بما اني جالسه لوحدي
وبنتي نايمه
بفضفض شوي
______

اول مانطلقنا في السياره
كنت مبسوطه جدا
اول 5 ساعات
ماكنت اسولف كثير
هو اللي اغلب الوقت يتكلم
والله كنت جدا مرتاحه معه
فجأه معدتي قلبت
وحسيت بالألم اللي كان يجيني
الخوف كان من اللي اشوفه ورا النافذه
صحراء
صوت بداخلي يقول لي
هذا المكان اللي تركك فيها لوحدك
حاولت ابعد هالافكار والذكريات
وصرت ارجف وابكي
واكرمكم الله صرت ارجّع
والحمدالله عدى الموقف على خير
العجيب ان الحين اذا تذكرت اللي صار
ماتأثر ابدا والحمدالله
هذي نعمه من ربي !
لك الحمد والشكر ياالله
لما وصلنا مكه
كنت في حاله
مايخليني أكمل العمره
زوجي تعب كثير معي
البنت شايلها من جهه
وانا من جهة يسحبني سحب
رجولي مو قادره تشيلني
وبالسعي حطني في العربيه
وكملنا
لما رحت مع اخي
ماكنت بهالحاله
كانت حالتي اقل من كذا
لكن الحمدلله على كل حال
استأجرنا فندق قريب من الحرم
شقه بغرفتين
انا وبنتي بغرفه وهو بغرفه
اول يومين كان أغلب وقتي ابكي
او نايمه
وقليل اجلس معه يمكن ساعتين الى 3 ساعات بالكثير
اما اليوم الحمدلله احسن بكثير
لكن صابني انفلونزا من كحه وحمى
الحمدلله على كل حال
المهم عندي الآن
ليس لدي مانع من مسك يد زوجي !
اجلس معاه عاادي كالسابق
في بعض المواقف تجعلني سعيده
تصرفاته مره طفوليه
مثل اذا امتنعت عن الاكل
يضرب عن الطعام الى ان انتهي من وجبتي
صار يفرض نفسه علي
خلاني احب الجلوس معه بحبه
حتى خلاني وانا معه اتذكر الاشيا اللي عملها
واقول نفسي لا يهم
المهم الان كيف اصبح ؟
يكفي معاملته لي الآن
صحيح ان في حواجز الى الحين
بس راح يجي يوم وتزول هذه الحواجز
بإذن الله 🌺

الله يسعدك دوماً عزيزتي 💙
والله انني احبكن في الله
حتى انني اشعر انكن اخوتي 🌺
الف شكر لك يا اختي

ابشري ياعزيزه 💙
بإذن الله
الله يسعدك دنيا واخره 🌺

ماشاء الله فرحتينا و الله
و ادعي لنفسك و لزوجك و لا هلك

الحمدلله طمنتينا عليك
قلقت عليك اول يومين
حتى انا قلت في نفسي
بتشوف الصحراء وتتذكر الموقف
بس الحمدلله ماشاء الله طلعتي قويه الله يزيدك عافيه وقوه

كلاكما انتي وزوجك طيبين وتستاهلون كل خير
الله يسعدكم سعادة الدارين
ويصلح لكم ذريتكم

بجد والله فرحتينا يا ارواح ... خليتيني اتفائل بالجاي ... والله قبل شويه كنت متشائمه وكارهه حياتي .. لأني امر بمشكلة ... ومن قريت اللي كتبتيه ... رجعت لي الفرحه وفرحت لسعادتك .. يارب يدومها عليكم ولا يحرمكم من بعض .. ولا تنسي ان تدعي لي 💓

__________________
-

فأجبر خَاطري .. بفيّض نعَمك ❤ ....

الحمدلله اللذي بنعمته تتم الصالحات..أتم الله عليك عافيته وشفاك وأصلح مابينك وبين زوجك
يارب آمين .من المواضيع اللي احرص على متابعتها لانها .من المواضيع اللي تبعث الامل في النفس وتعلمك ان الدنيا بخير ..وان الرجل الحقيقي المتمسك بزوجته وبحبه لها يظهر معدنه وقت الشدة..🌹مو نفس مانقرا هنا احيانا على لسان بعض الرجال ان الزوجة مكانها زوجة ثانية وثالثة..الله يهنيكم ويسعدكم ويكفيكم شر الحاسدين

الحمدلله الذي تتم بنعمته الصالحات
غداً اجمل بإذن الله

ممكن اذا سمحتي رابط الموضوع الرئيسي

ادعي لهم قبل لاأدعي لنفسي 💙
الله يسعدك ياحبيبه 🌺