السلام عليكم

حبايبي القضيه مو في الخادمه القضيه في الزوج
لانه اللي يبي يلعب يلعب في البيت في الشارع حتى وهو مغمض يلعب

واذا تبون رد على السؤال
الصج انا واثقه في زوجي بس اذا حصل الللي يبيعني برخيص ابيعه بارخص ( يعني ما يسوى اذبح عمري واموت علشانه وهم مايسوى اودي روحي بداهيه علشانه اذبحه او اقطعه ) مع انه عيوني المركبه بس من عافنا عفناه اوكان غالي

والخدامه وما ادراك مالخدامه

هي الشر الذي لابد منه يعني

انا موظفه دوامي من 7.30 ليمن 2.00 وعلشان الزحمه لازم اطلع من البيت 6.30وهم علشان الزحمه اوصل البيت 2.45
وانا ام لطفلين وين اخليهم هالثمان ساعات والبيبي من غير حلفان انه ماينام بالليل 3 ساعات على بعض
على فكره بس اوصل البيت آآخذ عيالي منها واخليها تروح ترتاح ( يعني مانام بالليل ولا حتى الظهر )
تقولون احنا شكو باللي تقولينه
ارد عليكم شلون بدون خدامه شلون ؟؟؟؟؟؟؟؟؟؟؟
شنو الحل ؟؟؟؟؟؟؟؟؟؟؟؟؟؟؟؟؟؟؟؟
اقعد في البيت وربي عيالي .............ياريت بس الحياه صعبه ويبيلها تعاون
وخدامه نص دوام صعبه شلون اامنها على اليهال والبيت وانا ما اعرفها


ايييه تذكرت شكو خدامه حلوه للمظاهر وين قاعدين بروح اخطب فيها انا
شي ثاني حلوه جيكره حق عمرها ما تزيدني ولا تنقصني شي
الرك على التربيه والخوف من الله خدامه والا غيرها
والحين خليتو الدش والنت وحطيتو على الخدامه على الاقل منها فود تعين شوي
مع انهم الخدم ينعدون من يهال البيت ود لهم وييب لهم واشتر لهم حالهم حال اهل البيت (خدامتي اكبر مني باربع سنين عمري 24 )

والواحد لي خاف الله فيهم وراعى ضميره والله حتى اللي تحتها شي بتستحي وتراعي اكل عيشها

هم تذكرت ذبحتونا حريم الاول ما عندهم خدامه
حريم الاول قاعدين في البيت
حريم الاول نوع واحد على الاكل مو سفره من اهني ليمن هناك سلطه، شوربه، طبق رئيس ، حلو وغيرها
حريم الاول ما كو دش او نت الرياييل طايرين فيهم والمراه تتسنع وترجع لي وره ومو لاحقه على النيولوك لزوجها
حريم الاول البيت غرف وصاله وصالون وحمام احنا بيت يسرح فيه الخيل يبيله تنظيف وغيره
حريم الاول ما يهمهم اللي ينجح من العيال احنا يذبحنا تدريسهم ( عيالي صغار بس اتحدث عن بقية خواتي)
حريم الاول ما حصلهم خدم جان حطوا ريل على ريل بعد
حريم الاول اجسامهم وصحتهم احسن منا لانهم عاشوا وكبروا على الطبيعي مو احنا عافانا الله كله صناعي الله يعين عيالنا
ليمن قعدنا على الارض ما قدرنا نقوم واحنا في عز شبابنا
حريم الاول متعودين كبروا على التعب احنا ما تعودنا ( مو غلطنا ) من شب على شيء شاب عليه وهناك فرق الزمن والوقت والجيل ( ولكل زمان دولة ورجال )
بس هم نعجب ليمن صارتي الصجيه وقت الازمه بروحنا نظفنا وغسلنا وطبخنا وخبزنا وقاومنا مثل السباع
هذيلا حريم الاول الله يخليهم ( وحريم الاول مو امهاتنا يمكن جداتنا او امهاتهم )


بس وهالقصه كلها على حساب الخدامه
وسامحوني على التطويل بس قلبي متروس ( اتغشمر )
وشكرا على الموضوع
ويعطيكم العافيه وانا بعد وياكم

انا كزوج اعتبر اى زوجة تأتي بخادمة فى البيت تجلس ليل نهار في بيتها تريد ان تخسر زوجها وتجعله يرتكب المحرمات فالزوج انسان والانسان خلق من ضعف واضعف ما يكون الرجل امام المرأة فإذا حدثت خلوة بين زوجك والخادمة فلا تسأليه عن شىء لانك انتي السبب وهو ايضا عليه اللوم لانه رضي بالخلوة فانا اعتبر الخلوة بين الرجل والمرأة بنزين ونار إن اقتربا احترقا هل تقولى للبنزين لا تحترق افقد خاصيتك لا يمكن ولكن لابد من ان يوضع البنزين في مكان بعيد عن النار
الرجل تقوم شهوته من النظرة فنظرة ومعها خلوة تؤدي الي الحرام اعذنا الله
الحل اذا كانت الزوجة تريد من يساعدها ان تاتي بخادمة لفترات معينة بشرط ان تكون بجوارها وتأمرها بأن ترتدي ملابس فضفاضة لا تشف ولا ترق فهذا هو الاحصن لزوجك اما ليل نهار وجود خادمة فاعتقد انه على الأقل لن يستطيع ان يغض بصره وان لم يستطيع ان يغض بصره فى بيته ومع اهله فتكونى انتي التى جنيتى عليه والزوج ايضا لابد ان لا يصبر على وجود خادمة فى بيته مادام شعر من البداية بقلق من وجودها فان سكت وقتها فيكون هو الأخر أخطأ
فأى مشكلة زوجية لها وجهان من ناحية الزوج ومن ناحية الزوجة
فانا رأيت صديق لي اخرج خادمة من بيته وساعد زوجته بنفسه في الاعمال المنزلية وقال لي ذلك احصن لي وأعف .
أسأل الله التقى والعفاف لكل الازواج والزوجات . وصان الله اعراض المسلمين .