|
|
04-09-2011, 01:25 AM
04-09-2011, 08:16 PM
|
المشاركة الأصلية كتبت بواسطة monarch
والدنا الفاضل .. من الأمس وأنا أحاول ان اختلي بنفسي لتطبيق ما طلبته مني، ولكن لبعض الظروف العائليه وجدت اليوم
أن الأمر كان صعب جدا، ولكن سأحاول ذلك جيد جداً تفاؤلك وبحثك عن التجربة للخروج من هذا النفق عندي تعقيب على بعض ما قرأت هنا في آخر مشاركتين، لاني احسست بالكثير من المشاعر المشتركه، مشاعر لا يستطيع الانسان أن يكبتها داخله ذكرا كان أم أنثى، وهي الحاجه والرغبه في النصف الآخر.. ولربما كانت الضغوط التي تقع على المرأة اذا تأخرت في الزواج أكثر من الواقعه على الرجل، لأنها ليست ضغوط داخليه فقط لاشباع رغباتها ومشاعرها وانما أيضا ضغوط من الأهل والمجتمع وربما ضغوط مادية أيضا اذا لم تكن تعمل كل هذا يجعلها وكأنها في سبـــاق مع الزمن، وكلما مرت السنوات دون الوصول للمراد تشعر بالانهزام.. مما يؤدي في الكثير من الأحيان لمحاولة الحصول على هذا الانسان بأي شكل، وأصبح النت وسيله سهله ومتاحه لذلك لكن للأسف ،، وفي الكثير من الأحيان تدفعها رغبتها الصادقة في الحصول على زوج وتكوين بيت وأسرة للوقوع في أيدي الكثير ممن لا يخافوا الله المشكله انها في البداية تكون مقتنعه بأن هذا الرجل صادق 100 % فتتعلق به ومع مرور الوقت وظهور الحجج والمبررات تبدأ تكتشف انه لعاب ومخادع، ولكن عقلها الباطن يرفض ذلك ويبدأ يبرر كل موقف وكل تصرف على انه حسن النيه ربما تعلم انه كاذب ولكن ترفض ان تصدق ذلك حتى لا تهدم كل ما بنته في خيالها من أحلام .. وتبقى على اتصال به مضيعة بذلك عمرها وعلاقتها بربها أو قد يصل الامر الى ما لا يحمد عقباه سيدي الفاضل ربما تكون الوسيله فعلا خطأ، ولا تبرر غايتها الطيبة في الحصول على زوج مناسب طالما تمنته وحلمت به لكن يبقى في النهاية أن الكثيرات فعلا يقعن في ذلك، لا سيما وقد انتشرت مواقع الزواج بشكل كبير والتي توحي للبنت أن من يدخلها يكون جاد في البحث عن زوجه، ولكن للأسف الكثير أيضا منهم يدخلون للتسليه.. فما هو الحل والعمل عندما تضيق كل الأمور بالفتاة حتى تكاد تجد نفسها مدفوعه دفعا للدخول لمثل هذه المواقع للبحث عن الزوج المرجو؟ أو أنها ليس لها طريق الا هذه الطريقه بسبب قلة معارفها أو عدم وجود من هو مناسب في محيطها وكيف لها أن تكبت مشاعرها وهي غريزة وضعها الله في البشر؟ |
04-09-2011, 01:46 AM
04-09-2011, 08:45 PM
|
المشاركة الأصلية كتبت بواسطة لجين الحزينه
السلام عليكم والدي الغالي , أنا بخبرك شو صار وياي من عزيمة أبوي :
وعليكم السلام ورحمة الله وبركاته حضرت العزيمة وفي راسي كلامك طبعا كنت مستانسه في البدايه حتى خالد كان وايد مستانس يوم شافني أتجهز للعزيمه على قولته اول مره أشوفج جذي , حتى أبوي يوم شافني في الصاله استانس وقال ما توقعت انج تحضرين , المهم كنت هاديه لغاية ما جات أم خالد ويوم شفتها قمت عشان أسلم عليها تخيل صدمتني جدامهم ودزت أيدي وقالت مب محتاجه سلامج اللي جدام الناس أنا ما قدرت أرد ( لانها أول مره تعاملني بهذه طريقه ) عاد شوف عمتي كانها ما صدقت واستلمتني وجات تسال أم خالد شو فيج على لجين راحت أم خالد جدامهم تسألني بصوت عالي اخر مره متى كلمتيني يا لجين وانا مصدومه