المشاركة الأصلية كتبت بواسطة مستسلمه

موضوع رائع وفكره حلوه وأسلوب جديدوشيق لحل المشكلات فيها نتعلم فهم نفسية الزوج وكيفية التعامل معه

الله يجزاكي خير


ويازوجي العزيز مادامك تحبني ليه دورت غيري ؟؟

تقصدي بغيرك " زوجة" او "عشيقة"؟

"زوجة"
اباح الله لي التعدد ولا اريد ارتكاب المحرمات، لذا بحثت عن زوجة اضافية ، ليس نقصاً فيك وانما قد يكون ناتج من سعادتي معك ( هيا الحين افهموا من كلامي انكم نكدو على ازواجكم عشان لايتزوجوا عليكم!!!!!!! ماقلت كذا)

"عشيقة"
بسبب عدم معرفتي بطبيعة الانثى، فلم اتخيل انه بامكاني الحصول على نفس اللذة (المكالمات الغزلية) منك يازوجتي ! لأنك بالحلال وهذيك بالحرام. تسأليني طيب دام انك عارف انه حرام ليش مستمر؟ اقولك وقتها ان هذا ضعف مني لوسوسة ابليس وهوى النفس وانجذابي غير الطبيعي للنساء ( لأنها اقوى فتنة على الرجال)




مع ان حياتنا حلوه وما عندنا مشاكل ومتفاهمين ومنسجمين وكل نهاية أسبوع نكون مع بعض يانروح حديقه نشوي أوسوق او نسافر

هذاك اول، الله على الايام الحلوة وراحة البال، لو كنت ادري ان التعدد بيتعبني ويتعبك زي كذا كان يمكن ماعددت ودورت لي حل بالتناقش معك، بس زي منتي عارفة لا انتي مثقفة بالحياة الزوجية ولا انا ، فعشان كذا ماكانت موجودة شفافية بالحوار وتناغم بيننا

اما اللحين نهاية الاسبوع لازم نكد ياتذكرني انها أيامها ومن حقها

الحق مايزعل ياأم عيالي، بالعكس المفترض تفرحي اني باقول لك هذا الكلام، عشان نفس الشي اذا هي(زوجتي الثانية) في وقتها وتطلب شيء من وقتك اوقف لها واذكرها بأن هذا وقت زوجتي الاولى

وانا وين حقي الاسبوع ماابيه دوام ومدارس وماهو حق خرجات وطلعات ابي حل انت رضيت نهاية أسبوع لي ونهاية أسبوع لها بس ماني مقتعه لانه فيه ظلم لها حتى وسط الاسبوع لوبتسافر لها بيكون يوم وبترجع يعني مافكرت في وضعنا قبل ماتتجوز وتحطنا في موقف لايحسد باانا اصبر وهي تصبر

لا مافكرت، لا كان عندي علم غيب ولا كان عندي ثقافة ولا دخلت منتديات وشفت شكاوي زوجات المعددين.
بعدين تعالي هنا، افكارك هذي وفضفضتك هنا ليش ماقلتيها لي بوقت صفا!
ولا اقولك بلاش، لانك راح تنفعلي واكيد راح تنزل دمعه او يعلى صوتك وتستفزيني، فاكتبيها على ورقة احسن

وهي ماتبغى تنقل عشان أهلها طيب وش الحل ابغى ويك اند من غير نكد

مالك الا اللي يرضيكي، ابحثي عن حلول ترضيكي واعرضيها علي ( مثل ماقلت لك على شكل ورقة) وانا افكر فيها واعمل بالحل اللي يناسبني

وتقولي أيامها ولا ايش رأيك تجي معانا صح هي زوجتك بس انا كمان زوجتك ابغى أخذ راحتي معاك أقولك كلام حلو وتغزل فيك بس وهي معانا صعبه انا أغير لوضحكت معاها اكثر مني او دلعتها او غيرت عليها وهي كذلك

والله مااعرف بحكاية الغيرة اللي بين الحريم، انا كنت متوقع انكم الاثنين في السيارة بتخدموني وتتغزلوا فيني من غير ماتنقهروا من بعض!
طيب ليه مافهتميني النقطة هذه بهدوء؟!


اريد حل لوضعنا يازوجي المصون حياتي قبل اكثر استقرار وحياتي الان لازم فيها يوم اطلع من طوري وانكد واعصب دخلتنا في دوامه مالها حل

المشاركة الأصلية كتبت بواسطة أم خالد.

فكرة الموضوع مفيدة ، لكن الاسلوب

يبغاله شوية ترتيب عشان يكون مية مية

اخي في الله انت انسان دغري

اسلوبك ساخر فيه بعض العفوية و هنا يجي الإشكال

و أكيد لك مغزى في مواضيعك كمجمل

لكن هذا الموضوع يحتاج وقت كبير و نفس عالي و طويل

الله يعينك

المشاركة الأصلية كتبت بواسطة ملَك شادي

فكرة جيدة وجزاك الله خير على الجهد ووجع الراس:-D
ولكن لااعتقد نجاحها لجميع الشكاوى لانو كل زوج وشخصية مختلفة
ومش كل تصرفات الازواج تتفسر من طبيتعهم عرجال
لكل رجل تفاصيله....
وفي امور موحدة في اغلب الرجال نقدر نستفيد منك في تفسيرها

اشكرك على المساندة اختي ام فهد.

مثلا بسال جوزي دايما سؤال بس ماعمرو جاوب

حبيبي انت ليش وكل الرجال مفكرين حالكو منزهين عن الغلط
وانو اي خلاف بلف وبيدور وبرجع عراس الزوجة
يعني حتى لو انت تخانقت وزعلتني بترجئ الموضوع انو انا الي بديت واستفزييتك
وشكرا لك

اولاً شو عرفك ببقية الرجال؟!!!!
وثانياً مشكلتك هي في المخانقة، لأنه لو كلمتك بهدوء وراسي لتحت والدمعه حتنزل من خدي ، ماكان قلتي هذا الكلام.
طيب يازوجتي مهي هي نفسها
احنا الرجال نخانق لما نكون بموقف ضعف ومايكون عندي حل وخلقي ضيق، وبعدين ممكن يكون معاكي حق في بعض المشاكل اكون انا سببها بس احطها على راسك لأني لااريد ان اظهر بمظهر المخطئ امامك عشان لاتعايريني بها بالمستقبل وايضا لأني لست شجاعاً لاواجه نفسي بأني انا المخطأ، وبعدين اتوقعتك انك فاهمة انو انا بخناقتي معك اني بااستنجد بيكي!
العفو ياحياتي




... ولتحملك جنوني هالسنين والله مابلاقي زيك بس ياريت تستوعب انك انسان مش ملاك ههههه