قولي عندنا وعندك خير!!

زوجك يدور سبب حتى يكبر المشكلة ويبرر عزوفه عن الجنس

وتصرفك معه اثناء السفر راقي وجميل , اعجبتيني يا كنافه

ما قرأت ردود الأعضاء لكن انصحك هذي الفتره بالصمت التام والتجاهل
ولا تفكرين تطلعين من البيت
هو يبيك تطلعين حتى تضيع المشكلة الأساسية
هو الغلطان وعارف أنه غلطان ومتورط أكثر
احقريه ,, واخجل من حكاية هذي النصيحة لكنها دواء لزوجك بسبب خطأه الأخير الغير مبرر !!

لا.. ماهو برأيك؟


سأعود لاحقا لردودكم
جزاكم الله خير

المعنى ان زوجك يعتقد ان محبتك واحترامك له زاد بسبب
سوء ادبه معك ، وليس بسبب حسن خلقك .. للاسف !

دائما اؤيد ان تتعامل المراة مع زوجها بالشكل الذي تظهرينه
لكن ان كان هذا الاحترام والتقدير سيجلب الاهانات والاحتقار
فالاولى التوقف هنا واعادة النظر في طريقة التعامل الصحيحة التي
تكفل لك كرامتك كانسان ..

__________________



احيانا يجب ان نفقد ذواتنا كاملة لكي نستعيدها كاملة ...

الله يعينك ويفرجها عليك يارب
أهم شي الإحترام الي يقول يحبك ومادري ايش
الاحترام اهمم من الحب الي فيه اهانه وتجريح
وبصق وقرف ..الشكوى لله ياأختي

يا اختي مواضيعك ومشاكلك واضحه وضوح الشمس

زوجك يعاني من ضعف جنسي وانت تسببين احراجه وتطعنين برجولته فيصبح متوتر

حلك تنصحينه يتعالج وتصبرين عليه
وان ما نفع تتقبلينه بعيبه ولا تحرجينه بطلباتك المباشره والغير المباشره ومو كل شي بالدنيا الجنس
وان لم تستطيعي وهذا من حقك وما فاد علاجه يحق لك طلب الطلاق وقرري ان كان في مجال تتزوجين غيره او اصبري عليه
تراك طولتي الموضوع وهو صغير واحرجتي زوجك

بصراحه يا كنافه كنت اقراء موضيعك قبل و اقول انك حساسه

بس بعد هذا الموضوع اكتشفت انو زوجك معه حاله نفسيه ا

الله يعينك يا رب

صباح الخير وجزاكم الله خير
كل ردودكم والله على راسي.. قرأتها بتمعن
وانا الحمدلله مسلمه امري لله
وملاحظه زوجي جالس يحرضني اترك البيت
لكن لاني عنيده فلازلت جالسه بالبيت
وهو اثبت لي امس ان حياتي معه مافيها امان
تأكدت ان رحلتي معه احتمال كبير ماتطول
وللامانه انا زمان صايده زوجي يشوف شغلات اباحيه
واضح انها لاحسه عقله.. لانه اصلا ايمانه ضعيف
انا ياجماعه مو زعلانه لانه هز ثقتي بنفسي
اساسا بأي خلاف يحاول يشكنني بنفسي فتعودت
لكن انا زعلانه لانه دمر الحب والاحترام والفراش مستقبلا
هو كان يدور عن صفعه قويه يسد نفسي فيها طول العمر
وانا قسما بالله العلي العظيم اني ما اركض وراه بهدف فراش
اساسا زوجي حتى العلاقه معه مافيها متعه
امس يتريق على رغباتي وقت الجماع لما اطلب منه يعمل كذا
يقول: لك عين بعد يا قليله الادب!!!
شيء عجيب ماعمري سمعت فيه ولاشفته
بعدين انا لي كم شهر معودته اذا تلاقينا بعد الدوام اضمه
يقول امس انتي تضميني كل يوم لانك ممح... قهرني وجرحني


