ردك قاسي ابله دلال
مو ضعف مني بقدر خوفي تكبر المشكله
مو خايفه منه هو
ماعرف اتصرف غير اني اسكت عن اي شي يصير
دايما القى هالحل بوجهي
وعشان اثبت انه مو ضعف مني
رح اخبرهم واعطيهم الجوال اليوم

كلامك صحيح

وش النهايه الي تتمنينها ؟

ماذا تريدين؟

ليس عليكِ أن تثبتي لنا شيئاً يا أرواح

ولكن ليس من المفترض أن تفكري قبل كل خطوة هل ستكبر بعدها المشكلة أم تصغر .. لأن حل المشكلة أساساً ليس مطلوباً منكِ أنتِ.

المفترض فقط أن تلجأي للحل الأأمن .. الحل الذي ترجحين معه ألا تعودي لما كان عليه الحال قبل ذهابكِ عند أهلكِ.

والحل الأأمن الآن هو أن يعرف أهلكِ كل ما يفعله زوجكِ وكل ما يرسله لكِ في الخفاء.

__________________


اللهم طِيبَ الأثر .. وحُسْنَ الرحيل.

أرواح هل استخرتِ في أمر الطلاق؟

أعلم أنكِ ربما لازلتِ تتمنين نهاية أخرى .. ولكنني أرى أن تستخيري رغم دلك.

__________________


اللهم طِيبَ الأثر .. وحُسْنَ الرحيل.

موضوع الموبايل سهل
1- التخلص منه
2- رجعيه بالجنطه وك ان شي لم يكن واذا رجع خذا الاولاد رجعي الجنطه وداخلها الموبايل

أعتقد الامور شبه حسمت من طرف اهلك.

وانتي ماهي رغبتك حاليا؟
الانتظار ل شيء ما ام الطلاق ؟

اثبت لي ايضا اني مو ضعيفه
الله يجزاك خير صحيح كلامك
انا مشكلتي اني افكر ماذا سيحصل اذا فعلت كذا
او اذا فعلت كذا
واختار الحل السهل اللي مارح يعقبها مشكله
وهذا اللي يخليني اخفي اي شي
كلمت ابوي
وماتوقعت ردة فعله كذا ابدا
كنت متوقعه بيعصب ويتصل عليه
ويبهدلو ووو
بس لما عطيته الجوال وقلت له الموضوع
قال لي ليش ماجبتي لي اياه من الصبح
قلت له توني شفته
أخذ الجوال ودق عليه
من اول رنه رد على طول وكأنه منتظر
ابوي قال له
تعال ياولدي بكره وخذ الجوال وطلق بنتي
بنتي ماتبيك ولا تبي تتواصل معك ولا احنا نبيك
او نلتقي بالمحكمه
وقفل الجوال

قلت له للحين تعتبره ولدك ؟
قال المشكله ابوه والله لو هو حي كان حسابي مع ولده عسير
وجلس ينصحني وويتكلم كثير
وقلت له اللي بقلبي
انا ابي الطلاق
وكل يوم عن يوم يزيد رغبتي بالطلاق
بس من غير محاكم وشوشره
انا ابي اعيش معكم فتره
من غير مااسمع اسمه
من غير ماشوفه
من غير ماسمع صوته
ولا ابي احد يجيب سيرته
لاني كيف بتعافي كيف اابنسى
وانا اتصبح واتمسي بسيرته
الدكتوره قالت لي لازم مافكر فيه نهائي
افكر بأشيا تسعدني بس
امارس اي شي احبه
قال هو مو راضي يطلق
مالنا غير نتجه للمحكمه
قلت له خليه مو لازم يطلق الحين
بس لا تكلمونه ولا تستقبلونه هنا
ولا تردون عليه ولا تجيبون سيرته قدامي
كأني لسى ماتزوجت
واذا صادفتوه عاملوه على انه غريب
او كأنكم ماتشوفونه
المهم مابي مشاكل ولا ضغوطات
تبون تعاقبونه
عاقبوه بطريقتكم
اما انا خلوني بعيد
زوجي من النوع مايحب احد يحقره او يطنشه
استخدموا هالاسلوب معاه
بس اذا انتوا شايفين مابتردون كرامتي الا بالشكوى براحتكم
قال لي بكره ربك يفرجها
ومارح نسوي شي الا وانا واخوك دارسين الموضوع من كل جهه
وقلت له عالعمره ان ودي اروح
وهذا ثاني مره اقولها له
قال لي انه كلم اخوي
يشوف اخر هالشهر يروح معي
لانه تعبان مايقدر عالسفر
وتوه راجع منها بالحج

اختي مهره انا استخرت اكثر من مره
ومصره عالطلاق

مايهمني النهايه
كثر مايهمني اخذ قراري وانا بعافيتي
مو الحين كل شوي لي راي وكل شوي لي قرار
اي قرار اتخذه الحين هو كله بسبب الخوف
عشان كذا لو يطلقني الحين ويتركني كم شهر
واستعيد صحتي ونفسيتي وبعدين اقرر اذا برجع ولا لا

اريد ان ارجع مثل قبل وافضل
اريد ان اكمل علاجي
واستعيد صحتي
ونفسيتي
لأجلي
لأجل اطفالي
لأجل سعادة اهلي بعودتي لهم

انتظر شيء مثل ماذا ؟

شفتي الرد القاسي وش نتيجته !
لأنه في الحقيقة ماكان قاسي لكن كان عكس اللي تبين تسوينه عشان كذا شفتيه صعب وماعجبك !



قلتيلهم وسويتي الصح وكبرتي في عين نفسك وعين اهلك وأما زوجك صغر في عين نفسه مجرد ماسمع صوت أبوك في الإتصال .. !




كل شيء في الدنيا يا ارواح يبدا صغير ويكبر الا المصيبة تبدأ كبيرة وبعدين تصغر .. قلتلك اكثر من مره ماراح يشتكون ولا اتوقع تتطلقين ولا فيه شتات لكن لازم حل قوي يعادل كبر الجُرم ..!! شوفي حالة أهلك الآن هل نفس حالتهم ذاك اليوم اللي عرفوا الحقيقة !! لا طبعاً وحتى حالتهم الآن ماراح تكون مثل حالتهم بعد شهر من الآن .. هم الآن في وضع الثوران الطبيعي اللي المفترض يصير وبعده بتبدا مرحلة التطنيش والحقران والركود .. المهم انك مشيتي خطوات صحيحة .. كيف النتيجة هذه علمها عند خالقنا فقط ولا احد فينا يضع حلول وخطوات وهو عارف النتيجة لكننا نبذل الأسباب ونسدد ونقارب ونفكر صح .. والنهاية في كل الأحوال هي خيرة إختارها لنا الله تعالى في سماه .. والحمدلله من قبل ومن بعد




المهم
كل صغيرة وكبيرة لازم يعلمون فيها أهلك يا أرواح اقحمتيهم في ألمك ووجعك حتى ابكيتيهم وحملوا راية الدفاع عن حقك لاتخذلينهم بعد مامشوا خطوات سليمة في طريق رد اعتبارك الإنساني في الحياة .. وعشان بعد سنوات وسنوات يتذكر هو دائماً انه كان في يوم من الأيام (خصمك ) بينما هم دائماً وأبداً أنصارك !!



ألتمس منكِ الصفح ياخيتي
فـ والله ماقسيت الا بقدر ماتمنيت ان تنجلي هذه الغمّة عنك

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال