تفكير ... انت قررت الاستمرار مع زوجك بالرغم من كلما سمعتيه فليش تسمعين التسجيل للوالدة؟ ما الذي حققتيه من هل حركة لا تقولين الي اتطلق لو تبين تطلقين كان تطلقتي من يوم ضربك ولا تقولي طلع من قلبي لو طلع من قلبك كان انفصلتي عنه اول ما سمعتي التسجيل ... انت الان منفعله و كل خطواتك راح تكون مو في صالحك ان لم تقفي وتتأني وتفكرين
مليون مرة قبل الاقدام على اي خطوة .... امك كلامها مضبوط وهو نفس كلامك انت الم تقولي في مشاركة سابقه الي عمله بينه وبين الله وانا مالي دخل في ما عمله .. ليش من كررت نفس الكلمة والدتك اعتبرتيها على خطأ ... والدتك صح في تفكيرها وفي التعامل مع زوجك ومعك انت فهي تعرفك وتعرف شخصيتك تعرف انها لو اقفلت الباب بوجه زوجك وورته العين الحمرة ما راح تدعميها وراح تهرولين لزوجك بعد اول مبادرة صلح منه وتطلع هي الغلطانه .... زوجك يستخدم معكم اسلوب البرود والتطنيش ووالدتك تستخدم معه نفس الاسلوب ....
اختي في اخر مشاركة لك قلتي الي يضربني برد له الضربه اذا ليش اعتذرتي؟؟؟ هل اعتذرتي لانك بالفعل حسيتي غلطانه ام مجرد تريدين العودة بدون تصليح امور... اذا كل الي صارلج وما تغيرتي فيا اختي تمي في بيت اهلج وريحي قلب الوالدة من هل مشاكل... عندي سؤال انت تشتغلين ؟ عندج شهادة ؟

انا ما دعوتها و شجعتها على ضربه. 😊
قلت ردة فعل. سبحان الله ترى النسوان بشر
لما تجيهم ضربة ينحاشون. تحط يدها. ممكن تباعد بيدها
هي عموما ما بتعطيه بكوس و بتفكر. و تقول. اها ضربني لازم اضربه

__________________

اي و صح
حتى هي تنكسر انسانيتها و تنكسر نظرتها له. انه رجلها و المحامي عنها لو كانوا يعقلون

__________________

منفردة ارجعي اقراي موضوعك من يوم 19.10

ممكن تستفيدي من ردودك نفسك

و شوفي نصائح الاخ مثابر في موضوعك هذا و مواضيعك السابقة، حتى تخرجي بفائدة عامه

و بالنسبه لرجعتك لبيتك خليها بيد الله

طمنينا عنك منفرده

الفلوجه انا ما اشتغل ومعايا بكالوريوس بالاضافة لدبلوم تربيه خاصه وشهادات لدورات بمجالات كثير


جمانه يسعدك ربي انت بخير


واستمر موال يوم عن يوم يجي
امس جا .. واليوم جا كمان وقال قولوا لام فلانه تسوي لي شاهي ..
سويته ورسلته ..
بعدين قال ادوني الايباد .. اديتهم الايباد
قال قولوا لمنفردة ترسل لي الرقم السري ع جوالي
قلت لهم الرقم .. ما رسلته ..

بس بعد ساعه وعليها من تواجده عندنا ..
قال لامي كيف منفرده ؟
قالت له مبسوطه الحمدلله ..
وبدأ بمواله
قال انه انا اعصب وانه انا اهتم ببنتي اكثر منه وانه البنت تنام وتصحى معايا وبعدين اذا ما اداني من وقته أزعل ..
وووو
وانه امه حلفت ماتدخل بيته اذا ما راضاني .. لان امه مسافره عند اخوه بس هي ساكنه عنده مع زوجته الاولى ..
وقال اول ما تجي راح اخليها تطبخ بقدر الضغط... (طبعا يحلم )

امي بالمقابل تقول انها قالت له
انه مو من حقك ابدا تتدخل بطبخها.. وأساسا طبخ منفرده ما ينقال عليه كلام..
وقالت له اني لو وحده غيري كان نامت طول اليوم وقامت قبل الاكل بربع ساعه وسوته لك بقدر الضغط لكن منفرده تبغى تبدع لك بالأكل<<< وطبعا هذا كلام امي لكن السبب الرئيسي اني اخاف منه وما اعرف له .

لما جات اني بتتكلم بموضوع الضرب
قالت له انا ما غلطتك لان غلطها بنظري كبير انها تمد يدها ع زوجها .. لكن الحق انك اخذت حقك .. تقول امي ما خلاها تكمل ..
قال لها انه الشيطان دخل بيننا وانه كلنا غلطنا .. والإنسان مو معصوم << سبحان الله مدري فين كان هذا الكلام لما انا اعتذرت ..

عموما انتهى الكلام انه قال لامي خليها تتجهز بأخذها ..
قالت له هي مو فاضيه اليوم .. وكمان تقول منفرده انها ما تبغى تروح معاك قبل ما تتكلموا هنا ..
قال خلاص اجي وقت ثاني ..

انتهى ..




جالسه ارتب اوراقي ..
والله العظيم مجرد ما اتخيل اني بدخل عنده .. احس بتوتر ورهبه..

مو شايله هم الموضوع الاول
قد همي من الموضوع الثاني ..

__________________