وساكته في رمضان حتى ما كلمتيني يا لجين ولدت بنتي اللي هي أخت خالد ولا جيتي ولا باركتي ( وأنا يوم قالت جذي كان في خاطري أرد عليها وأقولها ما حد خبرني بس ما قدرت حسيت نفسي مخنوقه ) وطلعت من الحجره وطلعت حجرتي وقعدت أصيح وجات اختي قالتلي أبوي يبغاج ما رضيت ورحت دقيت على خالد وتهاوشت وياه وقلتله ليش ما خبرتني بأختك وهو مافي على لسانه وأنتي أصلا تسألين على أحد عشان اخبرج المهم درا أبوي بسالفه وطلع عندي وجلس يقولي أنتي بعد غلطانه ليش ما كلمتي خالتج في رمضان وكان المفروض تسيرين عندهم اول يوم رمضان ( طبعا طلعني انا الغلطانه ) وقالي خلاص أنزلي تحت وأعتذري منها عشاني في البدايه رفضت وقتله هي اللي غلطت عليا جدامهم وكان المفروض عليها تسلم وعقب تحاسبني قالي خلاص لحين بطلب منها وبقولها أطلعي يأم خالد عند بنتج وأعتذري منها أنا أستحيت وقتله لا هي أول مره تغلط عليا المهم نزلت واعتذرت منها وهي مسكينه قالتلي أنتي مثل وحده من بناتي المهم قعدت وياهم وانا مالي خاطر حسيت الكل يناظر فيني ولا كلمت أحد فيهم هذا طبعي ما أحب أسولف ويا أحد حتى خواتي كنت أسولف وياهم شوي وأرد أسكت . •بعدها بكم يوم اهل خالد كانت عندهم عزيمه حضرتها وحاولت أتجنب أي احد وأغلب الوقت كنت قاعده ويا اليهال في الحديقه بس أحس نفسيتي كانت وايد مرتاحه حتى خالد كان ملاحظ هذا الشي ء. •على اخر رمضان قالي خالد بنسافر أنا وأخواني وحريمهم لمكه ولازم أنتي تسيرين ويانا رفضت جلسنا نتهاوش لدرجه أخر شي قالي والله صرت أشك أني صايم من الكلام اللي خلتيني أقوله المهم جبرني وسافرت وياهم وللأسف حسيت أني بديت أرجع للحبوب المهدئه طول الوقت وانا في حجرتي ما أطلع منها الا وقت الصلاة كانت خالتي تترجاني أسير وياها لان خالد أغلب الوقت يكون في الحرم المهم وانا في الحرم تعرفت على مجموعة حبيتهم لدرجه صرت استنى وقت الصلاه عشان أتجهز واطلع أم خالد كانت مستغربه بس ما سألتني شو فيني عقبها بكم يوم سألتني لجين بتسيرين وياي قتلها لا بسير ويا ربيعاتي هم بيمرون عليا قالتلي بسير وياج استنانست تصدق طول الوقت وخالتي تناظر البنات بطريقه ما عجبتني وعرفتهم عليها هم بنات سعوديات عقب ما خلصنا واحنا طالعين أنا عزمتهم وقتلهم تعالوا ويانا أنا ما كملت جملتي والا خالتي جلست تصارخ عليا وتقول انتي تعرفين بنات منو هذولا اللي مرابعتهم أنتي تدرين شو أصلهم ولا شو وضعهم الاجتماعي هي تتكلم وانا عيوني صوب البنات وتدمع ما قدرت ادافع عنهم ولا أرد عليها مافي أمهم تكلمت وقالت لخالتي لو كنا في مكان ثاني كان رديت عليج ولكن احتراماً لهذا المكان ولحرمة ولدج ما راح أرد عليج أخذت بناتها وسارت وأنا ركض رحت للفندق وأم خالد دخلت وراي وجلست تصارخ ونادت بناتها واتصلت على خالد كأني مسويه جريمه ( طول ماهي تصارخ أبغ أرد عليها أحس نفسي مب قادره بس أصيح ) جاء خالد وخبروه بسالفه هو دخل عندي الحجره معصب أول ما شفته انفجرت تحسبته بيدافع عني وبيغلط أمه بالعكس كان وياها ( يا بابا خالد صدمني كنت اتحسبه ملتزم وما يفكر بهذه الطريقه صدمني ) تخيل اخذ موبايلي وحذف رقمهم من عندي وقالي اعرفي ترابعين منو مب أي أحد المهم جلست أصارخ وقتله رجعني الامارات كرهته هذاك اليوم وكرهت امه المهم