حبيباتى مساء الخير عليكم كلكم
معلش انا كنت مشغولة اليومين اللى فاتو دول عشان جوزى فى اجازة لمدة يومين و كمان جبت دولاب جديد و كنت مع التركيب و الترتيب و التنضيف لدرجة انى حاسة انى ظهرى مش موجود من كتر الوجع و الحمد لله على كل حال
اندينا حبيبتى الف سلامة على زوجك و ان شاء الله يتعافى سريعا بأذن الله
سيدة برتقالة انا متشكرة جدا جدا على انك حكيتى تجربتك و ان شاء الله ابتدى مع الدكتور الجديد اللى هنا فى الكويت و ربنا يسهل كل عسير
شوشو حبيبتى سلامة الحلوين لما يكونو عيانين و ربنا يتطمنا عليكى دايما
ملوكة حبيبتى ان شاء الله يكون الوحام علامة خير و الله انا دعيتلك كتييييييييييير قوى و انا راجعة من السفر و فعلا على رأى حلومة اذا مافيش بيبى مش معقول يكون فى وحم ان شاء الله تكونى انتى و البيبى بخير و طمنينا عليكى على طول
زهور حبيبتى انتى كمان واحشتينى جدا انا اول ما وصلت من السفر كان زوجى مروق البيت بس طبعا كان فى تراب اااااااااااااد كدة بس انا كنت تعبانة جدا و ذراعى كان مخلوع شوية من شيل الشنط فعملت اللى قدرت عليه حبة حبة و يا سيتى ماما و بابا بخير الحمد لله و احنا كلنا سافرنا لاخويا مع بعض و انا رجعت على الكويت و هما ان شاء الله حيرجعو مصر يوم الخميس 28 فبراير بس انا كنت سايباهم و هم الاتنين عمالين يعيطو و انا مش بحب حد يشوف دموعى خالص فقعدت اتحمال على نفسى انى معيطش و اول ما اديتهم ظهرى و كنت ماشية لوحدى و عمالة اعيط ذى الهبلة و بدل ما ماما و بابا بس اللى يشوفونى و انا بعيط بقى كل اللى فى المطار بيتفرجو عليا قعدت استغفر استغفر عشان اهدى و الحمد لله بس لما وصلت الكويت فى واحدة من اللى وصلو معايا اهلها دخلولها جوة و احنا بنجيب الشنط و بلغوها خبر وفاة حد عزيز عليها و بعيد عنك البنت انهارت و انا شفت المنظر ده فصعبت عليا و قعدت اعيط انا كمان معاها لدرجة ان الناس اللى فى المطار كانو بيضحكو عليا بس مافيهاش حاجة مواطن بيواسى مواطن
المهم انتى اخبارك ايه و اخبار مذكرتك ايه؟ طمنينى عليكى
سود حبيبتى الف سلامة عليكى من الوجع بس ليه راسك وجعتك مش هو كان بيقرا بس ولا ايه؟ انتى خوفتينى
ان شاء الله تطلع نتيجة تحاليل زوجك عال العال
غلا جلاجل اخبارك ايه و ازاى ابنك؟ يا رب يكون الصحة تمام
نورا ايه يا بنتى كل المواقف دى ذى ما يكون حد مستقصدك انتى و عيلتك بجد موتينى من الضحك و ياااااااااااااااااااا رب يكون حلمك حقيقة بالنسبة لغموض
الزرافة حبيبتى ردا على سؤالك انا امى و اعز صديقاتى تعرف الوضع بالظبط بس انا لا اجد فى الموضوع ما يستاهل ان محدش يعرف انا اصلى انا و زوجى مش واخدين الموضوع بحساسية خالص دا رزق من عند ربنا و خلاص و الحمد لله
مشمشة حبيبتى معلش عشان التحيل طلع سلبى بس روحى للدكتورة عشان الادوية اللى بتنزل الدورة هى برضو اللى بتثبت الجنين اذا فى جنين و اكدى على دكتورتك بكدة
يورنا حبيبتى و الله ليكى واحشة كبيرة و الحمد لله اننا اتطمنا عليكى
اما عن موقفى المحرج فهو موقف عمرى ما انساه
كنت فى شهر العسل و كنت انا و زوجى مكسلين ناكل فى المطعم المهم طلبنا الاكل فى الغرفة و الحمد لله الاكل وصل
زوجى الحبيب فتح الباب فلقى الويتر فسأل زوجى ادخل الاكل؟
فحبيب قلبى افتكر انه حيدخله فى الطرقة اللى قدام الحمام مش حيخش لجوة الاوضة
و انا بقى بعون الله كنت نايمة على السرير و كنت لابسة ............................
فمعرفتش اعمل ايه هدانى تفكيرى انى ادخل تحت الغطا كأنى مش موجودة او اى حاجة المهم انى اتغطى و فعلا عملت كدة بس كل اللى بان حتة من شعرى
و لما الراجل مشى لقيت عربية الاكل فوق دماغى
الحمد لله موقف و عدى
رب لا تذرنا فردا و انت خير الوارثين
26-02-2008, 01:55 PM
لكن ما نفع تهديدي لكن الآن فكرت فيما هو أشد لان الواحدة مننا ما تجي الا بالعين الحمرا 
ضوابط المشاركة
العرض العادي
