الله يعطيك العافية وماقصرت وانشالله نحصل اللي دين وخلق وجمال وتكافوؤ

وعليكم السلام
الي اشوفه بسؤالك انك تحتاج تعرف عن البنت حاجتين الشكل والمضمون:
من ناحية الشكل ماقدر أفيدك بحاجه غير انك تحدد الي تبيه لامك بيضاء نحيفه.... الخ
لان مهما يكون دايم نظرة الرجل تختلف عن نظرة المراه
أما من ناحية المضمون من وجهة نظري المؤدبه ثم المؤدبه ثم المؤدبه
لان لو فيها طبع مو زين يمنعها الادب من فعله
وهذا الشي ممكن تكتشفه عن طريق الرجال من أقاربها أسالهم عن أدبها مثل الخال والعم وعيال الخوال وعيال العم
لابد تبان المؤدبه أحس الرجال عندهم بعد نظر اكثر
ممكن تسال احد من النساء بس بشرط:
ماتكون من النساء الي تبالغ بالمدح او تبالغ بالسب لان بعض النساء الي تحبهم تشوفهم ملاك والي ماتحبهم تحط فيهم عيوب الدنيا
ولا تكون أمرآه حبيبه وعلى نياتها تشوف الناس كلهم يزينهم ياملحهم

أخيرا/ دايم أشوف انه الخوال هم الي يجذبون يعني البنات فالغالبية كربون الخوال فأسال عن الام والخوال

ههههههههههههههه قريت اخر سطر واحسبك تقولين اتزوج خالة ههههههههههههههههههههههه
طقن طقن طقن :14::14::14:واسوي انا وياها فرقة طقاقات والله مكسب

من ناحية اسأل امي فاهيه وحبيبه وتشوف الناس كلهم زيون
ومن راح يسأل مافيه الا اني اسوي مثل ماقالت توفي وفيصل اروح اسأل سواق الجيران

فهمت وش معنى عين داخله في المقله ..

الحين العين الجاحظه هي الي بارزه شوي ..

انتي تبي عكس داخله شوي ..يعني الجبهه بتكون بهالحاله بارزه ..

لولا اختلاف الاراء لبارت السلع ..<<<<<<<<<<<امزح يابنات والله امزح

__________________

مو تكون بارزه بس نفس الوجنتين تكون عريضه يعني العين تكون داخليه شوي ماهوب ناتقه كنها بقره

يعني زي كذا

[img]http://im25.***********/2012-06-14/1339681531221.jpg[/img]

متعب نفسي رايح ارفع الصوره وادور لك العيون والله لو تقولين شي فذوقي تفاهمت معك

لا ماشاء الله ذوقك زين ..

الله يرزقك وحده مقلتها داخله شوي ..ووجنتها عريضه ..عاد احرص ان وجنتها طبيعيه موب حقن ..؟؟

شفت هالي حطيت صورتها ملامحها ميب حاده لانااااااااعمه ..

الملامح الحاده هي الملامح العربيه الاصيله ..الله يعين الوالده وشلون بتشرح لها ..

ذكرتني بسالفه ..زوجي لما جا يخطبني باللقاء الاول ..لان احنا سوينا له ثلاث لقاءات بعدين الشوفه الشرعيه ..

يقول كنت اتامل اخوانك واقول ان شاء الله تصير بيضا زي فلان ..ويونها زي فلان ..وجسمها زي فلان ..

يقول بس كنت مرتاح نفسيا ..لأانهم زيون شوي ..؟؟؟؟؟

ولما سالت عن هالنقطه ان الخاطب يقيس على اخوان الزوجه ..تفاجأت بهالمثل الجميل ..

اذا شفت الغزلان عند الباب ترى القرد جوا ..واذا شفت القرد عند الباب ..ترى الغزال جوا ..<<<امزح ..

__________________

هههههههههههههه والله شكلكم عذبتوه الين خذك

ثلاث لقاءات وبعدين شوفه شرعيه

انا والله ماادري امس طالع البر شوي الا تتصل امي تقول لي " وينك الرجال جاي يشوفك "
انا جلست اقلب الكلام في راسي اقلبه عيت لاتظبط
حسيت اني انا البنت وهو جاي يخطبني
قلت لها اصبري بروح اظبط شعري

وبعدين على طول اتصل وقال ابصلي العصر واجي

انا قلت خييييييييييييييييييييييير والله مايمديني ارجع رايح 240 كيلو عن الرياض
وش رايك في العائله اللي خطبت منهم احسك صريحه وبحصل عندك الشور

يعني مره قلق ابوهم ذاك اليوم يقول الشباب لهم شخصيتين وحده يطلعون فيها قدام الناس ووحده خفيه
وبعدين التفت علي وعطاني نظره وقال ابطلع شخصيتك الخفيه
والله ماادري وش اخرتها معه واهلي من الجهه الثانيه شابين فيني يعني قايل لهم بااطلع البر ويتصلون علي يقولون فيه احد يطلع البر في الجمعه في احد يطلع فذا القوايل

طيب قبل مااروح قايل لكم وكان الوضع عادي يوم قرر يجي صرت انا المخطيء
احس بهون

أولا ً أخي الكريم الله يرزقك بأنثى تنسيك همومك..فالمرأه الصالحة خير متعا الدنيا.....ولكن لاتوجد أمرأه أو أي شخص كامل

ولكن خذ نصيحتي ولن تندم وهي ووصية الحبيب المصطفى علية الصلاة والسلام....أظفر بذات الدين ...نصيحة لك..

لا تنظر إلى جمالها ولا إلى شي أخرى فقط أنظر إلى دينها..والجمال جمال الروح...وكل أمرأه فيها لمسه من ابداع الخالق

الدين الدين الدين الدين الدين راعية الدين اعيدها مراراً وتكراراً

وربي سوف تسعد إذا كنت محافظ انت كذالك معاها
وحبذا أنت تتزوج من اسرة فقيره أو اسره متواضعه...فستجد ابنتهم قنوعه...بعكس من تعودت على السفر والتسوق وغيره

والله يوفقك

الله يكتب اللي فيه الخير وخاطب من ناس متواضعين بس ابوهم قلق اشوي
احس انه جالس يراقبني

لوف كتبت قصتي بقسم المطلقات اذا حاب تقراها