رديت الامارات انا وياه قبل العيد بيومين وطول هاليومين انا وياه نتهاوش صرنا مب متحملين بعض لغاية يوم العيد العصر حسيت اني مب قادره اتحمل أحد وكان في خاطري أشوف امي ( والله أني صرت اخاف أنسى شكلها ) دخلت عنده الحجره وطلبت منه هذا الشي وقتله بسير ويا درويل هو جن جنونه وقعد يقول أنا اذا مت تراج سبب رفعتي ضغطي ما رديت عليه قتله انا طالعه وإذا تبغا تخبر أبوي خبره قالي اذا رحتي عندها تراج طالق وطلعت من البيت طبعاً خفت من تهديده وانا في سياره طلبت من درويل يوديني بيت أبوي , المهم خالد شكله تعب يوم الخميس واحتاج يدخل المستشفى اتصلت اخته وخبرتني ولا رحت ازوره لليوم ولا أتصلت عليه طبعا أخوي اتصل قالي بمر عليج عشان تزورينه رفضت وأبوي مسافر . يا بابا هم يبوني أكون على كيفهم وأنا تعبت من هذا الشي ساعات أفكر أقول الطلاق هو الحل لمشاكلي مع خالد مستحيل أعيش بهذا الوضع خالد يباني أكون مثل خواتي وخواته دايمن يقول هذا الشي وأنا ما أقدر أحس نفسي تعبانه من تفكير . خلاص أبغ أشوف أمي في خاطري . |
04-09-2011, 01:49 AM
04-09-2011, 05:02 AM
08-09-2011, 11:08 PM
|
المشاركة الأصلية كتبت بواسطة غيركم
كل عام وانت بخير سيدي رجل الرجال (ولو انها جائت متاخره )
وعليكم السلام ورحمة الله وبركاته وكل عام وأنتم بخير كان الله بعونك ونفع الله بكـ بارك الله فيك وكان الله في عون الجميع انت قلت لي اكتب كل الذكريات وكتبت بعضهن وتركت الكتابة .. حاسه ان عقلي مايتقبل هذه الفكره واذا تذكرت كتابتي اكررره نفسي بقوووووه واحس اني سخيفه حاسه انه بداخلي شي يصرخ فيني بقوووووووه ..) خطأ كبير توقفك عن الكتابة فكرهك لنفسك والصراخ بقوة من أعماقك هو اشمئزاز من منظر جرح قديم ما زال ينزف بالقلق والتمرين الذي طلبته هو علاج للجرح وخياطته وهذا يؤلم بشدة ولكن لمرة واحدة ثم يزول كل الجرح والألم فقط تابعي وكما تنصحي ابنك او ابنتك بالصبر على قلع الضرس اصبري على ألم التمرين وسترين النتيجة بإذن أكبر من كل توقعاتك. اللي اريده تشجيع منك عشان اتحمس والله زهقااانه من نفسي حيييل .. ودائما احس انه بيصير لي صددددمه تحطمني وتنهيني ما ادري ليش افكر كذا ؟؟؟!!!تفكير خاطيء جداً نتيجة انشغال العقل عن التفكير السليم بالملفات المتراكمة والمختلطة من أحداث ومشاعر تجاهها مكبوته والتمرين هو تنظيم لهذه الملفات وحذف ملفات القلق وبعد ترتيب ملفات العقل وحذف ملفات القلق منه سأضع لك تمرين يثبت لديك ملفات تنظم وتوجه العقل للتوازن العقلي بإذن الله للوصول للتوازن النفسي ثم الانطلاق لتفعيل القدرات واستغلال الامكانات لكل مفيد دينيا ومعنوياً وماديا. ياليت ماتتجاهلني وترد علي واكون لك شاكره جداً |
09-09-2011, 05:57 AM
|
المشاركة الأصلية كتبت بواسطة رجل الرجال
