صدقيني اتوقع انك انتي تتحملي جزء من المشكلة

يعني ممكن تكوني مهملة في نفسك و ممكن يكون وزنك زايد

ما اتوقع ان في بني ادم طبيعي يترك زوجته حلاله زلاله و يروح للحرام على الاب توب

صدقيني انه لازم تغيري في نفسك في ترتيب البيت في نمط الحياة في البيت و بيرجع مثل اول و احسن

لان الرجال لمن يتعود على روتين موحد يمل و يطفش

و حاولي تكوني متزينه له اول ما يرجع من الشغل لانه اكيد حيكون له فتره عن اخر مره سواء فيها شي مع نفسه

ففرصه انك تكوني مصدر اثاره له اكبر

الشي الاخير اطلعي انتي و ياه لسفره و اسكنوا في فندق 5 نجوم اذا حالتكم المادية تسمح

انتي و هو بس و الاطفال اتركيهم عند احد من اهلك

و صدقيني انك بتدعي لي

الله يوفقكم يارب

اولا انا الحمدلله جميله وبشهادته ومب مقصره لا في ترتيب ولا في شكلي ووزني مناسب لو بلبس له لبس مغري. بيجي بيقول لي خير. وش عندك. صرت اتزين واتعدل للناس لاني حتى لو تزينت له راح يفهم ان قصدي اغريه ورده علي يجرحني صرت البس لبس عادي واتجمل للناس. هو ماتفرق معاه
ودايما يقول لي انتي حلوه وانا كذا كيف لو كنتي شينه ! ودايما يقول الجمال ماله علاقه بالرغبه يعني لو بسير وتعدلت ورحت اوريه كشختي مثلا بيقول حلوه مره ويصد. ولا تحرك فيه شعره!!! كانه يمدح اخته

ليش مب متوقع ان فيه رجال كذا ودايما الخطا على الحرمه. هو من بدايه زواجنا وهو بارد بس الحين. زاد. وهذا اللي معذبني. صار بارد في العواطف وماعنده وقت. ولا حاجه. ولا مزاج. وحتى الافلام اللي يشووفها يقول انها ماصارت تثيره سالته ليه تشوفها مدامها ماتثيرك اصلا. قاااال اتذكر المتعه القديمه واحاول استرجعها ومب قادر. لاحول ولا قوه الا بالله.

فكره السفر. سافرنا. ماتغير شي. نفس الحاله. الله المستعان.

مسكينة المراءة كل شي على راسها
صحيح لنا الله
الله يفرج همك
وهمي امين

مشكوره حبيبتي الله كريم

لماذا لا تستطيعين الطلاق؟

عزيزتي
الحياة تعاش مرة واحدة , ان لما تحييها كما تريدين
فهي اجدر بأن لا تعاش
اتخذي قرار , كانت تبعاته في صالحك او ضدك
يكفي انكي ستشعرين برضى ذاتي وقتها
لان قرارك وتوابعه , كانت بإختيارك

امي بتمرض عارفتها. ومادياا راح يتغير الوضع. واخاف انكسر اجتماعيا. ومحد يبي يتزوج وحده عندها 3 من يبيني اذا بنات مهب لاقين زوج انا اللي صرت 31 يبوني ؟؟؟ واخاف عيالي يتعقدون صراحه مالهم غيري امي ماتستحملهم وما اضمن لو لقيت اللي يرضا فيني مايكون مثله اعرف كل انسان له عيوب اخاف اللي غيره يكون اسوء منه. خفت من الزواج صراحه.
والله اني امس على طرف لساني بقول له مابيك. !! بس ماقدرت انطقها. صابره والله كريم.

31 ليست كبيره وخاصة ان كانت المرأة حسنة الاخلاق ومن ثم جميلة ، والنصيب بيد الله تعالى مهما كان عمر المرأة ، وما فائدة المجتمع والاولاد يوم القيامة ان ضعفت المرأة وخانت ؟!

بدون لا أسألك.

زوجك لا يصلي أو هو غير محافظ عليها أو يصليها حياء من الناس فقط.

هي ذي المشكلة ترى.. الأنسان اذا أبتعد و أضاع صلاته كذا يصير فيه.. كله أمراض و نكد و ضنك المعيشة و أباحيات و فواحش و خرابيط.

بس أختي فالله ودي أسألك أنت على أساس خذيتيه بالأول ؟

مشاهدته للأفلام الأباحية و أهمالك عاطفيا.. ما هي الا أعراض لعدم محافظته على الصلاة و عدم التزامه بها.

فلذلك أحرصي على هدايته الى المحافظة على الصلاة و أنسي الأمور الأخرى.. لأنها بأذن الله ستزول مع محافظته لصلواته الخمس.

أسأل الله أن يهدي زوجك و أن يوفقك و يسدد لك أمورك و أن يصلح لك دنياك و أخرتك.

هو يصلي بش في غير جماعه ومب في اوقاتها لانه يا مشغول يا بطنه على كلامه مايساعده. المسجد يروحه من جمعه لجمعه. الله يغفر له ويرحمنا برحمته.

ولو بقول له قم صل. مايتقبل ويهاوش حريه شخصيه ومايحب احد يملي عليه شي. عنيد بس عالاقل يصلي الحمدلله


تزوجته بطيخه خخخخ كل اللي سالناهم عنه قالوو مايعرفونه واانا اهلي مايزوجونا من برا قبيلتنا فمشكله وفرص الزواج عندي محدده. واهلي. شجعوني وامدحووه. مع انهم مايعرفونه بس معطياته العامه كانت لا باس فيها. وكنت صغيره وماعرف مصلحتي. ونصيب وش نسوي

كل خوفي اخووووون. في لحظه ضعف. خصوصا انه هاملني وعندي حريه. ولا حتى يسال لا عني ولا عن عياله طوول اليووم رامي كل شي علي حتى في مرضهم. اللي يقووول لي عوضي الحب في عيالك. اوكي الحمدلله حانه عليهم وهم كل عمري. بس انا من يحن علي ؟؟ محتاجه انساااااانه يحبني ويضمني يحسسني اني حرمه. لو مره بالاسبوع انا راضيه. ولو بدون شي بس حضن. بس كلمه حلوه


الله المستعان اللهم اكفني وكل اللي مثلي بالحلال عن الحرام واغنني من فضلك عن من سواك