العلاقة
المصلحة
لمصلحة دنيوية كانت قوية و شجاعة وكان موقفك صارم جداً

فأنا انصحك لمصلحة اكبر أن تكوني أقوى و يكون موقفك اكبر

كان الله في عونك و فرج الله همك

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

وانا امشى لمصلحتى الان ..
ومصلحتى اكبر بموقفى هذا ، واعرف انا ايش ابغى تمااما ..
وانا متيقنه يقينا الان انه يشعر بتأنيب ضمير ..
وانه مو عارف كيف يرجعنى له .!

حتى وان حلت مشكله الحفله المصغره
بتظل بعد الزواج
زوجك بيزور والدك وبيطلب تروحي معه
بيستغرب ليه ماتروحي ومو معقوله بتطلعي اعذار كل مره
مشكلتك فيلكا صداميه من الدرجه الاولى
ماتعرفي الله يهديك كيف تحتوي الامر وتريحي راسك
وبالنهايه اكثر من يصدع من النتيجه انتي
شوي تهدى الامور وبيكلمك ابوك وبتنحل المشكله
هذا احساسي
لكن لازم تتعلمي التعامل بذكاء لمصلحتك قبل مصلحه اي شخص

الله يرزقك بر والدينك

فليكا
نصيحة لايعرف زوجك بمشاكلك مع ابوكِ أو أهلك
يمكن بكرة يعايرك لو في لحظة غضب بدون قصد

هل حللتي شخصيتك ونمطها؟ هل اكتشفتي ذاتك؟

__________________

برضو الموضوغ تشعب !
ايش علاقتها بالموضوع ..؟

لاحول ولا قوة إلا بالله

يحاول يرجعك له ؟؟! تقولين كذا عن ابوك ؟؟

معناته إنتي فاهمه ومتأكده إنه ندمان ! صح ولالا ؟؟
إنتي لقيتيها فرصه عشان تنتقمين يعني ؟؟! لاتقولين لا يرحم والديك ،، لانك كذا بتنكرين حقيقه بداخلك ،، اصلاً انتي ماتبين تعطين نفسك فرصه تعرف الحق والصح ،،
حبيبتي والله رحمتك !!

فيك قساوه مو طبيعيه 💔 ارحمي نفسك ياقلبي ارحميها
واشتري رضا الرحمن الرحيم اللي هو ارحم من والديكِ عليك .

بالله قلب يتصرف بهذي الطريقه منين يصير فيه حب او حنان ؟؟!
تعرفين الحنان !!؟ لاتقولين ماعشته

ترا كثير منا ماذااااق الحنان ،، لكن نحس ايش معنى نفقد حنان ،

تعرفين يعني إيش قسوه ؟؟! أكيد تعرفينها ويمكن عشتيها

ترا ياما اكلنا كفوف ظلم ، بمرحله المفروض نفكر فيها أي لعبه اختار ،،

بمرحله متى يوديني بابا الملاهي زي صحباتي ،،

بمرحله نشوف فيها البنت الصغيره تنزل من السياره وقبل لاتركض تدخل المدرسه ترجع تلف لجهة بابا في السياره وتبوسه وترجع تركض داخله المدرسه ،، ( على فكره لازلت ادعي لهالاب الحاني مدري هو عايش ولا ميت ويااااارب يرزقه الفردوس الأعلى )

باتعوذ من الشيطان عشان مايرجعني لهذاك الماضي ،، اللي انتي تتحججين فيه الآااان .

كان المقصد اني اقولك برغم ذاااك الماضي الا ان لازلنا نشعر بأن الله امتن علينا بالشعور بمعنى

الحنان والرحمه والتسامح !! على فكره ماخذناها من الوالد ،، لكنه فضل الله يؤتيه من يشاء ،،

لو كل واحد محروم وعاش القسوه من الوالد رجعها لأبوه كنا توارثنا الظلم والكره والبغض ،

ويااااكره الدنيا اذا كانت كذا ،، ياماما انتي تحرمين نفسك سعاده داخليه ،، لاتقولين منهم ،،
خلاص ربي بيحاسبهم ،، انتي اسعفي نفسك وحاسبيها قبل لايجيك الحساب من رب العباد ،، المشكله ان عقاب عقوق الوالدين يجي سريع بالدنيا ويمكن من احب عيالك لك اذا مو كلهم ،،

ماهمك الحساب ؟ ولا رب العباد ؟؟ ان شا الله لا !! عارفه ليه ؟؟ لان فعلاً احس انك عاقله اكلمك جد مش مجامله .. لكنك حاطه نفسك بمطب كبييير منتي قده ، ( أحل مقاطعتهم ؟؟ )

