كلام اختي مكلومه صح

الشركه السعوديه للاستقدام تأجر شغالات 4 مرات بالشهر بمعدل يوم بالأسبوع ب 450 ريال فقط شهريا صراحه تساعدني بااكوي والتنظيف ومو عاله على القلب تجي 5 ساعات بس وتطلع ...
بس المواعين والغسيل عندي غسالة مواعين وغسالة اوتاميتك للملابس مريحه جدا احط الملابس واختار الخيارات واخليها حتى اطلع وارجع وهي غاسله ومنشفه الملابس ...

وتذكرت نفسي بالبدايات والله ماعرف اسلق بيضه والملابس اختي علمتني كيف اغسل يعني والله البدايات صعبه للي عندهم خدم وماقد اشتغلو ابد والله تعبت واول مارجعت بيتي من شهر العسل وقفت على حوسة الشنط وجلست اصيح مدري من فين ابداء ومن فين انتهي ... وبس حبه حبه وبمساعدة زوجي ومرات يشد ويعصب ومرات يلطف الجو يقول اذا طبختي لي كبسه طلعتك نتمشى ههههه يقايضني .. وبالنسبه النظافه الشخص مايقدر يعيش الا بغرفة مرتبه وصاله مرتبه شيء غريزي وراح تتعلم من نفسها تنظف لما تدخل وتمدح ريحة البيت ورائحة المطهر بالباث والارضيات وكذا خصوصا اذا زوجتك كانت مهتمه بنفسها ونظافتها اما اذا مو مهتمه بنفسها ف والله الأمل ضعيف لان اللي يهتم بنفسه عنده النظافه شيء غريزي رتح تجبرها نفسها تنظف غصب ... اما اخر شيء الكوي الثياب والشمغ ترى صعبه للان انا اغسلها بس وزوجي ياخذها الكواي غالبية البنات الثياب والشمغ برا البيت يكووها .. الأبيض الداخلي والكاجوال والباقي سهله كويها بالبيت ...

اكتب لها بمسج طلباتك حرفيا وانك زوج وهذي من حقوقك وشةف ردها وحبذا تكلم امها وتكبر راسها وانك ماخذها من بيت سنع كيف هي كذا يعني الام بتتفشل وتسنعها ماعليك ....

كل هذا بعد ماتتأكد ان ماعندها غده او اظطراب داخلي يخليها كسوله وترى احتمال كبير تكون حامل خلها تشيك الحمل انواع النفسيه والكسل والخمول ...

يا اخواتي الموضوع مو موضوع خدامة وتكلفة مادية الخدامة مقدور عليها وماتكلف كثير
لكن الموضوع موضوع مبدأ
ان شاء الله لو اكون ملياردير مستحيل اجيب خدامة

فعلا القضية ليست قضية خادمة وتكلفة مادية.ولأجل ذلك كتبت ماكتبت..
لما تكون الزوجة غير متعودة على شغل البيت..وفجأة كل شي يطيح على راسها..ونطالبها تكون
زوجة سنعة وربة بيت ووو......الخ والله صعععععب حط حالك مكانها يارجل...

المسألة مسألة وقت..والزوجة اللي تبي تحافظ على زوجها وبيتها بتتعود على كل شي..لكن بالرحمة والصبر وبالتدريج..من غير حقي وحقك وواجبي وواجبك...

أنا مع الزوج لأن من أبسط حقوقه يرجع البيت يلقى لقمة من يد زوجته..وفراش نظيف..ولبس مرتب... لكن بالعقل اللي ما اتعودت تخدم نفسها ببيت أهلها تطالبها بكل شي ومن أول سنة زواج...!!!!من رأيي الشخصي شي مو معقول..

ثم هل صاحب الموضوع كان من ضمن شروطه في اختيار الزوجة أن تكون ربة بيت وملمة بالطبخ وووو..... الخ؟؟؟

إذا ماحرص على هالنقطة وقت الخطبة فهو يقطف الثمار الآن...
بما أن ماكان من ضمن شروطك في البحث تكون زوجتك تعرف تطبخ وتنظف وووو.....الخ
خلاص من حقها تصبر عليها حتى تتعلم...ثم تعتاد...

ماعليك من كلام الحريم هنا بالمنتدى جب شغاله جب شغاله لاتسمع كلامهم ولا تجيب شغاله انتم نفرين وشقه وغير كذا غير موظفه يعني وش وضيفتها بالبيت نوم واكل نصيحه لو جبت لها شغاله وسمعت كلامها راح تدلع عليك بعدين وكل شي تزعل وتروح عند اهلها خلك وحش وجامد من البدايه هي تتعدل معك

هذا الكلام الجديييد اللي طلع
يعني الوحده تجلس بوسط الاوساخ وزوجها يطلع مو مرتب
قدام الناس
وهي تجلس تردد مو واجب علي شرعاً !!!!
ايش هالعقليات
طيب اذا مو واجب ف هذي الاشياء تحببه فيكي
وتزيد الاحترام بينهم..
الله يعينك اخي الكريم وييسر امورك

وترى على فكرة الرجل عندما يطالب الزوجة بأعمال المنزل هو ينطلق بمنطق قوي
لان علماء السعودية اغلبهم يرون ان خدمة المرأة لزوجها واجبة وانظري فتاوى ابن عثيمين والالباني في ذلك
بل وحتى القضاء عندنا يجبر الزوجة على خدمة زوجها ويستطيع ان يشتكيها اذا اراد

هل حقا القضاء يجبر الزوجة على ذلك؟

__________________

نعم يجبرها
لان القضاء يأخذ بالعرف
كذلك علاج الزوجة ليس واجبا على الزوج علاجها شرعا
ولكن القضاء يجبره على علاجها لان العرف جرى بين الناس ان الزوج هو المسؤول عن علاج زوجته

احب اقولك ان وضعها طبيعي جداً لانسانه تغيرت حياتها 180درجه ...فجأه اصبحت زوجه مسئوله عن عن تنظيف المنزل وترتيبه واعداد الوجبات بوقت محدد وغسيل وكوي..بعد ماكانت بنت مدلله ببيت اهلها...صدقني اي وحده ببداية الزواج كذا وتتغير مع السنوات ومع الاطفال وتذكر كلامي بالمستقبل،،اتركها الان عند اهلها فتره...وبعد ماترجع اطلب منها سندوتشات محشيه مع سلطه عالغدا(لكونه وجبه سهله جداً) وتطبخ لك ع العشاء اي شي انت تحبه...

اشكر كل الردود لقد قراتها جميعها بتمعن
بالنسبة لها لا تتحدث مثلكم ان هذا ليس من واجبي الشرعي و ما الى ذلك
هي تقوم باعمال المنزل و لكن بمزاجية
مثلا يوم اجدها طابخة الغدا يوم بموعده يوم اجدها تاخره ساعتين يوم اجدها لم تطبخ نهائي
و كذلك الامر للغسل و بقية الامور
و هذه عندي مو حياة احب النظام و التنظيم في بيتي
طبعا احاول اسايسها ولكن حينما لا ينفع اتكلم معها بجدية تقول انا مو خدامة و يبدأ الموال