والله مو قادره اكتب او ألمح بكمية الانحطاط اللي شفته
اوكي هو من زمان انسان سطحي وكلامه مو موزون
لكن لما زوج يتكلم عن زوجته بهالشكل المنحط لخلاف تافه
فهذا إما أنه بايع، او براسه شي شين
واساسا كيف ساكت 3 سنين ونص والحين بس نطق
بعد ماعمرت بيته وجبت بنته وصار بينا عشره
يعني بعد ما ضمني وصار موقفي ضعيف بنظره
للامانه لو هو رجل حقيقي ابدا ماعمل كذا او قال كذا
لكن بعد اللي شفته لازلت متوقعه منه الاسوأ
بكل الحالات ما اقول الا الله ياخذ لي حقي منه

اخوي موضوع الضعف الجنسي هذا احتمال
مو شيء مؤكد او متصارحين فيه مع زوجي
بعدين لاعاملته بنديه ولا شي
انا دايما اقول اول ماتزوجته كنت حذره وجافه معه
وهو يعايرني للان بأحداث اول سنه
وامس يقول انا مستحيل انسى لو يمر 20سنه ولو تقيدين لي اصابعك شمع

وبكل خلافاتي معه هو يعتبرها معركه وحرب لازم يكسبها
وامس يقول يتخيلني عدوه باي خلاف
ويقول انو كثير يفكر بالانتقام مني
سألته: كل الرجال كذا؟
قال: لا انا بس.. هذي شخصيتي واللي يزعلني مره ادوس عليه طول العمر

رغم ان تفكيره هذا مدمر ويكشف ان نظرته لعلاقه الزواج مشوهه جدا

بعدين هو طلقني ورجعني من شهور
وبكل خلاف يقول ليتني ماتنازلت
ندمان لاني علمت اهلي ورفضت ارجع لاسبوعين
هو وقتها ترجى اهلي اكثر من مره
وهذا الشي قاهره الى اليوم
ومخليه يستفزني عالطالعه والنازله لطلب الطلاق
يقول حتى يرد اعتباره وينتقم مني
رغم تصرفي معه وقتها كان طبيعي
لاني قفلت جوالي وقلت لاهلي يقولون له اني ما ابيه
طبيعي يا جماعه كان قايل لي طلاق يومها
ومع ذلك رجعت وانا بنفسي اللي سعيت لتحسين العلاقه
وهو صار يتمادى اكثر واكثر
اقسم بالله ان اجمل اوقاتي لماهو يترك البيت ويطلع



اللهم اجرني بمصيبتي واخلف لي خيرا منها

نقطه بس حابه اذكرها
زوجي يعاني من ثواليل جنسيه.. ونقلها لي وقت ماكنت حامل
هي تطلع له كل 6شهور ويكويها عند الطبيب وتروح


اقسم بالله العلي العظيم بعمري ماتكلمت او لمحت فيها
بعمري ما تقرفت منه بسببها او حسيته انو عنده مشكله
والان حسيت بغلطتي.. لان المثاليه الزايده غباء
لو اني متعامله معه مره بفظاظه ونفور كان عرف حجمه
وكان ما تجرأ علي وعيب على شيء طبيعي بخلقتي
بينما اللي فيه مرض ينتقل اما بسبب علاقه غير شرعيه او بسبب عدم النظافه

وبالحالتين شي مقرف

انا ياجماعه جالسه اتعرض لمحاولات تدمير نفسيه
لها شهوووور ولازالت مستمره ولاي سبب
يعني امس كان السبب كوب شاي
فجأه هو جرحني بموضوع العلاقه
صار التدمير النفسي مباشر ويتحين بس اي فرصه
هذا الشي متعب متعب متعب متعب متعب
ولو وحده ماعندها ثقه بنفسها كان زمانها جنت وتعقدت