طيب كيف عايشه بالنفسيه هذي ؟؟ لاتقولين عادي ! لان كل من علق هنا استشعر نفسيتك ( المتعبه ) برغم انك جايه تدورين حل عن موضوع الحفله مش عن عقوق الوالدين ،، وااصح ان موضوع البر هذا انتي مسكره ملفه من زماااان بس والله لو ارجع اقرا ردودك وتعليقك عالكل استشعر ان موضوع الاب هذا مززززعج و ( متعب لك ) طيب ارتاحي وريحي نفسيتك بطلب رحمك الله واسأليه يفتح على قلبك ،، ترا ليه الدنيا باقي فيها خير ،، ارجعي للوالد علشانك انتي ، ارحمي نفسك بالرد عليه ، لو ماكنتي راغبه بالاعتذار ،، اجزمي انك تسامحي ،، الماضي هو اللي خليه بملف وسكريه واحرقيه (( لاتفكرين فيه لانك بتجددين آلامك واحزانك )) ولا راح ترتاحين ،، لازلتي تملكين قلب خلي بذرة الحنان تينع فيه واكبر ،، الحنان والرحمه اهم صفتين تجيب السعاده لك ، لو فقدتيها بتعيشين جحيم نفسي ،، وكذب من قال فاقد الشيء لايعطيه ،،

انا مااجبرك تروحي تسوي خدمات لابوك لان عارفه اني في مليوون حاجز نفسي يمنعك انا بس ابي قلبك يعيش الإحساس ،، هذا قلبك انتي ، انتي تقدرين تغيرييينه ، لي متى وانتي عايشه في ظل الماضي اللي جايب لك النكد ،،
عزيزتي كلمه اخيره ،، ارجعي اقري كلامي مره واثنين وثلاث لعلك تستوعبين مقصدي ماااابيك تعيشين نفسك الحرمان بحجة انك كذا انخلقتي ماعرفتي الا الحرمان 💔

و بالنسبه لزوجك !! اصارحك واقولك انتي ماتبينه يعرف بوضعك مع الوالد ، لان انتي عارفه ان صورتك بتكون سيئه قدامه خاصه لو عرف انك قايله للوالد مالك حق علي !! ولانك عارفه ان المجتمع ( اللي لايزال بخير ) يرفض تصرفك وطبعا زوجك جزء من هالمجتمع .
واكاد اجزم ان انتي برضو مو عاجبك الوضع وموعاجبتك صورتك قدام نفسك وحابه تسترين هذا الجانب عن الناس !! طيب ورب الناس ؟؟

يااارب يصلحك ويهديك ويسعدك يااارب😔

اشكر لك حماسك ..
طولتيها وهى قصيره 😊 ..
وحطيتى سيناريوهات من راسك وحللتى و نتائج
اختى مانتى ادرى منى بنفسي !
وباختصار < رغم ان دا مش موضوعنا ..
لكن تقديرا لحماسك برد ..
اختى انتم عندكم قناعات وايمانيات داخلية تمشون في ضوءها وعليها تفسرون الامور
وتقيسون الصح والغلط .. طيب مو غلط هذا .
الغلط اننا نعتقد ان كل الناس عندها نفس الايمانيات دى و نفس القناعات ..!
وان خالفونا حكمنا عليهم بناء على ايمانياتنا نحن !!
الخلاصة ايماني اللى اؤمن فيه و اسير على ضوءه مختلف وبالتالى فشعورى مختلف 😊
ونفسيتى الداخليه مختلفه بناء على ايماني ..
صحيح اشعر بعدم الرضا عن نفسي في هذا الجانب لكن مو بسبب تحليلك
وانه غلط و انه اب ووو لاا ، انما لانى مازلت اشعر انى محكومه بعرف مجتمع لا اؤمن اطلاااقا
بما جاء فيه ، و على بلاطه اقولها لانى رد فعلى اقل مما ينبغي .. < فسرها بهواك عاد
وهذا سبب انزعاجي ..
اما كلامك انى مو راضيه عن نفسي وانى وانى فمردود و كله غير صحيح اطلاقا
و الماضى و الحرمان و الضرب مدرى من وين جبتيها < قلتها بموضوعى اول مره بحياتى يضربنى
لم يسبق انه ضربنى ابدااا ..

ابراهيم اكرر للمره المليون ماله علاقة بالموضوع ومن الحمق انى انقل له كل شيء و امور ماتعنيه
مو عشان علط او حسب كلامك انها مو راضيه ومدرى ايش لااا
لكن فعلا ماله علاقة ورجااااء لا تجى وحده و تقحم زوجى بهالموضوع غصب !!! ماعرف ايش الهدف !!
انا وابراهيم عندنا اللى يشغلنا الان 😊 ..

مدامت انكِ تكلمتي عن الايمانيات والقناعات
أحببت أن ألتفت انتباهك لنقطة:
الله سبحانه وتعالى أمر ببر الوالدين في مواضع كثيرة من القران وقرن عبادته بطاعتهم
لعظم حقهم وهو يعلم منذ الأزل أنه سيكون هناك آباء بيولوجيين
آباء بالاسم فقط، لماذا لم يستثنيهم من البر لأنهم لايستحقونه؟!
هل هو بذلك يكلفك فوق طاقتك؟!

اترك الاجابة لكِ