خطأ كبير توقفك عن الكتابة فكرهك لنفسك والصراخ بقوة من أعماقك هو اشمئزاز من منظر جرح قديم ما زال ينزف بالقلق والتمرين الذي طلبته هو علاج للجرح وخياطته وهذا يؤلم بشدة ولكن لمرة واحدة ثم يزول كل الجرح والألم فقط تابعي وكما تنصحي ابنك او ابنتك اي بنت الله يهديك   بالصبر على قلع الضرس اصبري على ألم التمرين وسترين النتيجة بإذن أكبر من كل توقعاتك.والله ياخوي عجزت امسك نفسي واجلس اكتب احس اني اهرب من نفسي .. انا دآئما حزينه ومكتئبه والحمد لله برمضان والى الان غاب عني هذا الحزن وماصدقت ان نفسيتي تتحسن واحاول ما اتذكر اي شي يكدر علي واتوقع انه بسبب انشغالي ومافيه وقت فراغ .. وخايفه يرجع لي لانه جت الحين الجامعه ونكدهااا واليوم وامس حاسه اني ضايعه وابفقد شي بس مادري وشو .. تفكير خاطيء جداً نتيجة انشغال العقل عن التفكير السليم بالملفات المتراكمة والمختلطة من أحداث ومشاعر تجاهها مكبوته والتمرين هو تنظيم لهذه الملفات وحذف ملفات القلق وبعد ترتيب ملفات العقل وحذف ملفات القلق منه سأضع لك تمرين يثبت لديك ملفات تنظم وتوجه العقل للتوازن العقلي بإذن الله للوصول للتوازن النفسي ثم الانطلاق لتفعيل القدرات واستغلال الامكانات لكل مفيد دينيا ومعنوياً وماديا. من خوفي على مستقبلي ومن حالة اليأس اللي تجيني .. الله يعيننا وياك .. وان شاء الله يااارب استمرررر وانجحححح بأسرع وقت وبنتائج مذهله .. ابي اقولك اشياء مقلقتني واقولك اشياء تصير معي محيرتني بس مادري تنفعك بالتحليل او لا لانها مو ذكريات يعني مو مواقف مادري شسميها ممكن تكون حالات بس مستمره معي .. انا محتارة اكمل هنا او افتح موضوع جديد منفصل .. وش رايك انت ؟؟ أبشري بنتي وتابعي معي وأدي التمرين كما حددت لك وبانتظار النتائج. |
04-09-2011, 10:28 AM
04-09-2011, 01:16 PM
|
المشاركة الأصلية كتبت بواسطة حزن النفس
الحمدلله رب العالمين
بصراحة ياعم لو اعرف اسمك بالكامل ومكان عملك بالضبط فين كان ارسلت لك لمكان عملك باقة ورد كبيييييييييييرة وفيه كارت شكر وتقدير من ابنتك حزن لك انت. الحمدلله يارب لك الحمد والشكر حياتي الجنسية مع زوجي صارت ممتازة . بصريح العبارة صرت احس بالمتعة في العلاقة. ياما سمعت عن المتعه واللذه في العلاقة بس ماكنت احس بها . او بالاصح ماكنت ارغب في الاستمتاع واللذه. والحين احس نفسي بنت لها احاسيسها ومتعتها . زوجي صار يناديني ياعروسة وبنتي كمان بدل ماتناديني ماما تناديني العروسة الجميلة. صرت اهتم بنفسي وباناقتي . اول مكياجي كان لوقت المناسبات فقط الحين زوجي يطلع ويرجع ويشوفني كاشخه له سواء باللبس او المكياج او حتى حركة الشعر. اول كنت ما اهتم بتنسيق البيت الحين مايجي الا البيت نظيف ويلمع من نظافته وريحة العطور طالعة من باب الشقة. صار تغيير كبير في حياتي سوا الجنسية او العامة . امس كنت الوم نفسي واقول كل هذي المتعه في الزواج وانا حارمة نفسي وحارمة زوجي منها. سئلني زوجي انتي تعالجتي نفسيا رديت عليه ما اعتبرة علاج نفسي بقدر ما اعتبرة تفريغ لمشاعري المكبوته. اخذني زوجي امس للسوق وشفنا محل للازياء التنكرية همس لي متى تولدي علشان اشتري لك هذي الملابس ابتسمت له وقلت له خلنا نشتريها الحين والبسها لك قال لي اخاف عليك وعلى الجنين خلينا ننتظر ماباقي الا شهرين ردي له كان اللي تشوفة. تحولت حياتي الجنسية من عدم الرغبه الى الرغبة. اول كنت ارفض العلاقة باي وقت الحين توصل علاقتنا ل 3 مرات في اليوم واكون انا في قمة استمتاعي . بس لسه ماوصلت لمرحلة طلبي المباشر للعلاقة. الشكر لك ياعم والله يخليك لاهلك وناسك واذا فيه اي تمارين جديدة ياعم انا حاضرة لها |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور