[QUOTE=روح الطير;3153436]مبتعثة
لا
.
.
لكن عشت الأجواء و أقلمت وضعي و نفسي و حياتي على الانفصال و حياة الانفصال ..
و الكل عرف اني خلاص بانفصل عنه .. و بدأت امشي حياتي على ذَا الأساس ..
و خيرة من ربنا .. أتوقع و الله اعلم و كنت استخير شبه يوميا .. و خاصة برمضان ..
مرة القاضي يكون في اجازة الي مستلم موضوعي
و مرة تكون قضية قبل قضيتنا ما تنتهي غير الساعة 3 و القاضي يرفض يُستقبل اي قضية
و بعدين يوقفوا كل القضايا في شهر رمضان و يعطوا اقرب موعد في منتصف شوال
فعادي مشيت حالي و أموري بالشكل هذا ..
لكن حاليا هو يشتغل في مدينة تانية و بينفذ الطلبات و الشروط الي اشترطتها
و شغله في وسط قرية نائية ..
و القاضي رفض يحكم بالانفصال و قال مو مستعد أوقف قدام اولادك يوم القيامة
و يقولولي كان بيدك ترجع امي و ابويا و ما تحكم بالطلاق .. لكن انت حكمت بالانفصال
قالي ارجعوا بصك موثق و كانه العصمة بيدك
لو صار شي لا سمح الله .. جيبي الصك و انا مباشرة افسخ العقد
و مسك زوجي على جنب و قاله بيض وجهي قدام زوجتك
لو لا سمح الله رجعت بيوم و اشتكت عنك .. راح اتخذ فيك اقسى العقوبات و ما راح ارحمك ..
و حسيت اخواني نفسهم اني ارجع له بس ما يبغوا يتحملوا مسئولية الشي هذا ..
لان كل واحد لاهي و مشغول بحياته .. و صارت احداث و حسيت أولادي ثقيلين عليهم ..
لانه صار لنا مناسبة أقارب لنا من الدرجة الاولى في مدينة تانية ..
و اضطريت اسافر مع اخوي و زوجته .. و أولادي تعبوا و انا تعبت و تبهدلنا فعلا
ما بينت لزوجي الصراحة .. لكن الحق ( اني تبهدلت و تمرمطت ) ..
عندي اوراق بالشغل ماحد ممكن يخلصه لي غير من جهة الرجال ..
و زوجي الي راح خلصه لي ..
جاراتي وحدة وقفت معايا و على بالها اني انفصلت و عمرها كبير و عندها احفاد
استقوت علي و على أولادي تحسب اني خلاص انفصلت و لما عرفت انه زوجي رجع
صارت تحسب لأولادي حساب
حتى جارتي تصير زميلتي بالعمل .. تحسيها خايفة على زوجها
و السواقين حقون الليموزين يرسلولي بالواتس .. لأَنِّي لما ادق عالمكتب
يعطوا الرقم للسواق ..
حتى الي من الهيئة صار يرسل لي و يتصل علي نص الليل
و اطنشه و يقول ردي علي .. و حتى مرة ولدي مرض بالمستشفى
و رحت مع التاكسي عشان اخد ولدي و دقيت عالاستاذ
الاستاذ لما عرف بنفسي جيت .. خرج ولدي و انا جالسة بالسيارة
و على باله انه الدنيا فريي و اجلس أهرج معاه
حتى الكاتب الي بالمحكمة .. يدق علي الساعة 3 الفجر ..
الحمدلله اني قوية و حسيت انه الفترة هذيك الي كنت فيها لوحدي
انه اختبار من ربنا .. يختبر مدى ثباتي و إيماني .. لانه بسهولة لاسمح الله
لو باعمل مثل الوسخات و الرخيصات و دنيئات النفس و بائعات الهوى ..
بس الحمدلله و الشكر ..
و أولادي يسألوا عن ابوهم ..
و الكبير يقول لي ماما كلمي بابا لا يسافر مرة تانية ..
و انا أكون مرة فرحان لما يكون معانا .. و التاني نفسيته مرررررررة تأثرت و مازال
و الصغير ما كان يعرف ابوه ؛ لانه كان وقتها عمره 6 او 7 أشهر تقريبا ..
و ما كان ابوه الفترة الاخيرة يجلس معانا .. يعني من يوم أتولد الصغير .. فما يعرف ابوه مرة مثل الوسطاني ..
و لما بعدنا الفترة هذيك .. صار ولدي عمره تقريبا 10 أشهر او 11
فلما يشوف اخواني يبعد عنهم ..
بس مجرد ما شاف ابوه .. نقز في حضن ابوه و عرف يميزه !
و ابوهم جلس الفترة هذيك يتواصل مع اخويا و معايا
عشان يبغى نوافق على الصك و عالصلح بشروط ..
.
.
سجلت اعتراف زوجي بورقة خارجية و خليته يبصم عليها ..
و تنازله عن الاولاد و موافقته على سفرهم معايا في حالة لا سمح الله آي شي حصل ..
.
.
المهم ..
انا ما اخدت اي قرار غير بعد ما قلت ليلة ذهابي للمحكمة
يارب الي انت تسويه لي بكرة و تختاره لي انا راضية به ..
و صارت أمور بالمحكمة خلت اخوي يستشيرني بالموافقة على الصك ..
مع انه اخوي هذا اكثر واحد كان مصمم عالانفصال و بالثلاثة كمان ..
من يوم توظف و هو يصرف عالاولاد ..
و يسدد الديون الي تراكمت عليه و بينفذ شروطي حبك حبة ..
كل ما خلص من شرط .. راح للشرط الي بعده ..
.
.
شوفي الرد
عشان باحذفه
لانه هناك ردود تسد النفس خلتني ابعد عن المنتدى .
كتبت رد وطار >>>>>>>>>>
بسم الله احاول استرجعه <<<<<<<<<<< على اساس فقدت الذاكرة
يا روحي عليكي ياروح حبيبتي انا كنت متابعة لمواضيعك ومشاكلك مع زوجك fg
وحزنت كتير عليكي لما تعرضيله من مشاكل معاه وما وصل اله حال علاقتكم ووصولك لطلب الطلاق منه
وماعانتيه من محاولات ابتزاز من اللي حواليك وكل من عرف انك منفصلة وكنت ادعي ربي انه يثبتك ويقوي ايمانك وتقدري تواجهي جميع مشاكلك بقوة وثبات وتحدي وفرحت كتير بصراحة بمستجداتك مع زوجك وان شاء الله انه يكون درس اله يعرف كم الجرح اللي جرحه ليكي بسبب ماسواه وانه كمان عرف قيمتك وانك مستحيل تسيبي حقك وترضي بخيانة جديدة وان شاء الله ربك يرده لكي ردا جميلا ويحاول يصلحه من نفسه ويرجعلك انسان جديد نقي تقي خالي من الذنوب ويكون لكي اجر هدايته
حبيبتي احبك في الله